ARBERIAONLINE

Parathenie.

Duke shkuar lart dhe poshte neper net. dje ndesha ne blogun zyrtar te Himara.eu ne nje shkrim disi interesant, ku nje zoteri aty me nofken "Akroqeravnos" kish vene ne shenjester nje artikull shkruar nga z. Ylli Permeti.Jo se ka ndonje gje skandaloze qe mund te analizohen artikujt e çdokujt dhe prej çdokujt sigurisht ne respekt te ndersjellte si dhe duke u bazuar ne fakte.Po ku qendron problemi atehere do pyesni ju.Blogistat Himariot apo "Djemte e Himares" siç mund tu pelqeje atyre te quhen jo vetem qe ne artikullin shkruar nga z.Ylli Permeti nuk benin aspak nje analize te mirefillte po kishin nisur njefare demonizimi autorit (z.Ylli).Nuk ndaleshin me kaq pasi gjithe komentuesit kishin zene me tallje dhe ironira te pavende.Duke qene nje Blog ku replikat me fakte jane disi te kufizuara,ku kunderplika e z.Ylli apo dhe te tjerat çensurohen apo fshihen prej Admin. te blogut,ne nje moment hyra edhe une te shkruaj,pasi me ngjau jo e ndershme qe te sulmosh dike ne ate menyre,pra shume veta kerkojne te te sulmojne dhe duke te mos lene hapesire per pergjigje, dhe thjesht i ftova qe kete debat ta transferonin ne Arberiaonline duke u garantuar "Djemve te Himares" liri te plote te fjales,jo çensure dhe fshirje apo perjashtime prej Forumit tone.Kete kerkese ua paraqita disa here dhe jo me qellim ne mbrojtje te z.Ylli Permeti,aspak diçka te tille,pasi as nuk e njihja deri dje cili ishte autori qe po sulmonin.

Me mbas i kerkova leje edhe z.Ylli qe artikuj analizat e tj dhe kete debat ta vendosja ketu ku ai sikurse Blogistat himariot do ti garantohej fjala dhe replikat apo idete e tij dhe te tyre sigurisht.

Po filloj se pari me analizen e bere prej "Akroqeravnos":

-------





Injoranca nr 1.: autori famekeq, Ylli nga Permeti jep kete perkufizim te termit ostracizem:

Shovinizmi ka forma të ndryshme shfaqjesh. Një ndër to është ostracizmi. Po ç’është ostracizmi? Ostracizëm është një masë e po të njëjtit lloj, i cili vepron duke nxjerrë të paaftë dhe duke ndaluar qytetarin më të spikatur. Pushtetet e mëdha bëjnë të njëjtën gjë në qytetet dhe kombet e tyre, sikurse athiniotët bënë te samiotët, kiosët, dhe lesbiotët. Ata nuk e kishin kuptuar qysh herët perandorinë (e Athinës) dhe i poshtëruan aleatët e tyre kundër marrëveshjes.

Nga nje kerkim ne google (http://en.wikipedia.org/wiki/Ostracism) gjendet ky perkufizim i termit ostracizem:
Ostracism-(Εξωστρακισμός) (Greek: έξω-οστρακισμός - exo (out)-ostrakismos) was a procedure under the Athenian democracy in which any citizen could be expelled from the city-state of Athens for ten years. While some instances clearly expressed popular anger at the victim, ostracism was often used preemptively. It was used as a way of defusing major confrontations between rival politicians (by removing one of them from the scene), neutralizing someone thought to be a threat to the state, or exiling a potential tyrant.

Duket qarte qe Ylli permetar perpiqet te jape nje perkufizim te ri te tijin te ketij termi. Dhe shovinizmi si term nuk ka te beje me perallat qe na tregon ylli permetar.

Injoranca dhe dezinformim Nr. 2 e yllit permetar:
"Greqia filloi sërish asimilimin e saj, me ngritje shkollash në Korçë, Himarë dhe vende të tjera në brendësi të Shqipërisë (autori i referohet viteve 1800-1900)."

Ne te vertete shkollat greke, rreth 1200 te tilla shkolla private, jane hapur e finacuar nga humaniste epirote si Zhapajt nga Labova, familja Zosimea ne nje kohe qe gjuha shqipe ishte vetem nje gjuhe e folur.Dhe territori n ete cilen u hapen shkollat ishte nen sundimin Turk ne te cilen shqiptaret kishin pozita kyce. Shume figura te shquara si Kostandin Kristoforidhi, Naim Frasheri, Sami Frasheri, Ismail Qemali, Qazim Koculi etj kane mesuar ne keto shkolla. Po te ishte e vertete ajo qe thote ylli permetar nuk delnin nga bangat e ketyre shkollave figura te tilla qe udhehoqen rilindjen Shqiptare. Sipas Natali Clayer mund te thuhet krejt e kunderta nga ato qe predikon ylli permetar: ishin pikerisht shkollat greke ne kete territor qe i dhane kulturen e nevojshme shqiptareve per ta kuptuar se ishin dicka e ndryshme nga Turqit . Po te mos ishin keto shkolla greqishte ne kushtet e mungeses deri dhe te alfabetit shqip, tani Shqiperia e jugut do ishte pjese e Anadollit .
Bold
Injoranca nr 3: Sipas yllit permetar ne Janine u hap Universiteti Zosimea, me sa duket nuk arrin te dalloje gjimnazin nga Universiteti.


Injoranca nr 4: Dodona eshte qender ilire (sipas yllit permetar)

Gjithe shkrimet e antikitetit dhe zbulimi i Dodones me amfiteatrin e saj ku luheshin drama (nuk besohet se kane egzistuar drama apo tragjedi apo shkrimtare ilire madje nuk dihet se c'gjuhe kane folur keta ilire) deshmojne per nje vijueshmeri te padiskutueshme qyteterimit grek

Injoranca nr 4: Shteti i ri helen u clirua nga Shqiptaret !

E pse nuk cliruan veten e tyre shqiptaret por e krijuan shtetin e tyre 100 vjet me pas shtetit grek??? Dhe te mos harrojme se krijimi i shtetitshqiptar ishte me shume rezultat i nevojes se fuqive te medha per ekuiliber sesa i luftes se tyre per pavaresi nga Turqia. Madje ne luften ballkanike kur Rumania, Serbia, Bullgaria, Mali i zi e Greqia luftonin kunder Turqise, shqiptaret ju bashkuan forcave turke per te ruajtur statuquone .

Injoranca nr N-2: ylli permetar ben anliza ekonomike, si ajo e exportimit bankar grek me termat e komunizmit. Nderkohe qe ne shqiperi operojne banka gjermane, italiane, kuvaitjane, atij i bejne pershtypje bankat greke. Pa dyshim qe njohurite e siperfaqeshme ne ekonomi i japin te thenave te tij vlera origjinale!!!
Nje nga termat e tij brilante eshte ai i korpokratise (corpocracy =A society dominated politically and economically by large corporations.)

Sipas konceptit te sotem, sa me shume kapitale te importohen ne nje vend , aq me i zhvilluar ekonomikisht eshte ky vend. Amerika (USA) psh në vitin 1995 kishte pak më shumë se 50 miliardë dollarë kapital te huaj, kjo shifër në vitin 2003 i kaloi të 1 trilionë e 400 miliardë dollarëve. Ashtu, si edhe kapitali i huaj në Amerikën e Veriut në vitin 2004 mbërriti në 100 miliardë dollarë, i cili në krahasim me vitin 2003 u rrit mbi 60%.
Pra dilema eshte ne se Shqiperia do jete pjese e globalizmit apo nje projekt i tipit te narcistit permetar, pa borxhe dhe kapitale te huaja si ne kohen e Enverit.

.......Injoranca nr N-1: Dule, mediokri pasanik i Athinës nga Himara, eshte shqiptar !!!!


Dule eshte deputet i zones se Himares, por nuk eshte nga Himara. Sipas yllit permetar Dule na qenka medioker, pasanik i Athines...rralle here mund ti serviren publikut zhevahire te tilla pa pergjegjesi .

Injoranca nr N: ylli permetar vazhdon histerene konfliktuale me Greqine qe eshte pritese e nje milion shqiptareve . Duhet kuraje e madhe qe nje integrim total i nje te tretes se shqiptareve ne Greqi, me martesa te ndersjellta dhe lidhje te tjera kumbarie dhe miqesore, ta kthesh nga fakt pozitiv te padiskutueshem ne te kunderten e vet dhe kete mund ta bejne vetem halucinantet.
Ne vazhde te tradites famekeqe te ekstremisteve Xhufi, Godo, Myftaraj me shoke, ylli yne permetar merret dhe me Himaren.

Evidentimin e marrezive te tjera ja leme lexuesve te artikullit qe vijon.

Helenizmi: “Ostracizëm” politik i Athinës? (nga Ylli Permeti-gazeta shqip)
1. Paradoksi “Asimilues” i Athinës dhe “Kuajt” shqiptarë me “Veshoret” e tyre!

Më bën përshtypje jashtëzakonisht të madhe qëndrimi i kryetarit të PBDNJ-së, Vangjel Dule, i cili vazhdon të tregojë mediokritetin e vet, qoftë lidhur me origjinën e tij, qoftë me atë pro heleno-europiane. Gjithashtu më bën përshtypje, se me paturpësinë më të madhe hedh poshtë ekzistencën e një populli mjaft të lashtë historik: Çamërisë. Pikënisje e kësaj analize është shfaqja e tij në TV “Klan”, ku debaton me kundërshtarë mjaft ineficentë, gjithnjë lidhur me debatin ksenofob apo incidentet etnike që shfaqen herë pas here në vende të ndryshme territoriale, sikurse janë ato greko-shqiptare. Konsideroj ineficentë “kundërshtarët” e dogmës Dule, sepse asnjëri nga kundërshtarët ― pavarësisht jetës së tyre librike dhe historike ― nuk e bindin me argumente historiko-shkencore kundërshtarin apo audiencën, e cila është mbartëse e dezinformimit të vazhdueshëm mediatik. Ky lloj dezinformim ndodh sepse pikërisht personat në fjalë nuk janë mjaftueshëm të pajisur me argumente shkencore për të goditur mediokritetin e një pasaniku të Athinës nga Himara. Për këtë arsye, po i bëj një hyrje shfaqjes së kombit grek, si fillim, në historinë njerëzore dhe pas kësaj do të citoj disa pasazhe të Aristotelit, për të kuptuar se cilën politikë ndjek Greqia, ose më saktë Athina. Dhe së fundmi do t’u bëj një përkufizim “minoritarëve” grekë në Shqipëri. Nëse dikush e lexon me vëmendje këtë tekst, atëherë do të kuptojë përse Dule, bashkë me bandën e vet neoliberale, e cila i shërben korpokracisë helenike në Shqipëri, dhe kundërshtarët e tij bien në qorrsokak logjik.

Kështu, si fillim dua t’i bëj një përcaktim emërimit të një sendi, subjekti apo njeriu, pra gjenezës emërore të tij. Dihet që emrat njerëzorë i vendosin pararendësit tanë te fëmijët e tyre, pra është tjetri që na quan disi. Në të njëjtën mënyrë quhen edhe sendet, subjektet apo popujt. Nuk mund të vetëquhet dikush që nga momenti që nuk përbën subjekt orientimi për dikë tjetër; por quhet nga tjetri, sepse për tjetrin përbën subjekt orientimi. Për shembull, nëse unë si përmetar dua të shkoj në Janinë, më parë më duhet t’i vendos emrin, sepse më duhet që t’u them njerëzve të tjerë, ose vetes sime, se do shkoj diku; dhe kështu njeriu filloi t’i quajë vendet, qytetet etj., dhe t’i trashëgojë. Në të njëjtën mënyrë, emërimi Ellinas është shfaqur si fillim te banorët e Greqisë Qendrore, në Ftias të Thesalisë, sipas Herodotit. Ndërkohë, Aristoteli, si pasrendës i Herodotit, këtë emërim ia korrespondon fisit të grekëve në Dodonë të Janinës: këtu shfaqet si fillim emri grek. Pra, është periudha kur shteti modern nuk njihej si nocion. Në të njëjtën periudhë u shfaq edhe emërimi Pan-Ellines, sipas Hesiodit. Kjo është periudha ku helenizmi shkëlqeu. Por nuk shkëlqeu në të gjithë hapësirën e vet, por në disa pjesë dhe qytete. Qendra e helenizmit ishte Athina. Athina më vonë u kritikua ashpër edhe nga Aristoteli; kjo sepse ajo ndiqte një rrugë shoviniste për të trashëguar shkëlqimin e saj. Madje vetë Aleksandri, biri i Princeshës së Molosëve, fis ky referues për Aristotelin përgjatë analizës së tij politike, ku citon të mirat e kësaj mbretërie, në krahasim me mbretëritë e tjera ndoqi një rrugë shoviniste për të gllabëruar qytetërime të tjera të asaj periudhe. Në atë periudhë, gjeografia ballkanike përbëhej nga qytet-shtete, ndaj edhe qytetet kishin emrat e tyre, të cilët i trashëgonin si pasojë ose falë rëndësisë që i jepnin fqinjët qytetit të tyre, për arsye orientimi. Më vonë, me shfaqjen e perandorive Romake e Bizantine, grekët u quajtën edhe romë, nga vetë romakët; kjo për arsye se ishin pjesë përbërëse e Perandorisë Romake. Përgjatë Mesjetës, helenizmi u venit dhe mbas çlirimit të tyre nga Perandoria Otomane, në vitin 1821, çlirim ky që ishte kontribut i çlirimtarëve shqiptarë, sikurse ishin Boçari, Griva, Xhavella, Picari, Andhruço, Kollokotroni etj., Greqia adaptoi po të njëjtin emër, pra Hellas. Pas kësaj periudhe filloi edhe shfaqja e iluminizmit helenik në Greqi, që u shoqërua me “grande republikën” si koncept shtetformues. Është pikërisht kjo periudhë ku helenizmi filloi të asimilonte pjesën e Çamërisë, me ngritjen e universitetit të parë në Janinë, atë të Zosimesë. Aty u shkolluan edhe shumë rilindës shqiptarë, sikurse ishte Naim Frashëri. Që nga ajo kohë, ky territor ilir u asimilua gradualisht. Sot popullsia është e përmbysur: nëse para 1821-shit shqipfolësit ishin mbi 70%, kjo shifër është përmbysur në favor të greqishtes. Në këtë mënyrë filloi asimilimi gradual i Jugut të Shqipërisë. Ky asimilim ndaloi përgjatë periudhës diktatoriale në Shqipëri, nga faktorë të ndryshëm, ku njëri nga këta faktorë ishte njëjtësimi i vlerave kombëtare i shoqëruar nga një “quasi” barazi sociale. Me hyrjen e vendit tonë në dogmën e re, pra atë të neo-liberalizmit, Greqia filloi sërish asimilimin e saj, me ngritje shkollash në Korçë, Himarë dhe vende të tjera në brendësi të Shqipërisë. Ky invazion asimilues është shoqëruar edhe nga konkurrentët e saj: Turqia dhe Italia. Tashmë Shqipëria është e shitur totalisht nga ana arsimore, sepse ajo ka licencuar operimin e shumë shkollave teknike në territorin shqiptar, me pasoja vdekjeprurëse për ndërgjegjen e popullit. Kjo është në pak fjalë historia e helenizmit. Por ç’na mëson Aristoteli për shovinizmin e Athinës?
2. Ostracizmi: Pjesë e shovinizmit të Athinës

Shovinizmi ka forma të ndryshme shfaqjesh. Një ndër to është ostracizmi. Po ç’është ostracizmi? Ostracizëm është një masë e po të njëjtit lloj, i cili vepron duke nxjerrë të paaftë dhe duke ndaluar qytetarin më të spikatur. Pushtetet e mëdha bëjnë të njëjtën gjë në qytetet dhe kombet e tyre, sikurse athiniotët bënë te samiotët, kiosët, dhe lesbiotët. Ata nuk e kishin kuptuar qysh herët perandorinë (e Athinës) dhe i poshtëruan aleatët e tyre kundër marrëveshjes. Gjithashtu Mbreti pers kishte shtrydhur pa ndalesë medesët, babilonët dhe kombe të tjerë, kur shpirti i tyre u përzje nga ripërzgjedhja e madhështisë së mëparshme të tyre.

Problemi është universal dhe shqetëson njësoj të gjitha llojet e qeverive, të vërtetën dhe gjithashtu falsen; prandaj, megjithëse forma të zvetënuara mund ta adaptojnë këtë politikë për interesin e tyre, ata që kërkojnë interesin e përbashkët bëjnë po të njëjtën gjë. E njëjta gjë mund të observohet tek arti dhe shkencat. Për këtë arsye, piktori nuk do lejojë një këmbë e cila megjithëse e bukur nuk është në përpjesëtim me dëshirat e tij; as edhe ndërtuesi i anijeve nuk do të lejojë bashin ose pjesë të ndryshme të jenë shumë të mëdha, as edhe mjeshtri i korit nuk do të lejojë ndonjë që këndon më fort ose më mirë se të tjerët. Monarkët, gjithashtu, mund të praktikojnë shtrëngim dhe të vazhdojnë të jetojnë në harmoni me qytetet e tyre, nëse qeveria e tyre është në interes të shtetit. Prandaj, kur atje është një fuqi pushtetare e përnjohur, argumenti në favor të ostracizmit është i bazuar mbi këtë lloj të drejtë politike. Do të ishte sigurisht më mirë që ligjvënësi që në fillim të rregullojë shtetin e tij, që mos të ketë nevojë për një ndreqje të tillë. Por nëse paraqitet nevoja, gjëja e parë që duhet të bëjë është të mundohet me qëllim që të ndreqë dallimin me ostracizëm ose me masa të njëjta. Principi, sidoqoftë, nuk është aplikuar drejt në shtete. Për këtë arsye, në vend që të kërkojnë për të mirën e Kushtetutës së tyre, ata kanë përdorur ostracizëm për arsye fraksioniste. Është e vërtetë që nën forma pushtetare të zvetënuara dhe nga pika e tyre e fushëshikimit, një masë e tillë është e drejtë dhe e përshtatshme, por është gjithashtu e qartë që nuk është absolutisht e drejtë. Në shtetet e përkryera do të kishte shumë dyshime për përdorimin e tij, jo kur zbatohet në tejmasën e forcës, pasurisë, popullaritetit, ose të tjera si këto, por kur përdoret kundrejt dikujt që është i paraspikatur në virtyt — çfarë duhet të bëjmë me këtë njeri? Njeriu i zakonshëm nuk do të thotë se një njeri i tillë duhet të përjashtohet ose dëbohet; në anën tjetër ai nuk duhet të jetë një subjekt - që do të ishte sikur njeriu i zakonshëm të rivendikonte të pushtetonte Zeusin, duke ndarë ofiqet e tij midis tyre. E vetmja alternativë është që të gjithë duhet me plot gaz t’i binden këtij pushtetari, sipas asaj që duket se është radha e natyrës, dhe njerëzit si ai duhet të jenë mbretër në shtetin e tyre për gjithë jetën... (Theksi u shtua).

Sikurse shihet qartë nga analiza e Aristotelit, në atë periudhë, shumë ishuj dhe krahina ishin jashtë distriktit të Athinës, por pavarësisht këtij fakti historik, këto krahina në kohë u asimiluan dhe tashmë përbëjnë pjesë të ostracizmit athiniot. Pra kemi një ekspansion athiniot jo grek. Grekët janë sipas Aristotelit populli i Dodonës ose i Epirit të sotëm, pra fise ilire. Në fakt, po të shkojë dikush dhe të analizojë tekstet më të vjetra të historisë, sikurse janë ato të Herodotit, aty do vërejë se Herodoti shkruan një gjuhë të përzier: iliroko-helenike, ose pellazgjike. Por, këtu nuk na intereson shumë gjuha, se cila është më e vjetër apo më e re, por na intereson politika ekspansioniste athinoite, e cila me paturpësinë më të madhe vazhdon ekspansionin e saj politiko-ekonomik në dëm të Shqipërisë apo edhe më tej. Kështu, tashmë ajo ka instrumentin më të mirë në duart e saj: neoliberalizmin ose pushtimin e vendeve fqinje nëpërmjet korpokracisë, ku tashmë ajo ka më shumë se 8000 ndërmarrje që aktivizohen në Ballkan, nga të cilat më shumë se 270 janë në Shqipëri. Madje Greqia menaxhon edhe sistemin bankar nëpërmjet bankave të saj, ku në fakt ndërsa ajo gllabëron Ballkanin, atë e gllabërojnë shtete më të mëdha, sikurse është Gjermania. Pra kemi një lloj korpokracie e cila është e llojit të mëposhtëm: “Peshkaqeni i madh ha të voglin”, për qëllime ekspansioniste. Në këtë pazëll ekspansionist, pseudopatriotët shqiptarë qëllojnë këmbët, jo kokën, sepse ndonëse e dinë shumë mirë se ekonomia jonë, strukturat tona institucionalo-politike, arsimi dhe shumë si këto menaxhohen nga politika e Athinës, ata vazhdojnë të gjuajnë Dulen, i cili s’është tjetër veçse mbështetës i korpokracisë athiniote. Bashkë me Dulen, janë edhe pseudo-patriotët shqiptarë, të cilët, për fat të keq nuk shohin dhe nuk mund të kundrojnë dëmet që shkaktojnë korporatat globale në Shqipëri, por i duartrokasin ato dhe herë pas here bëjnë patriotin; madje edhe nacionalistin. Por duket se Dule dhe “kundërshtarët” e tij nuk janë shkolluar nga Aristoteli, por nga Blair-i, me gjithë shokët e tij të juntës globale. Këta pra janë mjeranët e këmbëve dhe jo të kokës; këta njerëz i shërbejnë mbretërisë së korpokracisë dhe jo demokracisë. Këta janë të gjithë ostracistë, disa me vetëdije dhe disa pa vetëdije; kjo sepse jo të gjitha i shohin në terren.

Kështu, nëse Athina është ostraciste, Dule duhet të jetë ostracist, pavarësisht mbiemrit të tij, që është dyrrokësh dhe ka origjinë ilire, ose të paktën nuk është mbiemër neogrek, të cilët karakterizohen nga më shumë se dy rrokje; dhe nëse Dule është himarjot, atëherë për fat të keq për të ai mbështet politikën e tradhtisë, atë që mbështetën të parët e tij, pra tradhtinë e gjuhës amtare, e cila ka lindur përpara se Dule të lindte dhe që Dule përton ta hulumtojë, sepse më shumë se asgjë tjetër i intereson ofiqi mbretëror dhe ekspansionist i një qyteti tjetër, Athinës. Personalisht jam produkt i shkollave athinase dhe kam ndjerë përgjatë 14 vjetëve në këtë vend se si diskriminimi dhe shovinizmi grek nuk lejon askënd të pipëtijë rreth origjinës së vet, sepse bankierët, multibilionerët dhe neokorpokracistët grekë kanë dhënë urdhër: Asnjë shqiptar nuk duhet të depërtojë në elitën greke, për arsye se nëse ndodh diçka e tillë, ata (shqiptarët) ta heqin kokën. Prandaj, nëse duam me të vërtetë të eliminojmë konfliktet etnike, duhet të praktikojmë demokracinë dhe jo korpokracinë; atë demokraci që Thales i çoi Athinës përmes Heraklitus, nga Aidini i Turqisë së sotme. Të gjitha të tjerat janë gjepura të ostracistëve.

Me poshte kemi edhe repliken qe z.Ylli Permeti me nje analize per mendimin tim personal jep nje pergjigje teje te matur dhe qytetare:

----------------
Kur faktet shtrembërohen nga ''Himariotet''!

Kur faktet shtrembërohen!

Ylli Përmeti

Tekst replikues për Himariotët...

"Djema, nuk është se autori i blogut i shtrembëron faktet që kam sjell përmes analizëz logjike por edhe blogu, për nga tematika është subjektiv. Ështe subjektiv sepse, as ai/ajo as lexuesit nuk u rropatën rreth quajtjes së gjërave, individit apo toponimeve/emërtimeve vendore. Edhe një herë: e quajmë diçka për arsye orjentimi, gjë që bëhet nga tjetri.



Dy: Lidhur me orvatjen e hedhjes poshtë të termit “Ostracizëm” duke iu referuar Wikipedias, është e kot; dhe është e kot sepse jo më kot unë sjell analizën e Aristotelit ku ai shquan shovinizmin e Athinës të asaj kohe. Dhe jo më kot ju sugjerova të lexoni tekstin në formatin pdf, në blog, për të gjetur dhe për shkuar të vërtetoni faktet përmes leximit të kapitullit të Politikës së Aristotelit. (citoj më poshtë)



Aty, Aristoteli, shquan shovinizmin e Athinës kundrejtë fqinjëve dhe qe është kryer në mënyrën më barbare. (Lesbos etj- shiko analizën). Por nuk është i vetmi që ka kritikuar politikat e mbrapshta të Athinës, të asaj kohe dhe të kohës së sotme. Lexo...



Po ç’është ostracizmi? Ostracizëm është një masë e po të njëjtit lloj, i cili vepron duke nxjerr të paaftë dhe duke ndaluar qytetarin më të spikatur.

Pushtet e mëdha bëjnë të njëjtën gjë në qytetet dhe kombet e tyre, sikurse Athiniotët bën te Samiotët, Kiosët, dhe Lesbiotët; ata nuk e kishin kuptuar qysh herët perandorinë (e Athinës), dhe ata poshtëruan aleatët e tyre kundër marrveshjes; dhe Mbreti Pers kishte shtrydhur pa ndales Medesët, Babilonët, dhe kombe të tjerë, kur shpirti i tyre u përzie nga ri-përzgjedhja e madhështisë së mëparëshme të tyre.



...Problemi është universal, dhe një lloj shqetëson të gjitha llojet e qeverive, të vërtetën dhe gjithashtu fallcon; prandaj, megjithë se forma të zvetënuara mund të adoptojnë këtë politikë për interesin e tyre, ata që kërkojnë interesin e përbashkët bëjnë po të njëjtën gjë. E njëjta gjë mund të observohet tek arti dhe shkencat; për këtë arsye, pikturisti nuk do lejoi një këmbë e cila, megjithëse e bukur, nuk është në përpjestim më dëshirat e tij; as edhe ndërtuesi i anijeve nuk do të lejoi bashin ose pjesë të ndryshme të jenë shumë të mëdha, as edhe mjeshtri i korit nuk do të lejoi ndonjërin që këndon më fortë ose më mirë se sa të tjerërt në një kor. Monarkët, gjithashtu, mund të praktikojnë shtrëngim dhe të vazhdojnë të jetojnë në harmoni me qyetet e tyre, në se qeveria e tyre është në interes të shtetit. Prandaj, kur atje është një fuqi pushtetare e përnjohur argumenti në favor të ostracizmit është i bazuar mbi këtë lloj të drejte politike. Do të ishte sigurisht më mirë që ligj-vënësi që në fillim të rregulloi shtetin e tij që mos të ketë nevojë për një ndreqje të tillë. Por në se paraqitet nevoja, gjëja e parë që duhet të bëj është të mundohet me qëllim që të ndreq diallin me ostracizëm ose me masa të njëjta. Principi, sidoqoftë, nuk është aplikuar drejtë në shtete; për këtë arsye, në vend që të kërkojnë për të mirën e kushtetutës së tyre, ata kanë përdorur ostracizëm, për arsye fraksioniste. Është e vërtetë që nën forma pushtetare të zvetënuara, dhe nga pika e tyre e fushë-shikimit, një masë e tillë është e drejtë dhe e përshtatshme, por është gjithashtu e qartë që nuk është absolutisht e drejtë. Në shtetet e përkryera do të kishte shumë dyshime për përdorimin e tij, jo kur zbatohet në tej-masën e forcës, pasurisë, popullaritetit, ose të tjera si këto, por kur përdoret kundrejtë dikujt që është i para-spikatur në virtyt — çfarë duhet të bëjmë me këtë njeri? Njeriu i zakonshëm nuk do të thoi se një njeri i tillë duhet të përjashtohet ose dëbohet; në anën tjetër, ai nuk duhet të jetë një subjekt — që do të ishte sikur njeriu i zakonshëm të rivendikonte të pushtetonte Zeusin, duke ndarë ofiqet e tij midis tyre. E vatmja alternativë është që të gjithë duhet me plot gaz t’i binden këtij pushtetari, sipas asaj që duket se është rradha e natyrës, dhe njerëzit si ai duhet të jenë mbretër në shtetin e tyre për gjithë jetën...



Politics, Aristoteli, f. 1000, Nga e Gjithë Puna e tij



Tre: Dhe meqënse tjetri n’a quan disi, unë shkoj dhe hap fjalorin e Greqishtes së Re, me autor Babinjotin, dhe gjej të sipër-përmendurat; dmth, Ellinas, quheshin banorët e Greqisë Qëndrore, në Ftias të Thesalisë, sipas Herodotit; dhe Grekë, sipas Aristotelit, i korrespondon fisit të Grekërve, në Dodon të Janinës.



Jorgos Babinjotis, Fjalori e Greqishtes së Re, 1988, f. 596





Pra asimilimi grekë nuk është dukuri e sotshme por më shumë se 2500 vjeçar. Sikurse e citon edhe akademiku Fotopoulos, “kurrë Greqia s’ka qënë një shtet komb specific”, as edhe shtetet e tjerë, as edhe Shqipëria. Shtet-kombi është dukuri e 200 vjeçarit të fundit dhe është ku filloi greqia të ekspansionohet në kurriz të fqinjit. Pra Greqia përsërit ekspansionin e Aleksandrit. Jo më kot, Aristoteli, kritikon nxënësin e tij, Aleksandrin rreth pushtimeve të tij, dhe përhapjes së Hellenizmit në mënyrë barbare.



Edhe qytetet, nuk ishin qytete specifik homogjen, pra të rrjedhur nga një familje; por nga shumë familje, pikërisht sepse nuk mund të martohësh dikush me gjakun e vetë, pra gjaktrazim; pavarsisht se edhe sot ndodhin dukuri të tilla. Koha e Hellenizmit është koha ku shumë popuj fqinjë u transformuan, pikërisht sepse, Hellenizmi shkëlqu, dhe çdo gjë që shkëlqen admirohet. Pra asimilimi i zonës së Jugut nuk filloi me Zosimenë, por më Shkëlqimin e Greqisë.



Katër: Zosimea, për kohën e saj, ishte univeristet, sepse nuk kishte tjetër univeristet. Kriteret e një institucioni që të jetë universitet, i ka përcaktuar më së miri Aristoteli: Unversiteti përveç dijes universale, duhet të ketë për parim didaktimin e të “vërtetës” ― “orthologia”. Dhe ky universitet, pavarsisht kontributit të tij për dijen, errësoi popullatën rreth origjinës së tyre. Pra shkeli parimin bazë: Të “vërtetën” . Prandaj, citoj në analizë, se kjo shkollë e dëmtoi më shumë popullatën sesa e ndriçoi. Prandaj, kemi edhe sot, dukuri të llojit Karl Popper, filozof Gjerman i shekullit të kaluar, i cili braktisi universitetin pikërisht sepse shtrembëronin të “vërtetën”. Dhe s’është i vetmi: gjatë kohës që unë studjoja gazetari në Athinë, duke mos ditur “bashkë-kombasit” tuaj se unë isha Shqiptar, luftoja dhëmb-për-dhëmb me paragjykimet dhe shtrembërimet historike që didaktoinin petagogët ― te gazetarët e ardhshëm, të cilët do të ishin reformuesit kryesor të opinionit publik; dhe përgjatë kohës që kam bër reportazh në Kolonaki, kam dëgjuar para meje, Dulen, me dy Ministra të PASOK, se si, thurnin plane komerciale kundrejtë Shqipërisë. Natyrisht, këtë nuk e thash në radio Antenna, ku edhe unë punoja si producent; sepse fundja faktet në terren flasin vetë.

Pesë: Kur citoj ndërrmarjet Greke, s’do të thotë që jam pro atyre europiane, fundja e them shkoqur në fillim të tekstit.



Gjashtë: Cila gjuhë lindi para? Ngaqë gjuha është nevojë sociale dhe komunikimi, observoj se gjuhët kanë lindur për gjatë evolimit të homo sapiens, janë ndër-shkëmbyer më njëra-tjetrën dhe u kanë dhënë dhe marrë njëra-tjetrës. Natyrisht, ka edhe pyetje të tjera më të bukura për filozofinë: Pse njerëzit flasin gjuhë të ndryshme dhe jo të njëjtën? Për t’iu përgjigjur kësaj pyetjeje, me duhet të them se, edhe gjuha është lokale/kontekstuale sepse edhe njohuria është kontekstuale, dhe meqënse është lokale u zhvillua në lokalitet, dhe jo në univers, prandaj, edhe shumë gjuhë, ku iu përshtatën zanoreve dhe bashkë-tingëlloreve gjenealogjike/ të brendaqënesishme. Kështu që, gjuhët nuk janë statike, por evolojnë, në bazë të nevojës humane. Kjo është edhe arsyeja që them se Herodoti, fliste një gjuhë të përzier: Iliriko-pellazgjike.



Mund të vazhdoj të argumentoj më shumë, por nga që jam ithtar i dialogut, ju ftoj në Elbasan, t’a diskutojmë nga afër; në 24 të këtij muaji, ku paraqesim një politikë të re, jo atë të Dules, as atë të Ramës apo Berishës as edhe të europës, por të Aristotelit dhe shumë të tjerëve, perëndimor dhe lindor...



Shpresoj dhe uroj të mbizotëroj racionalizmi/ o orthologismos...sepse këto fakte janë një pjesë e të vërtetës...!

Cdo gje e shkruar me siper mund ta gjeni ne keto dy linke:

http://himarablog.blogspot.com/2010/10/ ... html#links

si dhe ketu:

http://www.facebook.com/notes/ylli-perm ... 0940618419


Nese "Djemte e Himares" kane ate kurajo qe karakterizonte te paret e tyre le ti pleqerojeme ne nje hapesire disi me te madhe se nje Blog fshataresk te tyre keto gjera.Une si Admin i ketij Forumi ore "Djemte e Himares" ju garantoj se mund te sillni fakte dhe dokumenta ketu qe keni ne dore dhe asnje nuk do guxoje tju çensuroje.Ua kam bere dje shume here kete ftese.Nese nuk e pranoni atehere kam pershtypje se jeni nga ata njerez qe nuk keni kurajo te ballafaqoheni me realitete ndoshta me te medha se nje Blog qyqar qe kerkoni te propagandoni.
Si Mallakastriot qe jam mbaj fjalen e dhene si Blogistave Himariot ashtu edhe Z.Ylli Permetari qe mund te nisim ketu nje diskutim nga ato qe kerkojne Himarjotet si p.sh Konferenca ne se Himara eshte greke apo shqiptare.


Ju presim e mire se te vini.

Mallakastrioti.

Pergjigja kthyer fteses sime (personalisht e shoh si mungese kurajo ballafaqimi):

"akroqeravnos said...

Diskutimet zhvillohen ne baze te nje back- roundi te nevojshem dhe kritereve shkencore.
Kur propagandohen teori te tilla mbi kulturen greke ne pergjithesi dhe ate himarjote ne vecanti qe jane ne kundershtim me ato qe mbizoterojne ne historiografine, anthropologjine dhe ne teresi sociologjine boterore nuk egziston mundesia per tu marre vesh.

Psh shpjegime qe ne himare i di dhe nje femije i kopeshtit (potamos=lume, vuno=mal etj)ne blogjet tuaja i shpjegojne me demek me fjale shqipe


Kur pretendohen te mohoen gjera evidente per himarjotet nuk ka se c'diskutohet
Blogjet antihimarjote jane kaq e shumte sa personalisht preferoj te mos merrem me to. Kush e quan me vlere nje komunikim ne blogjet shqiptare, nuk ka asnje pengese nga ky blog.
Megjithate kur dikush paraqet nje ese me nje baze logjike, blogu himara nuk do ta refuzonte ne formen e artikullit pamvaresisht nga sa pretendohet aty.
Prandaj nqs juve si administrator i blogut arberia desheroni te paraqisni nje studim tuajin ne blog, ai do te publikohet. Por deri tani shumica e diskutimeve jane jashte ketij kuadri qe do desherohej.

E quaj te mbyllur kete diskutim, por theksoj edhenjehere se blogu eshte i hapur per artikuj studimore
Ju falemnderit per mirekuptimin. "

Para se të gjykojnë ndjenjat filohelenike të himarjotëve, baballarët e kombit duhet të skuqen për kulturën që ka mes Ilirëve, Albanëve apo Dardanëve 20-vjeçarë, patriotizmi i të cilëve është i brumosur me urrejtje dhe përçmim për kulturën e ndryshme te tjetrit.

Dhe elinofobia nuk ekziston vetëm në mendjet e pedantëve, por edhe të baballarëve që mpihen ekraneve, divaneve apo mejhaneve..(Leonard Mitro)

Po ndiqja linkun qe ke sjelle ti Mallakastrioti dhe si gjithmone, gjeta te njejten ndjenje te vetepersekutuari mes "heleneve" dhe filoheleneve. Ata pozohen si viktima dhe kete e bejne per dy arsye,
e para qe te fitojne statusin e atij qe ka te drejten te reagoje kur sulmohet, por natyrisht reagimi i tyre eshte sulmi i vertete, per te shtremberuar faktet dhe per te marre ate qe nuk ju takon,
e dyta per te fshehur karrakterin fantazme te helenizmit pra inegzistencen historike te kombit helen, ne kuptimin etnik dhe lidhjeve qe i bashkonin ata, para krijimit te kombit-shtet nga fuqite e medha.

Une dyshoj shume, se ata do kene kurajon te futen ne nje debat te drejteperdrejte dhe publik me ne. Ne te kaluaren, une ju kam bere thirrje shume prej tyre, por guximi i tyre shkon baraz me argumentat e tyre. Ata gjithashtu, nuk ju pelqen te behen dhe kamikaze, duke qene se e kane te sigurt destinacionin e pseudoargumentave te tyre, qe edhe kjo kerkon kurajo, qe ata nuk e kane. Ata jane thjeshte qarqe te paguara mire, qe ndjekin parimin:' Genje , genje se dicka do te mbetet'.

Mallakastrioti wrote:Pergjigja kthyer fteses sime (personalisht e shoh si mungese kurajo ballafaqimi):

"akroqeravnos said...

Diskutimet zhvillohen ne baze te nje back- roundi te nevojshem dhe kritereve shkencore.
Kur propagandohen teori te tilla mbi kulturen greke ne pergjithesi dhe ate himarjote ne vecanti qe jane ne kundershtim me ato qe mbizoterojne ne historiografine, anthropologjine dhe ne teresi sociologjine boterore nuk egziston mundesia per tu marre vesh.

Psh shpjegime qe ne himare i di dhe nje femije i kopeshtit (potamos=lume, vuno=mal etj)ne blogjet tuaja i shpjegojne me demek me fjale shqipe


Kur pretendohen te mohoen gjera evidente per himarjotet nuk ka se c'diskutohet
Blogjet antihimarjote jane kaq e shumte sa personalisht preferoj te mos merrem me to. Kush e quan me vlere nje komunikim ne blogjet shqiptare, nuk ka asnje pengese nga ky blog.
Megjithate kur dikush paraqet nje ese me nje baze logjike, blogu himara nuk do ta refuzonte ne formen e artikullit pamvaresisht nga sa pretendohet aty.
Prandaj nqs juve si administrator i blogut arberia desheroni te paraqisni nje studim tuajin ne blog, ai do te publikohet. Por deri tani shumica e diskutimeve jane jashte ketij kuadri qe do desherohej.

E quaj te mbyllur kete diskutim, por theksoj edhenjehere se blogu eshte i hapur per artikuj studimore
Ju falemnderit per mirekuptimin. "

Nga pergjigja e tij, une kuptoj, qe ky individ, jo vetem qe nuk ka kurajon per tu perballur ne nje debat te hapur ne nje forum(dhe jo blog sic e quan ai), por as brumin e nevojshem intelektual. Nuk mendoj se meriton ndonje rresht me teper.

Ata nuk marrin kurajon te ballafaqohen se e dine shume mire qe nuk jane Grek etnik.

Mallakastriot dhe Zeus10 bej ftese te hapim nje teme (nqs nuk ka) ku do perfshihen te gjitha referencat historike per identitetin shqiptar te kesaj krahine shqiptare.

Nqs ata nuk duan debat te hapur atehere tja fillojme ne ... dhe ata le te fshihen neper bllogje...

Trojan wrote:Ata nuk marrin kurajon te ballafaqohen se e dine shume mire qe nuk jane Grek etnik.

Une kam ftuar dhe Greke te Greqise dhe diaspores, bile dhe nga ata qe kane mbushur internetin plote me shtremberimet e tyre qe pozohen si ideologjiste te mbaruar, dhe megjithese ju kam premtuar jocensure, nuk kane guxuar.

Mallakastriot dhe Zeus10 bej ftese te hapim nje teme (nqs nuk ka) ku do perfshihen te gjitha referencat historike per identitetin shqiptar te kesaj krahine shqiptare.

Nqs ata nuk duan debat te hapur atehere tja fillojme ne ... dhe ata le te fshihen neper bllogje...

Ne nuk mund te hapim nje teme, per te provuar qe nje krahine shqiptare eshte shqiptare. Jane ata qe i fryjne trumpetave per helenizmin e tyre, le te dalin dhe ta provojne jo me nje teme por me 100 te tilla. Persa na perket neve, do tjua rrezojme me fakte jo vetem helenizmin e tyre, por te gjithe pseudoheleneve ne mbare Mesdheun.

Artikullin e plote shkruar nga z.Ylli Permeti dhe botuar ne "Gazeta Shqip" mund ta lexoni te plote ne linkun me poshte:

http://www.gazeta-shqip.com/index//6439 ... f27db.html

Ylli Permetari shkrojti:
"Pikënisje e kësaj analize është shfaqja e tij në TV “Klan”, ku debaton me kundërshtarë mjaft ineficentë" ku i referohet kundershtareve te z. Dule (btw nuk e kam ndjekur ate emision se nuk kam pasur mundesi).

Erdhi ky person, qe mesa duket po perpiqet ne Internet te mesoje si i meshohet kalemit, te na hiqet si eficient. Morri ca gjera, i beri corbe dhe na i paraqiti si histori. Me ca tipa te tille te ngrihen qimet e kokes (te kopjoj dhe une frazen e xha xhait).

Le te pergjigjem pak per Kombin Grek dhe kur u formua dhe te beje nje paralelizem me formimin e Kombit Shqiptar (dhe ketu kryesisht i drejtohem Trojanit qe mesa kuptoj jeton ne Greqi dhe ka bere dhe shkolle greke dhe megjithese ca gjera e di fare mire qe nuk jane ashtu, pergjigjet e tij jane thjesht per inat).

Krijim te Kombit Shqiptar, formim te ndergjegjes kombetare shqiptare kemi gjate rezistences 25-vjecare me Gjergj Kastriotin - Skenderbeun. Pra si diteformimi te ketij Kombi Shqiptar mund te cilesojme 3 Marsin 1443, diten e krijimit te Beselidhjes se Lezhes. Gjer atehere ka pasur ca principata te pavarura shqiptare me konfrontime midis tyre (dicka si qytet-shtetet greke).

Tani le ti pergjigjem pyetjes: Dicka e tille kur ka ndodhur ne historine greke?
Kombi Grek dhe ndergjegja kombetare greke u formuan gjate lufterave greko-persiane. Pra si dite krijimi mund cilesoja betejen e Termopileve. Ishin keto luftera qe greket u paraqiten en-block per here te pare kunder nje armiku te huaj. Dhe qe atehere greket filluan te identifikohen me nje emer gjitheperfshires: Elines.

Btw keto dite ndoqa ne History Channel betejen e Termopileve. Dhe pikerisht ky ishte konkluzioni: Ne Termopile u formua Kombi Grek.

P.S.: Kaq kohe kam pasur kete moment, do vazhdoj me vone ne ceshtjet e tjera qe preku ky person, megjithese te merremi me marrezirat qe leshoi, nder i bejme.

Dhe pikerisht ky ishte konkluzioni: Ne Termopile u formua Kombi Grek.

Problemi i vetem eshte se clidhje keni ju konglomerati ortodoks me prejardhje etnike te shumellojshme, me ate konglomerat politeistash qe u bashkuan nen nje ushtri, per ti sherbyer mbreterve te tyre. Duke thene kete, po le menjane vertetesine e ketyre legjendave, per here te pare te dokumentuara ne shek e 10 pas Krishtit.
Dhe meqe jemi tek betejat e "kombit grek", ma ndaj pak te lutem te vetmen fjale te provuar si origjinale "greke", pas Betejes se Maratones, te thene ne prag te vdekjes nga maratonomaku:

Νενικήκαμεν- we have won

te transkiptuar:

NENIQEKAMEN

Per te ndihmuar pak, bej pak search fjalen: e ndoqi armikun

http://www.google.ca/#hl=en&source=hp&b ... eddd39c38e

Dhe meqe jemi tek fjala NIQ (e """greqishtes""), ju ""greket"" vete, duhet ti beni nje kerkese filologeve perendimore, qe ta zevendesojne kuptimin e perafert FITOJ, me kuptimin e vertete PERZE armikun NDIQ, NDJEK, NDOQA, qe ne gegerisht ben
NIQ, NOQA, NJEK "çuditerisht" si ne ""greqisht"", por me nje konotacion paksa ndryshe:



Kur te kem pak kohe do ta sjell dhe foljen PERZE(pursue) ne ""greqishten"" e vjeter, te cilet ju e kopjuat 'in block' ne menyre skolastike.

Kur “Himariotët” kërkojnë të adoptojnë shkëlqimin e një qyteti tjetër...!

Publikuar nga Ylli Permeti.E hene 11 tetor 2010 ora 16.13
---------

Kur “Himariotët” kërkojnë të adoptojnë shkëlqimin e një qyteti tjetër...!



Ylli Përmeti



Replikë anonimit (elikranon) dhe Himariotëve:



Personit anonim i mungon kuraja për t’u identifikuar dhe për t’u marrë me evidencat e tekstit që parashtroj. Kam më shumë se kaq evidenca për t’i treguar çdo himarioti apo minoritari se si janë asimiluar artificialisht dhe për interesa të ngushta personale, nën ombrellën hellenike. Evidencat që sjell, janë nga akademikë grekë, mjafton çdo njëri nga Himariotët t’i shfletoi dhe t’i përkthej. Nuk sjell evidenca nga autorë shqiptar, për arsye interpretimi të një-anshëm, por nga grekë. Aristoteli e karakterizon qartë politikën ostraciste të Athinës, dhe ndërkohë, Babinjoti, duke u bazuar tek Herodoti, Hesiodi, etj, nxjerr në pah etimologjinë/zanafillën e emërimit Ellinas. Mjafton çdo njëri nga ju, t’i shfletoj. Unë nuk po spekuloj, por citoj sakt dhe qartë atë çka Athiniotët mbështesin, ku fundja, s’thonë ndonjë gjë alogjike, por logjike.



Kështu,lufta e termopileve, ishte thjesht një luftë, ashtu sikurse ishte lufta e Aleksandrit kundër Mollosëve (fis Ilir), përpara se të pushtonte mes-dheun ose marrshimit të tij fashist. Natyrisht që Athina, bëri alenacë me Aleksandrin, por jo sipas mësimeve të Aristotelit; ky i fundit ishte strateg logjike jo shovinist, ndaj edhe shquhet në fushën e logjikës si i pa-mposhtur. Prandaj, shtet-qytetet e atëherëshme janë zanafilla e asimilimit të vendeve fqinje. Dhe e gjithë kjo, sepse, ashtu sikurse njohuria është kontesktuale, pra sendërtohet në kontekst, ashtu dhe gjuha është kontekstuale, pra jep dhe merr nga gjuhët e sendërtuara në një knotekst tjetër ose në një qytet tjetër në varësi të nevojës dhe përplasjeve sociale. Kështu, Athina, kishte dialektikën e saj, e cila, natyrisht që përplasësh me gjuhë të sendërtuara diku në një qytet tjetër, dhe kështu gjuhët ndër-vepronin në histori, dhe përfitonin nga njëra-tjetra.



Në këtë mënyrë, hellenizmi i viteve të antikitetit dhe shkëlqimit të tij, ishte një hellenizëm shumë-gjuhësor, deri në shfaqjen e shtetit modern, ku filloi njëjtësimi i gjuhës dhe zhdukja pjesërisht e dialekteve. Pra shteti modern, zhduku dialektet dhe prezantoi një gjuhë të njëjtësuar, për arsye praktike. Ky koncept është marrë sot edhe nga shumë universalistë dhe kërkojnë të zhdukin gjuhët e kombeve dhe të mbajnë një gjuhë të vetme globale; gjithnjë nën justifikimin e prakticitetit dhe të tregëtisë. Por kjo bie ndesh me njohurinë, dhe njohuria ose perceptimi logjikë është kontekstual/rrethanor, ndaj dhe shohim sot, forma të ndryshme revolucionesh nga krahina të ndryshme për të ruajtur atë çka kanë folur të parët e tyre. Nuk mungojnë as asimilimet, kjo varet nga perandoritë koniukturale; si në rastin e sotshëm, ku Amerika apo edhe Kina, me metodologji irredentuese, kërkojnë të pushtojnë botën, përmes tregut dhe imponimit gjuhësor dhe tregëtar. Pra mjeti është tregu dhe justifikimi; nevoja është asistenti dhe rezultati është tjetërsimi i popullatës.



Prandaj, ju lutem, folini logjikës, njohuria është kontekstuale, nuk mund të jetë universale. Nëse doni një analizë/shtjellim rreth njohurisë dhe logjikës, atë e keni në kapitullin e parë. The Phenomenology of Democracy: Demos vs. Cracy. Aty do të gjeni, se ç’është njohuria, në një analizë psik-analitike, në rreth 80 faqe.



Në anën tjetër, edhe nëse marrim si shembull zhvillimin demografik të një familjeje, pra ardhjen e një familjeje të vetme nga vise të tjera, në gadishullin tonë (sipas hamendësimeve, para 12.000 vjetësh, pra homo sapiens), kjo familje ka mundësi natyrale të sendërtoj një gjuhë, por nëse dikush largohësh nga konteksti, pra nga vendi ku të parët e tij/saj lindën, gjuha në vite do të ndryshonte, sepse gjuha është nevojë, dhe bashkë-shoqëron njohurinë individuale...



Prandaj, çdo kush që tenton të hedh poshtë me fakte histrorik këtë argument, logjika e shëndosh, nuk e pranon, përtej fakteve logjik që unë kam para-shtruar.



Kaq për sot djema. Nëse doni mësime nga Aristoteli, këtu jam; nëse doni nga Planton, sërish këtu jam, por duhet të paguani, dhe pagesa është mundja juaj, faktor ky determinues për prej-ardhjen tuaj si indigjen/brendaqënësishëm, rrjedhimisht shqiptar.





11 Tetor 2010

elikranon wrote:Ylli Permetari shkrojti:

Le te pergjigjem pak per Kombin Grek dhe kur u formua dhe te beje nje paralelizem me formimin e Kombit Shqiptar (dhe ketu kryesisht i drejtohem Trojanit qe mesa kuptoj jeton ne Greqi dhe ka bere dhe shkolle greke dhe megjithese ca gjera e di fare mire qe nuk jane ashtu, pergjigjet e tij jane thjesht per inat).

Pra Kombi shqiptar bazohet kryesisht ne prejardhjen dhe origjinen , kurse kombi neohellenik bazohet ne fene e perbashket...

Mos harrojme qe deri dje "Greket" dmth grekorthodokset qe banonin ne greqi , identifikoheshin si Romei dhe jo si grek, por nuk ishin vetem greket qe indentifikoheshin me emrin Romei......

"Injoranca nr 1.: autori famekeq, Ylli nga Permeti jep kete perkufizim te termit ostracizem:

Shovinizmi ka forma të ndryshme shfaqjesh. Një ndër to është ostracizmi. Po ç’është ostracizmi? Ostracizëm është një masë e po të njëjtit lloj, i cili vepron duke nxjerrë të paaftë dhe duke ndaluar qytetarin më të spikatur. Pushtetet e mëdha bëjnë të njëjtën gjë në qytetet dhe kombet e tyre, sikurse athiniotët bënë te samiotët, kiosët, dhe lesbiotët. Ata nuk e kishin kuptuar qysh herët perandorinë (e Athinës) dhe i poshtëruan aleatët e tyre kundër marrëveshjes".


Pervec shpjegimit te dhene nga akroqeravnios dua te shtoj se "ostracizmi" (gjynah qe etimologet shqiptar s`na gjeten nje fjale shqipe per ta perkthyer) ishte nje menyre per tu mbrojtur demokracia e Athines nga njerez qe mund te fitonin pushtet te pakufizuar.
Domethenes eshte fakti qe nepermjet nje praktike te tille u ostracizua (u internua) nga athiniotet Themistoklis, prijesi i tyre ne betejen detare te Salamines.

Tani nqs se interpretimi i Ylli Permetit per ostracizmin nuk eshte halucinacion, cfare tjeter mund te jete? Ostracizmi (εξωστρακισμος) ishte nje praktike interne e qytet-shtetit te Athines dhe une s`mund te gjeje asnje lidhje midis ostracizmit dhe politikes hegjemoniste te Athines(ashtu mund te cilesohet politika e Athines, jo shoviniste).