"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

Interesat kombëtare mbi ratifikimin

Flisni për diplomacinë dhe të drejtën ligjore ndërkombëtare, lidhjen dhe ndikimin e saj në politikën dhe ekonominë e vendit dhe komunitetit tuaj.

Moderator: Strokulli

Post Reply
User avatar
Zeus10
Grand Fighter Member
Grand Fighter Member
Posts: 4142
Joined: Thu Jun 04, 2009 6:46 pm
Gender: Male
Location: CANADA
Contact:

Interesat kombëtare mbi ratifikimin

#1

Post by Zeus10 » Mon Dec 14, 2009 7:55 pm

NGA: PETRIT HALITI

Qeveria e kryeministrit bullgar, Bojko Borisov ka ndërmarrë një nga hapat më të rëndësishëm të historisë së marrëdhënieve të atij shteti në politikën e jashtme. Ajo ka rihapur procesin e rinegocimit të marrëveshjes që ka nënshkruar qeveria paraardhëse bullgare e ish-kryeministrit Sergej Stanishev, me Rusinë dhe me Greqinë për projektin rus të naftësjellësit Burgas- Aleksandropullos. Më 10-11 dhjetor, në Sofje u zhvilluan bisedimet e Komisionit Ndërqeveritar për Bashkëpunimin ekonomik, të kryesuar nga ministrat e Ekonomisë dhe të Energjisë të Bullgarisë dhe të Rusisë, që u përqendruan në rihapjen e bisedimeve për marrëveshjet mbi tri projektet e mëdha energjetike që Rusia kërkon të realizojë në Bullgari. Para disa ditësh në Athinë, ministri bullgar i Ekonomisë dhe Energjisë, Trajço Trajkov rihapi çështjen e naftësjellësit me drejtuesit e shtetit grek.
Rihapja e bisedimeve mes shteteve, pas nënshkrimit të marrëveshjeve shtetërore nuk është një gjë as e lehtë dhe as e shpeshtë në marrëdhëniet ndërkombëtare aktuale, sidomos në Ballkan. Ajo që e bën edhe më të veçantë hapin e qeverisë së kryeministrit Bojko Borisov, është fakti se marrëveshjet për projektet energjetike ruse, të nënshkruara në vitin 2007 mes Bullgarisë, Rusisë dhe Greqisë, i ka ratifikuar edhe parlamenti i Bullgarisë. Shumëkush mund të mendojë se pas ratifikimit në parlament të një marrëveshjeje ndërkombëtare me një shtet tjetër, qeveria, që e ka pranuar dhe nënshkruar atë marrëveshje, mund të flejë e qetë mbi dafinat e dividentëve të formave të ndryshme që ajo mund të ketë përfituar nga nënshkrimi i asaj marrëveshjeje. Por nuk vazhdon kjo qetësi kur vjen në pushtet një qeveri tjetër me përgjegjshmëri më të madhe publike dhe kombëtare, dhe e cila ndjen si imperativ të funksionimit të saj pikërisht mbrojtjen e interesave kombëtare në politikën aktuale dhe korrigjimin e gabimeve dhe hapave të dëmshme që kane bërë paraardhësit në fushën e politikës së jashtme. Mbi këtë përgjegjshmëri të interesave kombëtare, qeveria e re bullgare e kryeministrit Bojko Borisov, që erdhi në fuqi në muajin korrik 2009, ndërmori nismën politike dhe juridike të rishikimit të marrëveshjeve ndërkombëtare energjetike, të nënshkruara nga qeveria e mëparshme me Rusinë. Shpjegimin e dha më 6 dhjetor vetë kryeministri i Bullgarisë, kur, duke vizituar qytetin e Burgasit, nga duhet të fillojë naftësjellësi që do të çojë naftën ruse në Aleksandropullos të Greqisë, deklaroi: "Marrëveshja është kundër interesave kombëtare të Bullgarisë. Qeveria e mëparshme i kishte humbur shanset të negocionte kushte më të mira për Bullgarinë". Kryeministri shpalli bllokimin për 18 muaj të Marrëveshjes bullgaro-ruso-greke për ndërtimin e naftësjellësit, derisa ministria e Mjedisit të bëjë një raport të plotë mbi efektet e këtij naftësjellësi në mjedisin dhe në turizmin bullgar. Është interesante të nënvizohen dy elemente lidhur me marrëveshjen e nënshkruar nga qeveria e mëparshme bullgare për naftësjellësin. Elementi i parë ka të bëjë me faktin se ajo marrëveshje hasi në reagimin dhe kundërshtimin e fortë të opinionit publik dhe të shoqërisë civile në Bullgari, në kohën kur u nënshkrua. Zëra të fuqishëm të opinionit, jo vetëm dolën kundër nënshkrimit të marrëveshjes, por edhe protestuan se po shkeleshin interesat kombëtare të Bullgarisë. Qeveria e mëparshme e kryeministrit Sergej Stanishev, siç ndodh shpesh në Ballkan, i injoroi protestat e opinionit publik dhe jo vetëm e nënshkroi, por edhe e dërgoi për ratifikim në parlament. Por opinioni publik u hakmor ndaj asaj qeverie, duke ia dhënë votën në zgjedhjet parlamentare të 5 korrikut partisë së kryeministrit Bojko Borisov. Elementi i dytë është fshehtësia me të cilën qeveria e mëparshme bullgare shoqëroi procesin e tratativave me Rusinë, duke mbajtur larg informimit publikun lidhur me përmbajtjen e marrëveshjeve me Rusinë dhe me Greqinë. Me gjithë kërkesat e opinionit dhe të opozitës për të zbardhur kushtet e marrëveshjes, me gjithë detyrimin kushtetues për t'i shpjeguar popullit kushtet dhe efektet e asaj marrëveshjeje, qeveria e mëparshme bullgare nuk ia zbardhi kurrë atë opinionit publik. Nuk kërkon koment aksioma e lashtë se çdo gjë që mbahet fshehtë, fsheh vetë diçka. Sikurse deklaroi kryeministri Borisov më 8 dhjetor, e vërteta është se nga marrëveshja për naftësjellësin, i vetmi shtet që nuk përfiton është Bullgaria. Kryeministri denoncoi faktin që marrëveshjet e nënshkruara me Rusinë dhe me Greqinë, nuk përmbajnë në asnjë nen të tyre mundësinë dhe të drejtën e Bullgarisë për t'u tërhequr nga marrëveshja. Ndaj dhe një nga vendimet e para që kryeministri shpalli, është se do ta bëjë publike marrëveshjen e nënshkruar dhe madje do ta hedhë në internet, me qëllim që çdo qytetar të jetë në gjendje të shohë dhe të kuptojë se si janë anashkaluar interesat kombëtare. Hapi i rëndësishëm i qeverisë së kryeministrit Bojko Borisov sjell një model dhe një përvojë të re, jo vetëm interesante, por edhe udhërrëfyese për marrëdhëniet e shteteve ende të dobëta të Ballkanit me njëri tjetrin apo me fuqitë e tjera. Bullgaria pasuron kështu praktikën dhe teorinë e marrëdhënieve ndërkombëtare dhe të së drejtës ndërkombëtare në rajonin e brishtë të Europës Juglindore.
Së pari, Bullgaria jep shembullin e të drejtës dhe të guximit shtetëror dhe të përgjegjësisë kombëtare të një qeverie, e cila kupton rëndësinë dhe ndërmerr veprimet konkrete për të rishikuar marrëveshje të nënshkruara nga qeveria e mëparshme, marrëveshje, të cilat nuk kanë marrë parasysh dhe kanë shkelur interesat kombëtare. Së dyti, qeveria e kryeministrit Bojko Borisov, duke kuptuar përgjegjësitë e saj kombëtare, nuk ka hezituar t'u kërkojë rinegocimin dhe të rifillojë bisedimet zyrtare, si me Rusinë, që është një superfuqi energjetike dhe fuqi e madhe kontinentale, ashtu dhe me Greqinë, që është aleat i Bashkimit Europian dhe i NATO-s. Mbi paragjykimet dhe komplekset e inferioritetit, qeveria bullgare ka vënë interesat kombëtare të vendit. Së treti, përvoja bullgare tregon se qeveritë në Ballkan duhet t'i mendojnë mirë hapat, aktet dhe marrëveshjet që ndërmarrin me shtetet e tjera, kushdo qofshin ata, fqinj apo jo fqinj, të fuqishëm apo jo të fuqishëm. Sepse një qeveri e përgjegjshme për interesat kombëtare ka të drejtën dhe hapësirën për t'i rishikuar, rinegociuar dhe madje anuluar marrëveshjet e padrejta. Qeveritë që kanë neglizhuar interesat kombëtare nuk i shpëton nga përgjegjësia morale, juridike dhe historike as fakti që nuk janë më në pushtet, dhe as fakti se marrëveshja është ratifikuar nga parlamenti. Nxitimet për ratifikimet e marrëveshjeve të padrejta, në fakt forcojnë edhe më shumë bindjen në opinion për karakterin e padrejtë të asaj marrëveshjeje. Parlamenti është organi më i lartë legjislativ, por nuk është dhe nuk mund të jetë mbi interesat kombëtare. Ndaj dhe qeveria e re bullgare e vendosi interesin kombëtar mbi ratifikimin.
Se sa të drejta janë veprimet e qeverisë bullgare për mbrojtjen e interesave kombëtare, e provon mbështetja si nga Bashkimi Europian, ashtu dhe nga Shtetet e Bashkuara të Amerikës. "Bullgaria po bën shumë gjëra të drejta pikërisht tani. Bullgaria po bën gjënë e duhur, duke e rimenduar politikën e saj energjetike", - u shpreh në Sofje Riçard Morningstar, i dërguar i posaçëm i SHBA-së për energjinë në Eurazi. Mbrojtja e interesave kombëtare është detyrim themelor jo vetëm i qeverisë, i shtetit dhe i popullit përkatës, por edhe një detyrim ndaj aleancave perëndimore, ku shtetet e Ballkanit janë anëtare apo po përpiqen të hyjnë.
The only thing necessary for the triumph of evil is for good men to do nothing

Post Reply

Return to “Diplomaci dhe e drejtë ndëkombëtare.”