Kryetari i Listës për Shqipëri Natyrale, Koço Danaj, në një deklaratë për portalin Shqiperianatyrale.com, ka folur rreth skenarëve serbë, lidhur me Monumentin e dëshmorë ve të UCPMB në Preshevë. Sipas Danaj: Deklaratat e Dacic për heqjen me forcë të Monumentit, nuk synojnë thjesht Preshevën apo thjesht Monumentin. Ai është një pretekst. Dacic me ultimatumin e tij për heqjen me forcë, synon Kosovën. Ai as më shumë dhe as më pak kërkon përsëritjen e një “Marsi të dytë 2004” në Kosovë. Skenari i Dacic është i thjeshtë për tu kuptuar. Ai heq me forcë Monumentin duke e ditur që kjo do ti zëmërojë shqiptarët në mbarë trojet shqiptare. Dhe në këtë moment zëmërimi, shqiptarët në Kosovë për “hakmarrje” mund të shkatërrojnë disa Monumente të kulturës sërbe në Kosovë. Një gjë e tillë ndodhi edhe në Mars 2004, kur shqiptarët të zëmëruar nga vdekjet e disa fëmijëve shqiptarë dogjën brënda natës disa monumente sërbe. Aso kohe, Kosova ishte e mbërthyer në formulën antishqiptare “Standartet para statusit”. Skenari i Dacic synon që ta paraqesë Serbinë dhe sërbët e Kosovës si “viktima” të dhunës së shqiptarëve.
Pyetjes se cfarë fiton Dacic nga “Marsi i dytë 2004”, Danaj ju përgjigj se ai kërkon të justifikohet para opinionit publik në Sërbi, kërkon të legalizojë ndarjen e Veriut të Kosovës, duke pranuar bashkimin e pjesës tjetër të saj me Shqipërinë dhe të realizojë edhe spastrimin etnik në Bujanoc, duke u lënë shqiptarëve vetëm Luginën e Preshevës që përbën vetëm një të pestën e Kosovës Lindore që sot ndodhet nën Sërbi.
