Page 1 of 1

Lajme te ndryshme nga sporti nderkombetar

Posted: Tue Apr 05, 2011 9:45 am
by Adriana
Babai qëllon tri herë me armë kampionen e boksit para ndeshjes.


Pak orë përpara ndeshjes që mund t’a kishte lejuar të fitonte titullin e tretë botëror në botën e boksit femëror, babai i ndërpreu ëndrrën vajzës së tij, duke e plagosur me tre plumba.
Rola El-Halabi, 26-vjeçarja me origjinë libaneze, mirëpriti mbrëmë babain në dhomat e zhveshjeve përpara ndeshjes që do të zhvillohej në Berlin, por në vend që ai t’a inkurajonte, e qëlloi tre herë me armë duke e plagosur në krah, këmbë dhe gju.
Arsyeja e këtij akti lidhet me fanatizmin fetar, pasi babai i boksieres ndiente se e bija e adoptuar po distancohej vazhdimisht nga rregullar e ngurta të botës islamike.
Në bazë të kësaj tragjedie duket se është një histori dashurie midis Rolës dhe një djali të ri, marrëdhënie e papranuar nga familja dhe veçanërisht nga babai i saj.
”Babai hyri në dhomat e zhveshjeve me një pistoletë në dorë”, deklaroi nga spitali boksierja për të përditshmen gjermane “Bild”. “Menjëherë më qëlloi në krah. Unë nisja të ulërija, por ai vazhdoi të më qëllonte”.
Libanezi, i cili hapi zjarr edhe mbi dy roje të sigurisë, u arrestua nga forcat e policisë. Të dy truprojat u shoqëruan në spital ku po kurohen për plumbat e marrë, por fatmirësisht janë jashtë rrezikut për jetën.

Re: Lajme te ndryshme nga sporti nderkombetar

Posted: Sun Dec 25, 2011 9:05 pm
by Arbëri
Një shqiptar, sportist i vitit në Bullgari
Elis Guri (born July 6, 1983 in Shkodër) is an Albanian male wrestler who competes internationally for Bulgaria.
Image

Mundësi shqiptar Elis Guri është shpallur dje “Sportisti i vitit 2011 në Bullgari”, duke marrë trofeun nga drejtuesit më të lartëë të sportit bullgar, në një ceremoni të zhvilluar me këtë rast në Sofje. Shqiptari, që prej më shumë se një viti garon për vendin tjetër ballkanas (pasi ka marrë pasaportën bullgare), ka fituar këtë vit medaljen e artë në kampionatin botëror të mundjes dhe ishte futur në listën e kandidatëve për këtë trofe.

Ai është larguar nga vendi ynë pas konflikteve që ka patur mundja shqiptare (asokohe me dy federata dhe e përçarë), duke bërë që Shqipëria të humbasë një talent në sportin e mundjes, i cili sot po i dhuron Bullgarisë medalje dhe fitore, ndërkohë që është rritur në vendin tonë. Ceremonia e dorëzimit të trofeut është bërë dje dhe Guri është shprehur i kënaqur me këtë “triumf”, ndërkohë që ai ka siguruar edhe kualifikimin direkt për në Lojërat Olimpike “Londër 2012”.
2011 Worlds Greco 96kg Final - Elis Guri (BUL) vs. Jimmy Lidberg (SWE)