Page 1 of 1

A mundet dikush te me sqaroj kete...

Posted: Fri Mar 03, 2017 11:26 pm
by Sally
Malaj: Shqipëria e Greqia bien dakord: Kontroll 335 teksteve shkollore

Plot 335 tekste shkollore të historisë dhe gjeografisë do të kontrollohen mes institucioneve arsimore të palës shqiptare dhe asaj greke si rrjedhim i marrëveshjes dypalëshe mes shteteve.

Dakordësia është arritur mes dy grupeve të punës në nivel ekspertësh ku pala shqiptare kryesohej nga Zv/ministrja Nora Malaj, e cila sqaron për Ora News edhe mënyrën sesi do të funksionojë procesi I kontrollit të teksteve.

Malaj: Qeveria shqiptare mori rreth 336 tekste nga pala greke. Të njëjtën sasi i kemi çuar dhe ne palës greke, që do të thotë se të gjithë kurrikulën që ne realizojmë sot dhe tekstet që operohen sot në sistemin e arsimit, pala greke i ka në vlerësimin e saj.

Malaj tha se për herë të pare pas 10 vitesh që janë ngritur 2 komisionet kjo është hera e parë që arrihet një dakordësi për tekstet e punuara.

Malaj: Një vlerësim i tyre ishte jo vetëm që gjuha ishte shumë e pastër dhe shumë e kujdesshme e shkruar në tekste, por edhe me një profesionalizëm intelektual që tregon se neve me të vërtetë jemi tashmë jemi në fazën që mund të konkurrojmë me tekstet tona.

Në raportin e konkluzioneve veç të tjerash theksohet:

Të dy palët u dakordësuan se pala helene do të nisë konkluzionet e saj dhe propozimet bazuar në tekstet shqiptare të kurrikulave për gjeografinë dhe historinë jo më vonë se prilli i 2017 që të merren parasysh nga pala shqiptare para miratimit të teksteve për vitin e ri shkollor.

Takimi në nivel ekspertësh është mbajtur në datat 21 dhe 22 shkurt ndërsa është lënë afati që takimi i radhës pas kontrollit të testeve të mbahet në muajin maj. MAPO


Ju lutem a mundet dikush te ma sqaroj kete konkretisht, se nuk po e kuptoj per cfare behet fjale 1)-kontroll apo konkurim... 2)-pse vetem ne lenden e gjeografise dhe historise... 3)-dhe per cfare na ndihmon kjo dakordesi???