"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

I jepet fund mbikëqyrjes së pavarësisë së Kosovës

Në këtë forum, do të sillen lajmet më të fundit dhe mund të komentohen ato. Gjithashtu ato mund të lexohen dhe në portal, së bashku me komentet.

Moderator: Mallakastrioti

Post Reply
Rina
Honored Member
Honored Member
Posts: 368
Joined: Thu Feb 23, 2012 10:03 pm
Gender: Female

I jepet fund mbikëqyrjes së pavarësisë së Kosovës

#1

Post by Rina » Mon Jul 02, 2012 3:12 pm

13:35 / 2.07.2012


Image

Grupi Drejtues Ndërkombëtar ka marrë vendim që të përmbyllet pavarësia e mbikëqyrur e Kosovës, ndërsa ka mbetur që deri në shtator të kryhen disa obligime, siç është përfshirja e disa ligjeve në këtë proces, ka thënë shefi i ICO-së Pieter Feith. Kurse nikoqiri i takimit, ministri i Jashtëm i Austrisë, Mihael Shpindeleger ka thënë se kjo paraqet një ditë historike për Kosovën.

"Nga dita e sotme, Kosovës po i hiqet mbikëqyrja ndërkombëtare, kurse mandati i ICO-së (Zyrës Civile Ndërkombëtare) pushon në shtator", ka thënë ministri austriak, Mihael Shpindeleger.

Ai ka shprehur kënaqësinë e tij se Vjena është vendi ku u hartua dhe aprovua Plani i Ahtisarit për shpalljen e pavarësisë së Kosovës dhe po në këtë qytet tash po vendoset fundi i mbikëqyrjes së kësaj pavarësie.

“Ne e dimë se Kosova do të ballafaqohet me shumë sfida dhe do të duhet të kryejë shumë detyra të shtëpisë, por e dimë po ashtu se ka bërë një punë të mrekullueshme këto vitet e fundit”, tha ministri austriak, duke shpresuar se Kosova një ditë do të jetë pjesë e strukturave të integruara të Evropës.

Në anën tjetër, shefi i ICO-së, Piter Feith ka deklaruar se Kosova ka bërë shumë përparime këto vitet e fundit.

Ndërsa ka lavdëruar përpjekjet për hapjen e Zyrës Administrative në veri, Feith ka inkurajuar institucionet e Kosovës që në ditët në vijim t’i bëjnë ndryshimet e nevojshme ligjore- kushtetuese në mënyrë që të bëhet kalimi i kompetencave dhe përgjegjësive nga zyra e tij tek autoritetet vendase.

Nga Plani i Ahtisarit, sfidat e papërmbushura kanë mbetur në veri të Kosovës. Feith me këtë rast ka përmendur tri parime mbi të cilat do të gjendet zgjidhja politike për atë pjesë.

“Zgjidhja politike për veriun do të bazohet në tri parime: Nuk ka dhunë, nuk ka ndarje, pra veriu do të mbetet i Kosovës dhe parimi i tretë se veriu nuk do të mbetet konflikt i ngrirë”, ka thënë Feith.

Në anën tjetër kryeministri Hashim Thaçi tha se kjo paraqet një ditë historike për Kosovën për të cilën ai tha se meritat i ndajnë së bashku institucionet e Kosovës dhe komuniteti ndërkombëtar.

Duke folur në takimin me GDN-së, Thaçi ka thënë se të gjithë kanë bërë një punë të shkëlqyeshme, e cila e ka bërë Kosovën në shtet të respektuar në rajon dhe me gjerë.

“Unë e di se ende kemi punë për të bërë. Ne duhet të forcojmë sundimin e ligjit dhe të rrisim mirëbesimin e qytetarëve tanë. Ne duhet të rrisim nivelin e bashkëpunimit ekonomik. Ne duhet të realizojmë potencialin tonë të plotë të decentralizimit dhe të sigurojmë qytetarët tanë se qeveria e tyre është përgjegjëse për nevojat e tyre. Për më tepër, ne duhet të forcojmë lidhjet ndërmjet grupeve etnike në Kosovë dhe të bëjmë tolerancën dhe respektin për kulturën e njëri tjetrit pjesë përbërëse të jetës së shtetit tonë. Në bashkëpunim me Zyrën Ndërkombëtare Civile ne kemi krijuar strukturat për përballjen me këto sfida dhe unë zotohem se jemi të përkushtuar që ta bëjmë Kosovën një rrëfim suksesi dhe shembull i zhvillimit, paqes dhe stabilitetit”, theksoi Thaçi.

Duke pasqyruar proceset që nga pas shpallja e pavarësisë së Kosovës, kryeministri theksoi se tani institucionet tona janë të gatshme të dalin nga ombrella e mbikëqyrjes dhe të përfshijnë parimet e Propozimit Gjithëpërfshirës në ligjet dhe Kushtetutën moderne, me qëllim që t’i shërbejnë kombit plotësisht të pavarur.

“Institucionet e Kosovës kanë punuar dhe janë duke punuar maksimalisht për të siguruar njohje të reja dhe dua ta shfrytëzoj këtë moment t’ju falënderoj për përkrahjen e palodhshme dhe të çmueshme që kanë dhënë përfaqësuesit e vendeve të cilat ju i përfaqësoni këtu. Institucionet e Republikës së Kosovës kanë vazhduar të konsolidohen sipas planit të paraparë dhe si rezultat tani janë të gatshme për të ushtruar të gjitha përgjegjësitë shtetërore”, vlerësoi kreu i ekzekutivit të Kosovës.

Ai siguroi se fryma e Planit të Ahtisaarit do të vazhdojë gjatë edhe pas përfundimit të mandatit të Zyrës Ndërkombëtare Civile.

“Një sfidë me të cilën vazhdojmë të ballafaqohemi është se si mund të zhvillojnë institucionet e Kosovës një marrëdhënie me komunitetin serb në veri. Në maj të këtij viti, ne kemi deklaruar qëllimin tonë që t’u afrohemi më afër qytetarëve tanë atje, duke marrë vendimin për hapjen e Zyrës Administrative të Mitrovicës Veriore”, u shpreh Thaçi, duke shtuar se qartazi, çështja e krimit të organizuar, kontrabandës, strukturave paralele dhe bllokadave në veri të Kosovës është sfidë që po përcjellë Kosovën.

“Bllokimi i lirisë së lëvizjes dhe mallrave nga kushdo qoftë është i papranueshëm. Me këtë rast dua t’i falënderoj KFOR-in dhe EULEX-in për punën e tyre, por ka mbetur edhe shumë për t’u bërë për të siguruar një mjedis ligjor dhe demokratik”, tha Thaçi.

Kreu i ekzekutivit duke folur për bisedimet me Serbinë, i bëri thirrje bashkësisë ndërkombëtare që të vazhdojnë presionin ndaj Serbisë në këtë proces dhe që marrëveshjet e arritura të implementohen nga ana e Serbisë. /Telegrafi/
Last edited by Rina on Mon Jul 02, 2012 3:15 pm, edited 1 time in total.

Rina
Honored Member
Honored Member
Posts: 368
Joined: Thu Feb 23, 2012 10:03 pm
Gender: Female

Re: I jepet fund mbikëqyrjes së pavarësisë së Kosovës

#2

Post by Rina » Mon Jul 02, 2012 3:14 pm

Lunacek: Fundi i mbikëqyrjes, mesazh i mirë

16:46 / 2.07.2012


Përmbyllja e pavarësisë së mbikëqyrur është mesazh për pesë vendet e BE-së, që nuk e kanë njohur Kosovën ,që këtë ta bëjnë sa më shpejt që është e mundur dhe në këtë mënyrë BE-ja të flas me një zë dhe misioni i saj në Kosovë, EULEX, nuk duhet të jetë neutral karshi pavarësisë së Kosovës, ka thënë Raportuesja për Kosovën në Parlamentin Evropian, Ulrike Lunacek.

Eurodeputetja austriake ka thënë se sot është një ditë e madhe për Kosovën pasi që komuniteti ndërkombëtar ka vlerësuar se shtetndërtimi i Kosovës ka qenë i suksesshëm dhe se Republika e Kosovës është një fakt i pamohueshëm.

“Që të jem reale, e di që kjo nuk ndodh brenda natës. Fakti që pesë vendet e BE-së nuk janë duke e njohur Kosovën vërtetë janë duke e penguar qasjen e Bashkimit Evropian karshi Kosovës”, ka thënë Luancek për Dukagjini.com.

Lunacek ka shtuar se Qeveria e re e Serbisë do të duhej ta shihte fundin e pavarësisë së mbikëqyrur të Kosovës si një hap pozitiv dhe të kërkojë zbatimin e planit të Ahtisarit në veri të Kosovës./Telegrafi/

Rina
Honored Member
Honored Member
Posts: 368
Joined: Thu Feb 23, 2012 10:03 pm
Gender: Female

Re: I jepet fund mbikëqyrjes së pavarësisë së Kosovës

#3

Post by Rina » Mon Jul 02, 2012 3:27 pm

Shtet i qytetarëve!

17:18 / 2.07.2012


Image


Presidentja e Republikës së Kosovës, Atifete Jahjaga, ka deklaruar se Grupi Ndërkombëtar Drejtues me vendimin për përfundimin e mbikëqyrjes së pavarësisë së Kosovës, ia ka kthyer popullit të Kosovës atë që i takon, vendimmarrjen dhe përgjegjësinë për vetveten.

Në vijim lexoni deklaratën e plotë të presidentes Jahjaga me rastin e përfundimit të mbikëqyrjes së pavarësisë së Kosovës:

Qytetarë të nderuar të Republikës së Kosovës,

Para katër vitesh përfaqësuesit e zgjedhur me votën tuaj në Kuvend, duke shprehur vullnetin e pamohueshëm, shpallën Kosovën shtet sovran dhe të pavarur, me një mbikëqyrje ndërkombëtare të vendeve mike, që kishin përkrahur për një dekadë përparimin tonë për krijimin e shtetit më të ri në Evropë.

Sot, këta miq, të mbledhur në Vjenë, në kuadër të Grupit Drejtues Ndërkombëtar, që mbështetën secilin hap të përparimit tonë të gjithëmbarshëm politik, shoqëror dhe ekonomik, i dhanë fund periudhës së mbikëqyrjes së pavarësisë së Republikës së Kosovës, duke ua besuar dhe dorëzuar tërësisht të ardhmen e Shtetit - qytetarëve të saj.

Besimi në ju, qytetarë të Kosovës dhe në Republikën tonë, është fryt i punës dhe i angazhimit të përbashkët, që vlerat demokratike i bëmë parime themelore të shtetësisë sonë, duke dëshmuar aftësi dhe përgjegjësi për shtetin tonë dhe obligimet tona ndërkombëtare.

Qytetarë të nderuar,

Para së gjithash, ju takon juve merita për realizimin e ëndrrës shekullore për shtetin tonë. Me përkushtimin dhe punën tuaj të palodhshme, posaçërisht në katër vitet e fundit, për të jetësuar në përditshmëri Pakon e Ahtisaarit, ju realizuat idealin për të ndërtuar një Kosovë të pavarur, të lirë dhe një vend ku jetohet me dinjitet.

Ne i qëndruam besnik vizionit dhe sakrificës së atyre që trasuan këtë rrugë për ne, përkundër sfidave me të cilat u përballëm si shoqëri e dalë nga lufta. Ju bëtë atë që rrallë kush e ka bërë në historinë e njerëzimit – shtritë dorën e mirëkuptimit me të vetmin qëllim, që gjeneratat që vijnë pas të kenë një jetë më të mirë. Ju e bëtë këtë në emër të Kosovës dhe të së ardhmes së saj, dhe për këtë jemi shumë krenarë.

Sot, si rezultat i këtij përkushtimi, qytetarët e Kosovës, pavarësisht përkatësisë së tyre etnike e fetare, jetojnë të lirë në çdo cep të Kosovës, duke i gëzuar të drejtat e liritë e tyre dhe duke pasur mundësi të barabarta.

Është pikërisht ky përkushtim i juaji, i Qytetarëve të Kosovës, që na jep shtytje ne si institucione të një shteti të pavarur dhe sovran, të përkushtohemi më shumë dhe të marrim përgjegjësinë për t’u udhëhequr nga parimet dhe vlerat demokratike, në rrugëtimin tonë të mëtejmë, për të konsoliduar demokracinë tonë, për të garantuar shtetin e së drejtës, për të ofruar jetë më të mirë për qytetarët tanë.

E ardhmja e Republikës së Kosovës është në Bashkimin Evropian dhe parimet mbi të cilat e kemi ndërtuar shtetin tonë do të vazhdojnë të jenë udhërrëfyesi ynë.

Vendimi i sotëm i Grupit Drejtues Ndërkombëtar, për ta përfunduar mbikëqyrjen e pavarësisë së Republikës së Kosovës, duke ia kthyer popullit të këtij vendi atë që i takon dhe për të cilën ka sakrifikuar, hap një horizont të ri për Republikën e Kosovës, për pozitën e saj në arenën ndërkombëtare dhe për zhvillimin e përgjithshëm të vendit tonë.

Ky vendim hap rrugën për një partneritet të barabartë me bashkësinë ndërkombëtare, bazuar në respektin e ndërsjellë.

Dhe së fundi, qytetarë të Kosovës, më lejoni që në emrin tuaj, në emër të institucioneve të Kosovës që përfaqësojnë vullnetin tuaj dhe emrin tim personal si Presidente e vendit, të falënderoj bashkësinë ndërkombëtare, miqtë tanë: Shtetet e Bashkuara të Amerikës, shtetet e Bashkimit Evropian e partnerët tanë strategjik, për ndihmën e tyre për çlirimin e Kosovës, garantimin e paqes dhe stabilitetit ne rajon dhe besimin e shprehur sot se Kosova mund të qeverisë plotësisht veten.

Ju faleminderit!


/Telegrafi/

Rina
Honored Member
Honored Member
Posts: 368
Joined: Thu Feb 23, 2012 10:03 pm
Gender: Female

Re: I jepet fund mbikëqyrjes së pavarësisë së Kosovës

#4

Post by Rina » Tue Jul 03, 2012 10:36 am

Ky titulli nuk po me duket aq ne rregull gjuhesisht. Ndoshta me mire do te ishte "Merr fund/perfundon/permbyllet mbikeqyrja e pavaresise se Kosoves".

Post Reply

Return to “Lajme”