"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

Vasil Bollano ndalon flamurin kombëtar dhe kenget shqiptare

Sillni këtu për diskutim artikujt ose reportazhet që trajtojnë problemet më të mprehta qe shqetësojnë, shoqërinë shqiptare, komunitetin tuaj, juve.

Moderator: ALBPelasgian

Post Reply
User avatar
Arta
Sun Member
Sun Member
Posts: 1515
Joined: Tue Jun 02, 2009 2:44 pm
Gender: Female
Location: USA

Vasil Bollano ndalon flamurin kombëtar dhe kenget shqiptare

#1

Post by Arta » Sun Jul 19, 2009 3:29 pm

Bollano ndalon këngët shqip në Himarë

Në fillim ndërhyri në program për të hequr pjesët me motive patriotike, pastaj anuloi aktivitetin. Historia e bëmave të liderit të minoritetit grek

Vali Qyrfyçi, Kamber Velaj

Fenomeni "Bollano" befason sërish. Kryebashkiaku i Himarës ka përzënë artistët e vegjël durrsakë nga territori i tij, duke mos lejuar të japin shfaqje. Muaj më parë, ai kishte rënë dakord për këtë aktivitet, duke u siguruar më parë që në programin artistik nuk do të kishte këngë e valle patriotike shqiptare dhe as do të shfaqej gjëkundi flamuri kuqezi. Ditën e premte, një reagim krejtësisht i pazakontë dhe befasues ka qenë mirëpritja për grupin prej 28 vetash nga Durrësi. Reagimi ka shokuar jo vetëm drejtuesit e rritur të grupit, por edhe fëmijët që ishin përgatitur për të dhënë shfaqjen e radhës për bashkëmoshatarët e tyre dhe qytetarët në Himarë. Grupi i refuzuar nga qytetari nr.1 i Himarës ishte ai i Qendrës Kulturore të Fëmijëve Durrës, një qendër e mirënjohur në rang mbarëkombëtar për aktivitetet e shumta dhe cilësore që organizon. Në kuadrin e një turi të nisur muaj më parë, trupa e artistëve të vegjël durrsakë mbërriti ditën e premte në Himarë për të organizuar aktivitetin artistik me një program të reduktuar, "të qethur" muaj më parë nga Bollano prej valleve e këngëve me tematikë patriotike. Bashkë me ta, kanë udhëtuar dhe disa këngëtarë të vegjël të qendrës së Vlorës. Të ngarkuar dhe me foninë, disa veshje karakteristike popullore dhe të kërcimeve moderne, fëmijët mbërritën në Himarë të lodhur nga rruga, por të entuziazmuar për shfaqjen që do të jepnin pas një pushimi disa orësh. Situata ndryshoi nga mohimi i realizimit të shfaqjes. Ndonëse ishte kontaktuar në prill për këtë aktivitet, atëherë kur ai kishte shqetësimin e dënimit gjyqësor dhe gjithçka u la për në një kohë tjetër, Bollano pretendoi se duhej të ishte njoftuar dy muaj më parë për shfaqjen dhe se biseda e mëparshme ishte shfuqizuar për shkak të kohës. Arsyetimi i kryebashkiakut Bollano është argumentuar si një pretekst i keq për të bllokuar aktivitetin në një prej ambienteve publike të Himarës, ndërkohë që muaj më parë ai pati kërkuar programin që do të paraqitej para publikut nga fëmijët artistë dhe kishte bërë ndërhyrjet personale në të. Takimi paraprak në pranverë mes drejtuesve të grupit dhe kryebashkiakut kishte qenë befasia e parë. Ndërhyrjet e kryebashkiakut patën diktuar ndjeshëm përmbajtjen e programit, duke u fokusuar te këngët fëmijënore dhe vallet e Shqipërisë së Mesme, duke kërkuar dhe heqjen nga programi artistik të numrave me motive patriotike. Reagimi i drejtorit të Qendrës Kulturore të Fëmijëve Durrës, Naim Kërçuku, për ta bërë të arsyetojë kreun e bashkisë që gjithnjë ndez debate në Shqipëri me veprimet dhe deklaratat e tij, ka qenë i kotë. Asgjë nuk është zhbërë nga vendimi i Bollanos për të anuluar koncertin e fëmijëve që ushtrohen gjatë gjithë vitit në klubet fëmijënore të ish-shtëpisë së pionerit në Durrës, për të kultivuar dhe çuar më përpara talentet e tyre dhe argëtuar me to bashkëmoshatarët, si në ditë të veçanta festive, ashtu dhe gjatë sezonit të verës. Fëmijët artistë kanë mbetur të zhgënjyer nga gjithçka ndodhi në Himarën bregdetare, ku të paktën përfituan nga zemërgjerësia e Bollanos për t‘u kredhur njëherë në det, pasi dhe për këtë u është dashur të marrin leje. Nuk ka munguar as prania e policisë, e cila gjithsesi nuk ka ndërhyrë, pasi nuk ka pasur vend për acarime të mëtejshme, aq më tepër për një aktivitet që synonte të bënte art dhe argëtim. Më pas, fëmijët e zhvendosën aktivitetin e tyre artistik mes pushuesve në Llogora, duke lënë pas shijen e hidhur të një refuzimi që më shumë se këdo, lëndoi fëmijët.


Refuzimi

Përfaqësuesi i një komuniteti qytetar në tokë shqiptare dhe me banorë shqiptarë, përveç atyre të minoritetit grek, vuri kushte për zhveshjen nga kombëtarja të numrave artistikë që do t‘u servireshin qytetarëve të tij. Bollano ka preferuar këngë si "Dua mamin, dua babin" apo vallet e kënduara "Ra faja prej fikut", "Napoloni" dhe ka refuzuar të gjitha pjesët e programit që mbështeteshin në motivet patriotike shqiptare, si vallet "Qëndisja e Flamurit", "Vallja e Shqipeve" etj. Një fobi nga elementi shqiptar?! Një fobi e frikshme që mbi të gjitha cenon dinjitetin kombëtar, vë në pikëpyetje përkatësinë kombëtare të fëmijëve, gjithëpërfshirjen në një komunitet ndëretnik. Ngjarja e thjeshtë në dukje përcjell mesazhe të qarta të qëndrimit të Bollanos, që tashmë është kthyer në fenomen.

Karriera


Bollano, nga provokimi i "Aleancës për Kombin" te ngjitja në pushtet dhe dënimi me burg


Historia e liderit të grekëve të Shqipërisë




Vasillaq Bollano, i njohur gjerësisht me emrin e shkurtuar Vasil, u shfaq relativisht vonë në skenën politike të minoritetit grek në Shqipëri. Ndoshta pikërisht sepse vinte nga Himara, një zonë që nuk e gëzon statusin e minoritetit, Bollano pati një karrierë të shpejtë brenda strukturave politike të grekëve të Shqipërisë, e më pas edhe në strukturat shtetërore. Ai u shfaq për herë të parë në skenën politike në vitin 2000, kur kreu i atëhershëm i PBDNJ-së, i ndjeri Vasil Melo, e pranoi si kandidat për kryetar bashkie në Himarë, me insistimin e Athinës zyrtare.

Në atë kohë Bollano u akuzua se bëri një fushatë të "pisët", pasi premtoi viza greke në këmbim të votave. Por nuk arriti të fitonte, për shkak të asaj që u quajt "Aleanca për Kombin", që bashkoi të gjitha partitë shqiptare kundër PBDNJ-së. Bollano mori atë vit rreth 1200 vota, por në raundin e dytë të zgjedhjeve iu bashkuan kundër 1100 vota të PS-së, 600 të PD-së, 500 të PSD-së dhe dhjetëra të tjera të partive të vogla.

Në vitin 2003, kur PBDNJ-ja bashkëqeveriste me Partinë Socialiste, nuk kishte më vend për aleanca patriotësh. Vasillaq Bollano u zgjodh kryetar i Bashkisë së Himarës pas votimeve tejet të tensionuara, me shpërthime eksplozivash dhe protestash antishqiptare në zemër të Labërisë.

Me të marrë në dorë bashkinë, aktiviteti i tij brenda strukturave të grekëve u bë shumë i dendur. Deklaratat që irritonin shqiptarët pasonin njëra-tjetrën dhe Bollano u shndërrua në pak kohë në personazhin më të njohur ndër grekët e Shqipërisë. Si forcoi pozitat brenda të tijve dhe fitoi simpatinë e Athinës, Bollano filloi pak nga pak të kalonte nga fjalët te veprat.

Duke shfrytëzuar autoritetin që i jep ligji mbi punonjësit e zyrës së gjendjes civile, kryebashkiaku i Himarës bllokoi fillimisht procesin e regjistrimit të jabanxhinjve si qytetarë të Himarës. Më pas, duke anashkaluar institucionet shtetërore, mundësoi hapjen e një shkolle greke në Himarë. Megjithëse shkolla ishte private, kryebashkiaku siguroi transportin e fëmijëve me mjetet e bashkisë. Denoncimi i këtyre fakteve ra në vesh të shurdhër për një kohë të gjatë. Autoritetet e shtetit shqiptar u munduan në çdo kohë të fusin në të njëjtin thes akuzat për antishqiptarizëm që ngrinin njerëz të painformuar të politikës e shoqërisë "civile" me akuza për shkelje konkrete të ligjit.

Bollano arriti të gjente përherë rrugëdalje, deri sa erdhi e u përplas edhe me vetë qeverinë dhe dhëndrin e Kryeministrit Berisha, i cili administronte një projekt të Bankës Botërore.

Në vitin 2007, kur kishte arritur që falë ligjit elektoral dhe mbështetjes së PD-së të merrte mandatin e dytë në krye të Bashkisë së Himarës, Bollano urdhëroi policinë bashkiake të shkulte nga një pjesë e rrugës nacionale të gjitha tabelat që tregonin vendet turistike, monumentet e kulturës dhe ato natyrore. Zyrtarisht, Bollano pretendonte se tabelat ishin vënë pa lejen e tij, por shkaku i shkuljes ishte refuzimi i kërkesës së tij për t‘i shkruar tabelat edhe në greqisht.

Disa muaj pas shkuljes së tabelave, kur ngjarja u denoncua nga shtypi (Gazeta "Shqip", 1 mars 2008), Prokuroria e Vlorës hapi hetimet dhe pas gati një viti, procesi në ngarkim të Vasillaq Bollanos përfundoi me dënimin e tij me gjashtë muaj burg dhe pesë milionë lekë gjobë, pasi u gjet fajtor për shpërdorim detyre.

Procesi gjyqësor i dha më shumë shtysë Bollanos të ngrihej më lart në strukturat politike të grekëve të Shqipërisë. Nga sekretar i përgjithshëm i organizatës "Omonia", ai u zgjodh kryetar i kësaj organizate, që është në fakt vetë zemra e Partisë Bashkimi për të Drejtat e Njeriut. Gjatë kohës që ndiqej penalisht, kreu i ri i "Omonias" filloi të zgjerojë ndikimin e tij, duke afruar pranë vetes shoqatat e pronarëve të Bregut dhe duke e hapur kështu diskutimin "grek-jogrek" përtej së imagjinueshmes, deri te banorët Nivicës.

I tërhequr gjatë fushatës elektorale për zgjedhjet e përgjithshme të 28 qershorit 2009 për të mos dëmtuar imazhin e PBDNJ-së, Bollano po shfaqet sërish tani që zgjedhjet mbaruan.
"I never gave anybody hell! I just told the truth and they thought it was hell."~Harry S. Truman

User avatar
Arta
Sun Member
Sun Member
Posts: 1515
Joined: Tue Jun 02, 2009 2:44 pm
Gender: Female
Location: USA

Re: Vasil Bollano ndalon flamurin kombëtar dhe kenget shqiptare

#2

Post by Arta » Thu Jul 23, 2009 12:47 am

Policia bashkiake dhunon bizneset në Himarë


HIMARË/ Pronarë të aktiviteteve në zonën bregdetare denoncojnë dhunën e ushtruar në emër të bashkisë së këtij qyteti

HIMARË - "Kanë terrorizuar edhe pushuesit përveçse ne që punojmë këtu. Kemi paguar gjithçka brenda ligjit, jemi të licencuar, unë çdo vit paguaj trotuarin, ndërsa sot policia bashkiake e shoqëruar nga policia e rendit erdhi pa njoftim, pa asgjë, duke na kërcënuar". Kjo është dëshmia e Donika Serajt, pronare e një lokali në Himarë, e kontaktuar nga redaksia e gazetës "Shekulli".

Gruaja tregon se megjithëse ka mbi 10 vjet që ushtron aktivitetin e saj, ajo dhe persona të tjerë të ardhur në Himarë shihen si "të huaj", si "shqiptarë" dhe ndaj bizneseve të tyre ushtrohet dhunë nga ana e policisë bashkiake. Sipas Donikës, ata kanë paguar gjithçka që ligji u përcakton si detyrim për aktivitetet që kanë hapur në këtë zonë të bregdetit shqiptar, por nga ana e bashkisë u nxirren pengesa.

"E gjithë kjo bëhet për bllokimin e turizmit. Këtu ka një javë pa ujë dhe sot erdhi ujë. Këtë do ishte mirë të shihte bashkia. Ne e kemi parë korrupsionin që bëhet, - vijon ajo. - Jemi 5 vetë dëshmitarë kur kryetari i policisë bashkiake i mori para një gruaje para tre netësh. Për 4 metra që paguan ajo punon në 40 metra katrorë".

Një tjetër pronar lokali vijon të mbështesë gruan në këtë drejtim. Ai thotë se janë goditur nga policia bashkiake. "Unë kam biznes hotel dhe lokal me qira. Jemi të pajisur me licenca, gjithçka të rregull.

Na erdhën dy të policisë bashkiake të shoqëruar me dy policë të rendit dhe na kërkuan të hiqnim karriget dhe çadrat. Madje, erdhën me varre në duar. Të gjitha lokalet e tjera të vendasve kanë kapur gjysmën e trotuarit, kurse ne s'na lënë të punojmë as me çadra. Më thanë se një veprim i tillë bëhej me urdhër të kryetarit të bashkisë.

Është një turp. Ndaloi një autobus me të huaj këtu dhe filmonin sjelljen e policisë bashkiake. Dhe këtë e bëjnë vetëm me ne që nuk jemi prej këtij vendi, por kemi ardhur që të ushtrojmë biznesin këtu. Pavarësisht se paguajmë taksat rregullisht, sërish na sulmojnë. Pushuesit u larguan nga ne për shkak të frikës nga policia".

Më tej, pronari i lokalit shprehet se janë sulmuar katër lokale dhe një pikë shitjeje gazetash dhe janë goditur vetëm të ashtuquajturit "të huaj" në këtë vend. "Nuk dua të shaj të tjerët, por kjo është absurde. Ne kemi filmuar gjithçka dhe do ta publikojmë dhunën e ushtruar ndaj biznesit nga policia bashkiake", përfundon ai.

Personat që kanë aktivitetet e tyre në zonën bregdetare shprehen se do t'i drejtohen bashkisë për të kërkuar të drejtat e tyre dhe që, sipas ligjit, duke qenë se paguajnë çdo detyrim që shteti u ka vënë, të lihen të qetë të zhvillojnë biznesin e tyre në Himarë.
Tentativa për të kontaktuar me telefon me drejtues të policisë bashkiake rezulton e dështuar për faktin se personi ka bllokuar thirrjet hyrëse.
"I never gave anybody hell! I just told the truth and they thought it was hell."~Harry S. Truman

Dardanian
Junior Member
Junior Member
Posts: 6
Joined: Fri Jul 31, 2009 9:58 pm
Gender: Male

Re: Vasil Bollano ndalon flamurin kombëtar dhe kenget shqiptare

#3

Post by Dardanian » Fri Jul 31, 2009 10:13 pm

"Rrofte" Sala, Bollano eshte nje problem fare i vogel! Por problemi kryesor qendron tek "Dr." Sali Berisha.

Post Reply

Return to “Problematika shqiptare në media/shtyp”