ARBERIAONLINE

Bruksel, 14 qershor - Islanda është tërhequr nga procesi i anëtarësimit në Bashkimin Evropian, ka deklaruar ministri i Jashtëm i këtij vendi, Gunnar Bragi Svejnson, tre javë pasi qeveria e re ka marrë detyrën.

“Kështu funksionon demokracia. Ne jemi pjesë e Evropës dhe duam të forcojmë marrëdhëniet tona në mënyra të tjera”, ka thënë ai, gjatë vizitës në selinë e BE-së.

Komisionari për zgjerim i Bashkimit Evropian, Stefan Fule, ka pranuar se tërheqja e Islandës nga anëtarësimi në bllok, paraqet goditje personale për të.

“Nuk e kam pasur të lehtë të pranoj këtë vendim. Por, jam profesionist dhe respektoj dëshirën e përfaqësuesve të zgjedhur dhe të qytetarëve, pa ndonjë dyshim”, ka thënë Fule.

Qeveria e kaluar e Islandës ka nisur negociatat për anëtarësim në BE më 2010, me besimin se hyrja në këtë bllok do t’i sjellë siguri ekonomike vendit, pas kolapsit të sistemit bankar më 2008.

Veprim tejet i logjikshem e tejpames, ne mbrojtje te shendetit shteteror e ekonomik te Islandes. Sa keq qe keta debillat, qe jemi denuar t'i kemi ne krye, kane arritur kaq sukses ne ngulitjen e idese nder shqiptar se integrimi ne BE eshte 'interesi me i madh' i shqiptareve.