"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

Laejmet e fundit nga sporti Shqipetar

Flisni për sportin shqiptar në përgjithësi, talentet sportive dhe rezultatet e sportit shqiptar.

Moderator: Tan-Tirana

Post Reply
User avatar
Morrison
Regular Member
Regular Member
Posts: 65
Joined: Tue Jun 09, 2009 2:28 pm
Gender: Male

Laejmet e fundit nga sporti Shqipetar

#1

Post by Morrison » Fri Jun 19, 2009 2:04 pm

Sherjana Ruci, e pesta në Botërorin e të Rinjve

Shqipëria sërish merr vlerësim në evenimentet sportive ndërkombëtare. Kësaj here një femër është ajo që na bën të ndihemi krenarë me qenë shqiptarë .
Ka nisur në në Bukuresht të Rumanisë Kampionati Botëror i Peshëngritjes për të Rinj dhe të Reja. Në këtë veprimtari, Shqipëria merr pjesë me 3 shtangistë meshkuj dhe një femër. E para që është ngjitur në pedanin e Bukureshtit ishte Sherjana Ruci, e cila ka konkurruar të mërkurën në peshën 58 kg.
Paraqitja e peshëngritëses së re shqiptare ka qenë e kënaqshme, pasi është renditur në vendin e pestë në dygarësh. Në 3 provat e saj në stilin e shkëputjes, Ruci ka arritur në kufirin e 79 kg, duke u renditur e pesta në këtë stil. Ndërkaq, po vendin e pestë, shtangistja kuqezi ka marrë edhe në stilin e shtytjes, duke ngritur 99 kg dhe duke e mbyllur kështu dygarëshin me peshën e kombinuar prej 178 kg.
Në fakt, Sherjana ka humbur vendin e katërt për vetëm 2 kg. Ndërkaq, konkurrimi kuqezi do të vijojë me Briken Caljën, në peshën 69 kg, ndërsa më datë 19 qershor, në peshën 85 kg, do të jetë Ervis Tabaku, dhe më 20 qershor, për peshën 94 kg, Endri Karina do të mbyllë konkurrimin e kuqezinjve.

User avatar
Arta
Sun Member
Sun Member
Posts: 1515
Joined: Tue Jun 02, 2009 2:44 pm
Gender: Female
Location: USA

Re: Laejmet e fundit nga sporti Shqipetar

#2

Post by Arta » Sat Aug 01, 2009 8:11 pm

Peshëngritësi Ervis Tabaku, kampion Europe për të rinj


Një muaj pas titullit nënkampion bote, 19-vjeçari fiton dy medalje ari në Suedi

Erald Kodheli

Ervis Tabaku shpallet Kampion Europe për të rinj, në aktivitetin që po zhvillohet në Landskrona të Suedisë. Peshëngritësi 19-vjeçar ka realizuar objektivin, duke fituar dy medalje ari në kategorinë 94 kg. Ai u klasifikua i pari në stilin e shkëputjes, ndërkohë që pavarësisht se nuk ishte mes tre të parëve në shtytje, arriti të ngjitej në shkallën më të lartë të podiumit në dygarësh. Në të njëjtën bateri konkurroi edhe Endri Karina, i cili u rendit larg zonës së medaljeve.

Tabaku u cilësua menjëherë si favoriti kryesor: që prej regjistrimit në aktivitetin kontinental për të rinj dhe të reja, kuqeziu kishte deklaruar peshën më të lartë në kategorinë e tij. Në stilin e shkëputjes, peshëngritësi shqiptar ka kërkuar të jetë i kujdesshëm dhe të studiojë kundërshtarët. Ai e ka filluar konkurrimin me 161 kg, por për çudinë e të gjithëve, dështoi në dy provat e para. Duke parë rezultatet e konkurruesve të tjerë, elbasanasi ngre peshën në shtangë në 165 kg, si e vetmja mënyrë për të fituar medaljen e artë. Prova e tretë është e suksesshme dhe gjithçka lehtësohet nga gabimet e kundërshtarëve: ndjekësi më i afërt i Tabakut ishte bjellorusi Makaranka, me 160 kg, që fitoi medaljen e argjendit përpara rusit Kajsinov, sepse kishte peshë më të vogël trupore. Në anën tjetër Karina nuk arriti të shkonte më shumë se vendi i gjashtë me 156 kg. Diferenca e madhe e krijuar nga Tabaku në stilin e shkëputjes ka rezultuar vendimtare në fund, në klasifikimin e dygarëshit. 19-vjeçari nuk u paraqit në lartësinë e duhur në shtytje, ku e mbylli garën në vendin e katërt me 196 kg. Ai nuk arriti të realizonte me sukses provën e fundit, ku kishte kërkuar 200 kg. Medalja e arit në shtytje u fitua nga polaku Mikalski, i cili ngriti 203 kg (por u paraqit dobët në shkëputje), ndërsa pas tij u renditën polaku Zielinski (197) dhe rusi Gagloev (197), që u paraqitën dobët në shkëputje. Me 188 kg të ngritura vetëm në provën e parë, dhe me dy shtytje të parealizuara, Endri Karina u rendit i shtati. Fakti që nuk fitoi medalje në stilin e dytë, nuk ndikoi në klasifikimin në dygarësh për Ervis Tabakun, i cili fitoi medaljen e artë dhe titullin Kampion Europe me 361 kg., plot 5 kilogramë më shumë se Zielinski, i cili u shpall nënkampion me 356 kg. Ashtu si edhe në stilin e shtytjes, polaku u klasifikua përpara rusit Gagloev (medalje bronzi në dygarësh), falë peshës trupore. Karina, me 344 kg në total, u klasifikua i shtati në dygarësh.

Për Tabakun kjo ishte paraqitja e tretë e suksesshme brenda diçka më shumë se një muaji. Më 19 qershor ai u shpall nënkampion bote për të rinj në Bukuresht (dy argjend në shkëputje dhe dygarësh dhe bronz në shtytje), ndërsa më 1 korrik ai fitoi medalje argjendi në shkëputje në Lojërat XVI Mesdhetare, "Peskara 2009".
"I never gave anybody hell! I just told the truth and they thought it was hell."~Harry S. Truman

Post Reply

Return to “Sporti shqiptar”