Kush do të fitojë garën për Bashkinë e Tiranës?

[Arbëri]

Nëse do të deklaroheshit sot për fituesin e zgjedhjeve të 8 majit, cila do të ishte përgjigja?

Lulzim Basha?



Edi Rama?

[Arbëri]

Islami: PS humbet 25-35% të bashkive që fitoi në 2007 Sekretari elektoral në PS, Kastriot Islami, duke bërë një prognozë të rezultatit të 8 majit, shprehet se beteja e Tiranës mbetet më pak e parashikueshme. Sipas tij, diferenca mes Ramës dhe Bashës nuk është me e madhe se 2%. Islami i bashkëngjit kësaj analize dhe rezultatet e një sondazhi të bërë publik pak ditë më parë, se në shumicë votuesit nuk do të votonin kryetarët aktualë të bashkive. Duke folur për mënyrën se si është organizuar PS në këto zgjedhje, Islami shpreh rezerva për mosangazhimin e sekretarëve të PS në shtabet elektorale, ndërsa vëren ngritjen e strukturave paralele me ato partiake. Në 7 prill 2011, PSSH çeli fushatën elektorale, çfarë mund të lexohet përtej “spektaklit” që tanimë është bërë tradicional për të gjitha subjektet kryesore politike? Çelja e fushatës së PSSH ishte në formën e spektakleve tanimë tradicionale e të zakonshme, me shumë ngjyra e përgjithësisht e pëlqyer nga të pranishmit, por që: i) krijonte përshtypjen e një dileme midis retorikës së ashpër e reaktive dhe përpjekjeve për një platformë alternative; ii) kishte mungesë drejtpeshimi midis qendërzimit të ekzagjeruar të Ramës dhe negativizmit ekstrem me sharje e sulme për kundërshtarin, iii) jepte përshtypjen e pasigurisë, dukej motivuese në deklamimin e objektivit të fitores por ndihej demotivuese për sigurinë e realizimit dhe mbrojtjen e rezultatit; iv) nuk ngjallte optimizëm, por panik, se gjatë dhe në përmbyllje kishte elemente kërcënimi për mospranim rezultati e turbullira dhe së fundmi (kjo do të ishte me e parëndësishmja) v) çelja për shkak edhe të “teknologjisë shto miell e shto ujë” ishte lodhshmërisht e gjatë, madje edhe për militantët më të zellshëm. Po ashtu, edhe nga çelja, ndryshe nga ç`ishte thënë më parë, nuk mund të kuptohej nëse fushata do të mbetet politike e qendrore dhe më shumë negative apo do të kthehet a kombinohet me një fushatë vendore e pozitive, pra për qytetarin. Tashmë PS është futur në zgjedhje dhe ka çelur fushatën zgjedhore, çfarë risish ka në organizimin e programin e kësaj fushate? Përmbledhtas mund të thuhet minimalisht se organizimi duket ende joprofesional. PSSH duket ende pa një platformë/program kombëtar të mirëmenduar me alternativë të trajtimit të shqetësimeve të qytetarëve për çështjet lokale dhe pa strukturë organizative të programuar, politiko-elektorale qendrore e të shtrirë deri në nivelin e qendrës së votimit. Mbi të gjitha, është hera e parë që strukturat e larta politike-partiake qendrore nuk janë kthyer në shtabe elektorale: për shembull, sekretarët e PSSH që duhet të merren me çështjet e rëndësishme të zgjedhjeve: i) organizimin elektoral (Kastriot Islami), ii) programin elektoral (Andis Harasani), iii) organizimin partiak (Blendi Klosi), iv) çështjet ligjore e koordinimin (Fatmir Xhafaj), v) bashkëpunimin me shoqërinë civile e bordet qytetare (Edlira Haxhiymeri), vi) për trajtimin e burimeve njerëzore (Et’hem Ruka) e tjerë, jo vetëm prej dy vjetësh nuk janë thirrur në mbledhje e veprim, por kjo strukturë elektorale ekzekutive do të rezultojë praktikisht inekzistente e për rrjedhojë nuk do jetë funksionale në këtë fushatë elektorale; në disa raste ajo rezulton e zëvendësuar në mënyrë ad hoc me struktura paralele dhe joprofesionale në mënyrë adekuate. … Sa të ingranuara dhe të motivuara janë strukturat e PS në mbështetje të kandidaturave të miratuara nga Kryesia e PS-së? Ripërsëris me dhimbje se sëmundja e publikimit të kandidaturave në çastin e fundit nënkupton përsëri se përzgjedhja e tyre ka qenë problematike dhe defektoze: 1) procedura e seleksionimit nuk ka qenë transparente, 2) kanë munguar kriteret e meritokracisë të bazuara në vlerat individuale, kontributet, aftësitë e kapacitetet politiko-profesionale dhe integriteti i kandidatëve; 3) nuk janë respektuar kërkesat statutore për konkurrimin dhe pjesëmarrjen e forumeve partiake e nuk është kryer votimi i kandidaturave alternative, duke hedhur për më tepër në “koshin e plehrave” “parimin një anëtar një votë”; 4) nuk ka pasur një bashkërendim efikas me aleatët për “hartën” e bashkëndarjes së njësive vendore dhe 5) mbi të gjitha, nuk ka ende në PS asnjë platformë për çështjen e përcaktimit të kandidaturave apo të trajtimit efikas të burimeve njerëzore. Prapa lënies së kandidaturave për minutën e fundit ka qëndruar i) frika se “të pakënaqurit” do të mund të regjistroheshin si kandidatë me partitë e tjera, nga njëra anë, dhe ii) nga ana tjetër, paaftësia për t’u përballur në argumente me kandidaturat e eliminuara, që në shumicën e rasteve janë ndier padrejtësisht të shmangura. Përmbledhtas, mund të them se mënyra e seleksionimit të kandidaturave, cilësia e tyre dhe në një mënyrë më të përmbledhur mungesa e një strategjie për menaxhimin efikas të burimeve njerëzore, mund të ndikojë në demotivimin e strukturave partiake dhe mundet të çojë deri ndoshta të veprimeve të brendshme kundër suksesit elektoral. Më e rëndë situata do të jetë i) në bashkitë apo komunat ku kandidati konkurron për të tretën apo katërtën herë; ii) në bashkitë apo komunat ku fitorja në 2007 ka ardhur për shkak të koalicionit më LSI dhe iii) në njësitë vendore, ku në sherret apo mosmarrëveshjet janë përfshirë direkt apo indirekt edhe deputetët. Krahasuar me zgjedhjet e 2009-s, a mund të konsiderohet sukses fakti që PS-ja vjen në koalicion me 22 parti? Për të qenë realist, ndërtimi i kësaj aleance të madhe në numër duhet konsideruar sukses, por i pjesshëm, sepse koalicioni është më i madh në numër, por nuk më duket se është bërë përgatitja e duhur që ai të jetë efikas elektoralisht. Nëse Rama do të rrisë numrin e aleatëve, pa menduar efikasitetin dhe koston, por thjesht me synimin formal për të rritur “numrin e vagonave” duke ndaluar që një pjesë e tyre të shkojnë te Berisha, atëherë do të vijë shumë shpejt dita kur ky koalicion, edhe me 22 parti do të dështojë. Rama duhet të ketë të qartë se as zgjedhjet vendore dhe aq më pak zgjedhjet e përgjithshme mund t’i fitojë i vetëm dhe për vete, me synimin për të qeverisur me “modelin klientelist”. PS do të fitojë, vetëm nëse do bashkëpunojë me sa më shumë forca politike dhe do të bashkëndajë përgjegjësi, pushtet e kosto me të gjithë faktorët dhe aktorët me vlerë brenda PS dhe brenda të majtës e koalicionit opozitar. Përndryshe, kjo do të ishte një arsye tjetër e humbjes, po ashtu si në vitin 2009… Cili është sipas jush objektivi elektoral i PS në këto zgjedhje, kur dihet që në zgjedhjet e vitit 2007 koalicioni i majtë opozitar PS-LSI fitoi 9 nga 12 bashkitë kryesore që janë edhe “kryeqendrat” e 12 qarqeve? Dhe cili do të ishte një parashikim për këto 12 bashki, kur dihet se LSI është në koalicion me PD? Koalicioni aktual opozitar ende nuk ka as edhe një objektiv të qartë të shpallur elektoral dhe natyrisht, kjo përbën edhe një mangësi tjetër të kësaj fushate. Nga 12 bashkitë kryesore të vendit, që janë njëkohësisht bashki qendër qarku, vetëm për 5 prej tyre mund të parashikohet me një probabilitet të pranueshëm rezultati i zgjedhjeve të 8 maj 2011. Vetëm për 5 bashkitë, Shkodër, Dibër, Kukës, Gjirokastër e Fier mund të jepet në këtë fazë një parashikim orientues për rezultatin zgjedhor të 8 majit 2011, bazuar në analizën e të dhënave të zgjedhjeve vendore të vitit 2007 dhe të zgjedhjeve të përgjithshme të vitit 2009. Për 7 bashkitë e tjera, Durrës, Elbasan, Tiranë, Lezhë, Berat, Korçë e Vlorë parashikimi rezulton më i vështirë dhe relativisht i ndikueshëm nga shumë faktorë… Cilët do të ishin disa nga këta faktorë?.. Disa nga këta faktorë themelorë do të ishin: i)faktori kandidat, ii) cilësia e fushatës elektorale në funksion të qytetarëve, iii) performanca e LSI dhe PDIU, iv) sjellja e PBDNJ v) por edhe në ndonjë rast edhe e LZHK, si dhe vi) “sherret” e brendshme në të dy kampet, që në realitet “shuhen” më lehtësisht dhe më shpejt djathtas, por edhe vii) besueshmëria për programin dhe viii) niveli i mbështetjes partiake e nga koalicioni. Kurse për Tiranën, situata është më komplekse, sepse të dhënat paraprake analitike japin një rezultat shumë të ngushtë dhe sasia e faktorëve ndikues është shumë më e madhe, duke “parashikuar” me shumë gjasa një diferencë jo vetëm në sondazhe, por edhe në rezultatin përfundimtar jo më të madh se 2 për qind. “Parashikimet” e deritanishme mund të bazohen në një analizë të rezultateve të vitit 2007 dhe atyre të vitit 2009, prej nga mund të simulohen shifrat (e dhëna në tabelën/grafikun e mëposhtëm) sipas koalicioneve të regjistruara në zgjedhjet e vitit 2011… Dhe, në këtë moment, nga kjo “analizë parashikuese” rezulton se 25-35 për qind e 12 kryetarëve aktualë të bashkive kryesore, qendër qarku, do të ndryshonin.. Sa do të ndikonte fakti që PD dhe LSI janë në një qeverisje të kritikuar nga opozita, apo nga ana tjetër, që shumë nga bashkitë kryesore drejtohen prej 2-4 mandatesh prej PS? Sa do të funksionojë koalicioni PD-LSI për të grumbulluar vota dhe a përbën kjo një faktor që duhet marrë në konsideratë? Disa nga faktorët kryesorë që do të ndikojnë në rezultatin elektoral janë natyrisht i) dinamika e mbështetjes elektorale ndaj koalicionit qeverisës, për shkak të qeverisjes qendrore, e thënë ndryshe masa, sa dhe si do të ndikonte konsumi apo suksesi i qeverisjes së PD-LSI në rezultatin e çdo njësie vendore; ii) dinamika e mbështetjes elektorale për shkak të qeverisjes lokale ndaj kandidatit që rikandidon, pra si do të ndikonte konsumi apo suksesi nga qenia në drejtimin e bashki/komunës, kryesisht mbi kandidatin e PS për 9 nga 12 bashkitë kryesore; iii) performanca e koalicionit PD-LSI, në kuptimin si do të silleshin votuesit respektivë ndaj kandidatit të tyre përbashkët dhe iv) efikasiteti i aleatëve në dy koalicionet kryesore, pra si dhe sa efikasë do të ishin aleatët e PD e PS përkatësisht për të sjellë vota në favor të kandidatit përkatës të përbashkët. Faktorë të tjerë të rëndësishëm do të ishin edhe i) cilësia e fushatës lidhur me zgjidhjen e shqetësimeve të popullit dhe ii) aftësia e suksesi për të kapur elektoratin e lëkundur. Meqë bëhet fjalë për zgjedhjet vendore, ka më shumë gjasa që ndikim më të madh të ketë konsumi/sukseset nga të qenit në drejtimin e njësisë vendore, sesa konsumimi apo suksesi nga të qenit në qeverisjen qendrore, kjo më shumë në zonat rurale dhe më pak në zonat urbane. Mbi elektoratin e lëkundur dhe votuesit e rinj, ndikim të rëndësishëm do të ketë perceptimi për krizën politike dyvjeçare dhe raporti i përgjegjësisë së aktorëve politikë. A kanë ndikim në rezultatin e këtyre zgjedhjeve elemente të tilla, si pjesëmarrja në votime, tipi i fushatës (pozitive/negative dhe politike apo në funksion të qytetarit) dhe konfliktualiteti në fushatë? Sigurisht që këto elemente janë shumë të rëndësishme për një fushatë zgjedhore dhe sidomos për këtë fushatë të zgjedhjeve vendore. Pjesëmarrja në votime mbetet një faktor i rëndësishëm, rritja apo ulja e pjesëmarrjes do të kishte ndikim të ndryshëm në njësi vendore të ndryshme ndaj kandidatëve të ndryshëm, sepse varet si dhe sa ndikon në pjesëmarrje i) perceptimi për qeverisjen qendrore, por mbi të gjitha ii) perceptimi për drejtuesin e bashkisë dhe sa kohë ka ai që drejton bashkinë. Po ashtu, fushata alternative e pozitive dhe e lidhur me hallet/problemet e qytetarëve do të ishte më efikase mbi zgjedhësit e lëkundur sesa fushata negative e konfliktuale, sidomos kjo do të kishte ndikim në zonat urbane dhe më pak në zonat rurale. Të rinjtë që votojnë për herë të parë do të prisnin një fushatë dhe përkujdesje selektive, pozitive dhe alternative dhe kjo sidomos në zonat urbane. Konfliktualiteti dhe politizimi i fushatës do të mund të tejmotivonte simetrikisht militantët e të dy palëve, njërën palë direkt, kurse palën tjetër indirekt për induksion; por kjo lloj fushate do ta tensiononte fushatën tej mase, ndërkohë që votuesit e lëkundur me siguri të lartë do të ndëshkonin fuqimisht atë forcë politike që do të perceptohej si nismëtare apo nxitëse e konfliktualitetit apo më shumë përgjegjëse për këtë qasje. Ndikimi i këtyre faktorëve do të ishte me pasoja deri në ndryshim kahu të fituesit, kryesisht në bashkitë ku rezultati “historik” është i ngushtë apo relativisht i ngushtë. Shkodra, Kukësi dhe Peshkopia kanë qenë “blu” historikisht. Mendoni se do të mbeten të tilla edhe në 8 maj 2011? Nisur nga rezultatet e viteve të fundit, ka shumë gjasa që tri bashkitë: e Shkodrës, Kukësit dhe Dibrës, të vazhdojnë të mbeten të drejtuara nga PD e cila udhëheq aktualisht koalicionin qeveritar, ku rol kryesor kanë PD, LSI dhe PDIU. Diferenca e lartë në sasi votash dhe në përqindje që kanë në këto tri bashki kandidatët e djathtë, me shumë pak gjasa do të ndikohet nga bashkësia e faktorëve të përmendur më sipër, duke përjashtuar ndonjë rast shumë ekstrem gabimi nga cilësia e kandidatit apo e fushatës së tij.. Gjirokastra e Fieri kanë qenë prej disa mandatesh “rozë”; A mund të thuhet se do të mbeten të tilla? … Dy bashkitë, e Gjirokastrës dhe e Fierit, po të nisemi nga rezultatet e vitit 2009, me shumë gjasa do të mbeteshin nën drejtimin e PS që drejton koalicionin opozitar. Edhe në këtë rast diferenca e lartë në sasi votash dhe në përqindje do të mund të ndikoheshin vetëm nëse bashkësia e faktorëve të përmendur më sipër do të punonin në favor të kandidatit të mbështetur nga koalicioni qeveritar dhe kundër kandidat “rozë”; sidomos mbetet për t’u testuar ndikimi (pozitiv apo negativ) nga qëndrimi për disa mandate në drejtimin e bashkive nga të njëjtët kandidatë socialistë dhe nga cilësia dhe/ose performanca e kandidatëve kundërshtarë; ndikim specifik në Gjirokastër mund të kishte sjellja dhe performanca e votuesve të PBDNJ (nëse do t’u bindeshin orientimeve të PBDNJ për të votuar pro kandidatit të PS). Dy qytetet bregdetare, Durrësi dhe Vlora, po t’u referohemi rezultateve të vitit 2009, duket me tendencë të qartë elektorale, por me rezultat të papritur; Cili do të ishte parashikim juaj? Durrësi, nisur nga rezultati i vitit 2007 dhe 2009, duket në pamje të parë se do të fitohej nga Ferdinand Xhaferraj me një diferencë rreth 7300 vota dhe gjasat janë të tilla, por përcaktimi i fituesit do të varej fuqimisht nga i) performanca e kandidatëve dhe ii) performanca e LSI-së. Kurse në Vlorë tendenca për fitore anon “matematikisht” nga kandidati socialist, po t’i referohemi rezultatit të vitit 2009, por suksesi dhe beteja mbeten të hapura; fituesi do të përcaktohej nga ndikimi i disa faktorëve i) qëndrimi i kryetarit aktual, rikandidat i PSSH, për një kohë të gjatë në krye të bashkisë, ii) performanca e kandidatëve; iii) ndikimi i “sherreve” të brendshme në të dy kampet, iv) performanca e LSI dhe PDIU, si dhe v) sjellja e PBDNJ (nëse votuesit e saj në një masë të paneglizhueshme do të ndiqnin orientimin për të votuar pro kandidatit te PS). A mund të thuhet se për Elbasanin, Beratin dhe Korçën, parashikimi në këtë fazë është i vështirë? Pavarësisht tendencës “historike” të rezultatit të këtyre tri bashkive dhe më konkretisht nisur nga rezultatet në zgjedhjet e vitit 2009 1) për Elbasanin me rreth 2600 vota në favor të Durim Hushit; 2) për Beratin me rreth 900 vota në favor të Fadil Nasufit dhe 3) për Korçën me rreth 1800 vota në favor të Niko Peleshit, ndikimi i faktorëve të mësipërm e bën shumë të vështirë dhe gati të pamundur parashikimin për këto tri bashki dhe për rrjedhojë e lë të hapur përcaktimin e fituesit në këtë fazë të parashikimeve. Në Elbasan fituesi do të varet kryesisht nga performanca e kandidatëve, aq më tepër që të dy kandidatët janë të majtë, ndonëse në avantazh “matematik” është Durim Hushi. Në Berat fituesin do ta përcaktonte i) cilësia dhe performanca e kandidatëve, ii) performanca e LSI për kandidatin e koalicionit qeveritar dhe iii) shmangia e sherreve të brendshme në PS lidhur me mënyrën e caktimit të kandidatit, si dhe fakti (me ndikim pozitiv apo negativ që varet nga perceptimi, sidomos i votuesve të lëkundur) që iv) kandidati i majtë është për një kohë të gjatë në drejtimin e bashkisë. Në Korçë kandidati socialist është më i favorizuar “matematikisht”, por ndikimi i të gjithë faktorëve, veçanërisht i cilësisë dhe performancës së kandidatëve, por edhe i sjelljes së PBDNJ (me shumë gjasa me orientim pro kandidatit të PS) do të jenë të rëndësishëm për përcaktimin e fituesit, duke e bërë të vështirë parashikimin në këtë fazë. Ndikim mund të kishte edhe angazhimi i deputetit-ministër të koalicionit qeveritar… A mund të thuhet se “parashikimi” për Tiranën dhe Lezhën është i pamundur deri në ditën e votimit? Keni plotësisht të drejtë. Lezha dhe Tirana shfaqen me një diferencë shumë të vogël, po të nisemi nga rezultati i zgjedhjeve të vitit 2009, prej më pak se 1 për qind të votave, duke e bërë tërësisht të pamundur parashikimin dhe e lënë deri në fund të hapur çështjen e përcaktimit të fituesit. Në Lezhë, krahas vlerësimit të votuesve për cilësitë dhe performancën e kandidatëve, rezultati përfundimtar do të varej fuqimisht nga performanca e LSI dhe sjellja e votuesve të majtë që në 2009 kanë votuar për PSV91; parashikimi për këtë bashki deri në ditën e votimit do të jetë i pamundur. Kurse për Tiranën, situata është tepër komplekse dhe një analizë më e thellë dhe më e detajuar për çdo minibashki do të ishte objekt i një studimi të plotë të të gjithë faktorëve në ditët në vijim, ndonëse parashikimi i saktë do të jetë një çështje gati e pamundur deri në ditën e votimit, përveç rastit të ndonjë situate speciale. Madje edhe sondazhet, nëse ka pasur dhe do të ketë në vijim (bëhet fjalë për ato seriozet), do të jepnin me shumë gjasa një diferencë në rezultat brenda kufirit të gabimit të sondazhit, pra jo më e madhe se dy përqind. Panorama

[land]

kujt i plasi kush fiton, gjerat nuk ndryshojne.....sa trishtim!

[erix77]

kujt i plasi kush fiton, gjerat nuk ndryshojne.....sa trishtim!

exactly ......te gjithe Komunista e kelysh Komunisti jane

[Adriana]

Kandidati i maxhorancës për bashkinë e Tiranës, Lulzim Basha, sipas një sondazhi të Institutit Gjerman të Statistikave dominon me vota ndaj rivalit të tij Edi Rama.
Sondazhi i realizuar ditët e fundit u zhvillua në një qendër Tregtare në autostradën Tiranë- Durrës.
Në votim për dy kandidatët Basha dhe Rama u përfshinë 3482 vetë, nga të cilët rezultuan se 2439 ishin nga bashkia e Tiranës dhe 1024 nga rrethinat apo rrethet.
Referuar rezultateve të këtij sondazhi, për kandidatin Basha votuan 1412 vetë ose 57.90%, ndërsa për Edi Ramën 1027 ose 42.10%.
Për sa u takon qytetarëve që nuk ishin banorë të Tiranës, për Bashën votuan 586 vetë, ose 57.23%, ndërsa për Edi Ramën 438 vetë ose 42.77%. 19 vota rezultuan të pavlefshme.
.http://www.lajmifundit.com/politika/pol ... 1027-ramen

[Phoenix]

Ja çfarë shkruante "Tema" sonte për këtë lajmin:
[quoteem]Sandri publikon sondazhin me Zamirin tek QTU
Sandri vendosi më në fund të bëjë sondazhin tek QTU me Zamirin. Vendosën nga një kuti tek çdo arkë dalëse. Kutisë ia shkruajtën emrin Instituti Gjerman i Statistikave. Para se ta bënin këtë, Zamiri u interesua se mos ekzistonte vërtetë ndonjë institut i tillë dhe i përgënjeshtronte. Pasi u bind se nuk ekzistonte një i tillë, ja nisën punës. Gratë që mbledhin lekët tek arka u bënin një ofertë me 1 për qind zbritje njerëzve që donin të votonin. Në fillim pati disa ngurrime, por ulja prej 1 për qind filloi të funksiononte. Një prej shitësve u dërgoi sms gjithë punonjësve të QTU të votonin. Shitësja bëri llogaritë dhe afërsisht i binte që QTU të kishte 30 milionë lek xhiro. 1 për qind e shumës i thoshin 3 milionë lek. Ja nisi punës duke mbushur kutinë e votimit. Duke ditur se Zamiri me Sandrin ishin me Bashën, mbushi 40 për qind vetë. Pastaj ua la radhën shokëve të punës dhe ndonjë blerësi që s’kishte frikë të votonte. Në mbrëmje bëri bilancin, mori 1 përqindëshin dhe lajmëroi Zamirin se kutia ishte gati.
Zamiri me Sandrin thirrën dhe Zhejin. U ngjitën në kat të dytë tek zyra e Zamirit dhe hapën kutinë. Filluan të numëronin.
Në një anë vendosnin fletët e Lulit, në anën tjetër të Ramës. Rezultati në fund doli Rama 20 përqind para.
I shqetësuar, Zamiri zbret poshtë dhe thirri arkëtaren.
- Kush ka votuar në kuti, tha, i ke parë?
- Shefo, i kam parë. S’di të them, po 40 përqind i ke të sigurt me Bashën se i kam hedhur me këto duar.
- Po mi po, i tha Zamiri, po kush janë këta 60 përqind se qenkan të gjithë me Ramën.
- S’e di vallai, tha. Njerëz të huaj ishin.
Zamiri u ngjit sërish lart i tronditur, ndërsa shitësja nisi me folë me vete.
-Qyqja, sa të fshehtë qenkan këta njerëz, tha. Qenkan të gjithë me Ed Ramën dhe nuk tregojnë. Ene unë me të jam, po thashë mos i duheshin shefit votat.
Lart në kat të dytë Sandri me Zhejin po diskutonin si do ta menaxhonin sondazhin.
E para u vendos të thuhej që Basha ka fitu 58 përqind dhe lajmi të jepej në ATSH. E dyta u vendos që të gënjehej dhe Basha që ka dalë mirë që të mos demoralizohej. Por Sandri bëri propozimin e tretë më interesant.
-Vari k…, tha daç ta marrë vesh Basha, daç Berisha, s’ka problem se e dinë që humbasin, po mos ta marrë vesh Fevziu se na kthehet që sot me Ed Ramën dhe na shkërdhen fushatën.
Ashtu u vendos. Heshtje varrit ndaj Fevziut dhe optimizëm për Bashën.
-Si nuk i ec këtij njeriu mor burrë, tha Zheji. Dhe dje erdhi ambasadori amerikan me pa ndeshjen me të, për 45 minuta sikur kish folë Rama me Pepe Guardiolën nuk u bë gol. Iku tek socialistët pjesën e dytë, u bënë dy gola. Ça është kështu mor burrë?
- Lëre, lëre, tha Sandri, se ajo ishte e poshtër shumë. Unë e dhashë dhe ndeshjen në TV Klan tokësor, nuk e shita vetëm se mendova se ambasadori do rrinte deri në fund në ndeshje. Po më e forta ishte me atë k… Lulin. Pasi i iku ambasadori, ishte përqëndru dhe po shifte TV Klanin dhe ëm merr në telefon: O Sandër, po ti s’ke lajme, ndeshje jep më tha.
-Po ndeshje mo k…, i thashë, se më the do takohem me ambasadorin.
-Ou, tha, pse e njëjta ndeshje si ajo që po shikoja me atë është dhe kjo?
-A ti je k…, i thashë, s’ke faj, kam faj që unë harxhoj lekët dhe e jap falas, jo ta shesh tek Supersporti. Po bëre ndonjë muhabet me ambasadorin, i thashë, i tregove me kë je tifoz?
-Po, po, fola, i tha Luli. I thashë që jam tifoz me Çikago Bulls.
-Ç’është kjo Çikago Bulls mor burrë, nga e gjete këtë?
-Po ku di unë. Dëgjova ambasadorin që tha jam tifoz me Çikago Bulls dhe unë i thashë me atë jam. Dhe mu duk se ishin ata që ishin blu e kuq.
- Ah ti je k…, i thashë. Po ajo ishte Barcelona me Realin mo burrë, çafrë Çikago më thua ti? Po s’ke faj ti, faj kam vet që jap ndeshje falas për ty. Ti s’di as kush luan.
http://www.gazetatema.net/web/?p=19482[/quoteem]

.................................
"Gjithshka mund të ndodhi, jetojmë në Tironë"- thoshte dikur një këngë!

[Arbëri]

Beteja per Tiranen, e ashper
Vijon beteja e forte per Tiranen.Gara Rama-Basha ende e hapur. Distanca mes votave te Edi Rames dhe Lulzim Bashes eshte shume e vogel dhe ne favor te kandidatit te Aleances per Qytetarin. Nderkohe ne kater qendrat e numerimit, procesi vazhdon me tensione mes paleve qe perkthehet me bllokime te shpeshta te numerimit.

Per momentin :

Basha: 116917


Rama : 115735


http://www.noa.al/

[Arbëri]

Ora 22.45 – Numërohen 453 ndër 485 kuti, Basha 117015, Rama 115857 vota
Transmetuar me: e Enjte, 12 Maj 2011 22:50

Tiranë, 12 Maj 2011 NOA/ 22.45 –Komisioni Qendror i Zgjedhjeve ka shpallur rezultatet për 453 kuti votimi të numëruara ndër 485 gjithsej.
Nga numërimi i votave rezulton se Lulzim Basha numëron aktualisht 117015 vota, kurse Edi Rama 115857 vota dhe Hysni Milloshi, 1285 vota.
Në këtë mënyrë, diferenca mes dy kandidatëve Rama dhe Basha është 1158 vota, në favor të z.Basha.

http://www.noa.al/2011/05/ora-22-45-%E2 ... 5857-vota/

[CERMENIKASI]

Cdokush le të fitojë vetëm Rama të hiqet prej aty.

[Arbëri]

PS: Rama fitoi me 10 vota diferencë



Partia Socialiste e Shqipërisë
Partia Socialiste pretendon që fitues i garës për Tiranën është Edi Rama. Sipas kësaj partie, Rama ka përmbysur rezultatin në kutinë e fundit të njësisë numër 5 duke kaluar në 10 vota epërsi.

Sipas PS-së, pretendimi i tyre bazohet në procesverbalin e KZAZ-se numer 49.

PS vazhdon të festojë ...

[Arbëri]

Urime simpatizueseve te PS per fitoret bindese ne te gijthe Shqiprine se si duket tash po e shofi qe une qenkam qen ne enderra per nje "Shqiperi natyrale ":(

[Arbëri]

Përplasje fizike në sallën e KQZ-së

18.05.2011, ora 13:57





Përplasje fizike në mbledhjen e Komisionit Qëndror të Zgjedhjeve. Përfaqësues të Partisë Socialiste në Komisionin Qëndror të Zgjedhjeve nuk kanë lejuar të hapen kutitë me fletët e kontestuara të cilat kanë ardhur nga KZAZ-të.

Pas kësaj ka patur përplaje fizike në sallë.


http://www.albeu.com/dokumenta/foto/kqz-sherr.jpg

[Arbëri]

Numërimi në KQZ, shtohen votat për Bashën (LIVE)
18.05.2011, ora 19:15

UPDATE - Komisioni Qendror i Zgjedhjeve vendosi që votat e fletëve të kontestuara do t’i shtohen tabelës përmbyllëse të rezultatit të KZAZ-së nr. 47 në Tiranë, që i përket njësisë bashkiake nr. 3.

Komisioni Qendror i Zgjedhjeve po vazhdon me fletët e votimit të kontestuara të gjetura në kutitë e gabuara, ku nga hapja e 8 kutive, 10 vota kanë shkuar ne favor te kandidatit për “Aleancën për qytetarin”, Lulzim Basha dhe 6 vota për kandidatin e “Aleancës për të ardhmen”, Edi Rama. Kutite qe po hapen ne keto momente i perkasin KZAZ-se 47, perkatesisht njesise bashkiake nr.3.

Në këtë mbledhje do të vazhdohet me hapjen e kutive të tjera të mbërritura në KQZ, ku do të vazhdojë numërimi i fletëve të kontestuara.

http://www.albeu.com/kryetitull/numerim ... ve)/37021/

[Mendi]

E bukura e dites, dhe vete Presidenti e ka hedhur voten ne kutine e gabuar.

[land]

Urime simpatizueseve te PS per fitoret bindese ne te gijthe Shqiprine se si duket tash po e shofi qe une qenkam qen ne endera per nje "Shqiperi natyrale ":(

sigurisht qe ke pare endrra me sy hapur, perderisa ke dy parti PD+PS qe marrin urdhra nga athina.......te te jap nja dy fakte kot per qejf???? ne 97 greku i solli ne pushtet socialistet....pak kohe me pare berisha tenton ti fale det greqise...dihet dhe bollanon e mbeshteste berisha....sa te jete kjo klase politike e ........., harroje "shqiperine natyrale"...lol


persa i perket temes, e dija qe me pare qe dy .......... kandidate do benin remuja per nje karike te qelbur bashkie, mjere shqiperia me keta kerma lol. keta (te majte dhe te djathte) jane gati te djegin shqiperine per nje cope karike, per ca miliona euro qe fitojne nga ajo karike e qelbur, keta nuk e rruajne per shqiperine dhe shqiptaret.

per kuriozitet shiko me siper cfar kam postuar ne daten 14 prill