Aleanca Kuqezi

[Adriana]

Para bashkimit te tokave - bashkimi i kokave !!

Jemi komb që akoma nuk e dimë sa jemi, akoma nuk kemi inventar të hapësirës, të pasurive tona tokësore, ka thënë lideri i Aleancës Kuq e Zi, Kreshnik Spahiu, në fjalimin që mbajti në Fakultetin e Ekologjisë të USHT-së në Strugë.



“Sot jemi në një periudhë shumë të rëndësishme, jemi para një sfide të madhe se si do të zgjidhet çështja shqiptare: me armë apo me diplomaci?! Mes tjerash, nuk ka asnjë rast në botë që njeh historia, që është penguar bashkimi”, ka thënë Spahiu në fjalimin e tij.



Sipas liderit të Aleancës Kuq e Zi, shqiptarët janë shoqëri e politizuar dhe e militarizuar

Jemi komb që akoma nuk e dimë sa jemi, akoma nuk kemi inventar të hapësirës, të pasurive tona tokësore, ka thënë lideri i Aleancës Kuq e Zi, Kreshnik Spahiu, në fjalimin që mbajti në Fakultetin e Ekologjisë të USHT-së në Strugë.



“Sot jemi në një periudhë shumë të rëndësishme, jemi para një sfide të madhe se si do të zgjidhet çështja shqiptare: me armë apo me diplomaci?! Mes tjerash, nuk ka asnjë rast në botë që njeh historia, që është penguar bashkimi”, ka thënë Spahiu në fjalimin e tij.



Sipas liderit të Aleancës Kuq e Zi, shqiptarët janë shoqëri e politizuar dhe e militarizuar partiakisht, varësisht se cilës parti i takojnë, ndaj shqiptarët së pari duhet të synojnë “bashkimin e kokave para se të bashkojnë tokat”.



“Ne, si Shqipëri, në BE duhet të shkojmë të bashkuar”, shtoi Spahiu.

http://www.aleancakuqezi.al/2011/lajme/ ... mi-kokave/

[Arbëri]

Thirrjet raciste në Maqedoni, AK:
Provokim kombëtar, të distancohet Shkupi

Aleanca Kuqezi me anë të një deklarate për mediat i ka kërkuar qeverisë së Maqedonisë të distancohet nga thirrjet raciste të tifozëve maqedonas në ndeshjen miqësore Maqedoni-Shqipëri, që u luajt dje në stadiumin Goce Dellcev në Prilep.
Gjatë ndeshjes disa nga tifozët maqedonas kanë lëshuar thirrje raciste nda shqiptarëve si: Shqiptari i vdekur është shqiptar i mirë apo dhoma gazi për Shqiptarët.
AK duke e cilësuar nacionalizmin maqedonas si primitiv tha se këto thirrje janë provokim kombëtar ku i bën thirrje Shkupit zyrtar të distancohet nga ky incident.
Nacionalizmi maqedonas është primitive dhe i dhunshëm. Nuk lejojmë të poshtërohet simbolet tona. Shqipëria është kombi më i qytetëruar në rajon dhe ne jemi krenar që jemi shqiptar, thuhet në qëndrimin e AK-së.

[Arbëri]

AK kërkon unifikim të abetares



Aleanca Kuq e Zi ka bërë publike nismën e saj më të fundit atë për unifikimin e abetares, “Një komb, një gjuhë, një abetare”. Përfaqësues të AK kanë theksuar se duhen marrë masa dhe hartuar strategji për ruatjen dhe mbrojtjen e gjuhës shqipe.

Aleanca Kuq e Zi ngre shqetësimin e kaosit që sipas saj është krijuar aktualisht në arsimin fillor me teksin më themelor, atë të abetares. /albeu.com/

[Arbëri]

AK: Festa e Pavarësisë, tubim madhështor në Sheshin e Flamurit



Aleanca Kuq e Zi (AK) organizon të shtunën një tubim madhështor në Sheshin e Flamurit, në Vlorë.
Përmes një deklarate për shtyp, AK fton të gjithë shqiptarët të marrin pjesë në tubimin që organizon me rastin e Ditës së Pavarësisë, në 26 nëntor, në orën 11:00.
“Në Vlorë do të mblidhemi të gjithë kuq e zinjtë. Do të mbulojmë sheshin e Flamurit me flamur gjigant, i cili do të rrugëtojë më pas drejt Prishtinës”, thuhet në deklaratën e AK.
Sipas AK, shqiptarët nga të gjitha trevat kanë konfirmuar pjesëmarrjen në tubimin madhështor, për të ngritur në maksimum vlerat kombëtare.
http://alsat-m.tv/index.php/lajme/rajoni/100980.html

[Arbëri]

Spahiu: ‘Bashkimin e shqiptarëve nuk mund ta ndal askush’(SHKUP)



Bashkimin e shqiptarëve nuk mund ta ndalë askush, pasi është çështja e vullnetit të shqiptarëve. Kreu i Aleancës Kuq e Zi Kreshnik Spahiu në një intervistë në emisionin “Rruga Drejt...” u shpreh se vetëm klasa politike në Kosovë, Shqipëri dhe Maqedoni mund të pengojë bashkimin e shqiptarëve.
“Duhet ta heqim nga mendja e çdo kujt, bashkimin nuk mund ta ndalë askush. E dini se kush mund ta pengojë, kthehem tek pyetja juaj, po klasa politike që qeverisë Shqipërinë, që Qeverisë Tiranën dhe Qeverisë Prishtinën. Klasa politike që kontrollon parlamentet në Tiranë Shkup Prishtinë. Nuk mund të ketë një popull i cili do të bashkohet dhe një klasë politike e cila do të rrimë të ndarë, sepse bëjnë llogaritë, po u bashkuam me njëri tjetrin a rrimë dot në pushtet ne, po u bashkuam me njëri tjetrin a fusim dot kaq deputet në parlament?”, deklaroi Kreshnik Spahiu, kryetar i Aleancës Kuq e Zi.
Spahiu madje vlerëson se shqiptarët nuk mund të integrohen të ndarë në BE. Sipas tij shqiptarët në Bruksel do të shkojnë si një shtet. Spahiu kërkoi nga shqiptarët në Maqedoni, që të flasin vetëm shqip.
“Flisni vetëm shqip, të flasim vetëm shqip, dhe të refuzojmë gjuhën e atyre që refuzojnë, gjuhën e atyre që urrejnë, gjuhën e atyre të cilët thonë një shqiptar është i mirë kur është i vdekur. Shqiptarët nuk e meritojnë këtë gjë. Shqiptarët duhet të flasin vetëm shqip, dhe mos e bëjnë pjesë të kompromisit për të pasur një post apo detyrë, një ofiq në politikë,s shqiptarët duhet të bëhen bllok për të mbrojtur interesat e gjithë kombit shqiptar” Edhe maqedonasit duhet të mësojnë të komunikojnë me gjuhën tonë, nëse ata refuzojnë të flasin shqip, edhe shqiptarët duhet të refuzojnë të flasin gjuhën e tyre”, u shpreh Kreshnik Spahiu, kryetar i Aleancës Kuq e Zi.
A do ishte mirë që katër komunat serbe ti bashkëngjiten Serbisë, ndërkohë shqiptarëve të Kosovës tu bashkëngjitet Lugina e Preshevës.
“Jo, ato janë territore të përcaktuara dhe janë shqiptare, nëse duhen negociata, duhen vetëm për Luginën e Preshevës, Lugina e Preshevës nuk mund të këmbehet me territore tjera dhe në këtë kontekst jam i bindur se jemi në sinkron të plotë me faktorin ndërkombëtar me Komisionin Evropian dhe Qeverinë Amerikane”, përgjigjet Spahiu.
Kreshnik Spahiu, kryetar i Aleancës Kuq e Zi në emisionin ‘Rruga Drejt’ në Alsat, dërgoi një porosi për gjithë shqiptarët kudo që jetojnë:
“Porosia dhe mesazhi është i thjeshtë, është i thjeshtë që shqiptarët të duan Shqipërinë më shumë se partinë. Flamuri kuq e zi duhet të jetë mbi flamujt dhe leckat e partive politike”, u shpreh Kreshnik Spahiu, kryetar i Aleancës Kuq e Zi.

VIDEO : http://alsat-m.tv/index.php/lajme/101028.html

[Adriana]

Vlorë, AK tubim, Spahiu: Flamuri drejt Kosovës, kjo ëndrra e Ismail Qemalit



VLORE-Qindra aktivistë të Alanca Kuq e Zi kanë mësyrë sot në rrugët e Vlorës. Në orën 11:00 në Sheshin e Flamurit i zhvillua një tubim nga aktivistët e ardhur nga qytete të ndryshme të Shqipërisë.

Spahiu ka sulmuar politikën shqiptare duke e akuzuar për mosvazhdim të rrugës së paraardhësve të tyre.

“Ëndrra dhe aspirata e shqipëtarëve për bashkim kombëtar po përdhoset nga politika shqiptare që po hedh në treg territoret e saj. Kush kryeministër në Shqipëri ka qenë si Luigj Gurakuqi?, tha Spahiu.

Më tej Spahiu theksoi se AK do të vazhdojë rrugëtimin e saj në Prishtinë duke bashkuar të gjithë shqiptarët Kuq e Zi dhe injoruar çdo flamur politik që tenton të çkombëtarizojë popullin shqiptar. Kreshnik Spahiu tha se keshtu do të realizohet ëndrra e vërtetë e Ismail Qemalit, rrugëtimi i flamurit drejt Kosovës duke marre fund keshtu ata qe shkaterruan Shqiperine.

“Në këta 99 vjet ndryshuan territoret. 99-shat e Shqipërisë i bëjnë të 99-tat shqiptarëve. Nuk vazhduan ëndrrën e Ismail Qemalit, kemi kudo shqiptarë që vriten, qeveritare që luajnë kumar, piramida, mafja çka na lë të fundit në Europë. Nuk ishte kjo ëndrra e Ismail Qemalit. Ne jemi sot në këtë rrugëtim. Flamuri kuq e zi nga sot deri në 28 Nëntor 2012 do rrugëtoje drejt Prishtinës. Viti 2012, fundi e ëndrrës së atyre që shkatërruan ëndrrën e shqiptarëve”

Manifestimi madhështor u be me rastin e Shpalljes së Pavarësisë se Shqiperise 99 vjet më parë.

[Adriana]

Vlorë, AK tubim, Spahiu: Flamuri drejt Kosovës, kjo ëndrra e Ismail Qemalit



Qindra aktivistë të Alanca Kuq e Zi mësynë sot në rrugët e Vlorës. Kreshnik Spahiu tha se nga sot do të realizohet ëndrra e vërtetë e Ismail Qemalit, rrugëtimi i flamurit drejt Kosovës. "Në këta 99 vjet ndryshuan territoret. 99-shat e Shqipërisë i bëjnë të 99-tat shqiptarëve"

[Arbëri]

Spahiu: Bac, do e kryejmë kuq e zi



Aleanca Kuq e Zi me aktivitete të ndryshme ka shënuar Festën e 28 Nëntorit në Kosovë, gjithashtu ka mbajtur një tubim para anëtarëve të vet, ku ka shpalosur edhe sloganin “Bac, do e kryejmë kuq e zi”. Në këtë takim nuk kanë munguar as kritikat ndaj pushtetarëve, të cilët sipas Aleancës Kuq e Zi kanë vendosur interesat e xhepave dhe partive të tyre, mbi atë të kombit shqiptar.

Salla e Kinos “ABC’ ishte e vogël t’i zinte anëtarët e Aleancës Kuq e Zi, të cilët kishin ardhur nga Shqipërisë, Maqedonia e viset e tjera shqiptare.

Lideri i kësaj aleance, Kreshnik Spahiu para të pranishmëve ka thënë se kur ka marr rrugëtimin nga Vlora para dy dite, i janë sjellë shumë mendime nëpër kokë, ndërsa ka treguar një histori të tij, kur ishte 10 vjeç babi i tij kishte marr rrugën drejt Kosovës. Gjatë rrëfimit të tij, ai nuk mundi t’u përmbahej lotëve dhe ripërsëriti mëndimin që askush nuk mund të ndajë një familje, një komb, siç është kombi shqiptar.

“Babi gjithnjë më fliste për atdheun e tij Prizrenin, për kujtimet e tij, ishte i mbushur me lotë për faktin se nuk mund të kalonim kufirin. Rrugëtimi, i cili u ndal në kufirin e Morinës nga ushtarët serb me simbole të sllavizmit dhe perandorisë së lindjes, të cilët me dekada u munduan të mbajnë të ndarë, u munduan të mbajnë të ndarë një familje, një komunitet, një komb, nuk mund të mbajnë kurrë një familje as me simbole, as me koncepte, as me idetë e dy shteteve, sepse sot shqiptarët vërtet jetojnë në shtatë shtete dhe ata kanë dy shtete shqiptare”, ka thënë Spahiu dhe ka kërkuar ndjesë që nuk ka marr pjesë më 17 shkurt, në ditën e shpalljes së Pavarësisë së Kosovës.

Sipas tij kanë kaluar 99 vjet ëndrra shprese për ata të cilët luftuan për flamurin kuqi e zi, 99 vjet pavarësi, por sipas tij ky nuk është 99 vjet shtet, sepse ëndrra e Ismajl Qemajlit, ëndrra e Isa Boletinit ishin për një Shqipëri kuq e zi, për një të ardhme të përbashkët,tha Spahiu.

Kreshnik Spahiu ka thënë se në Shqipëri në çdo katër vite valëviten flamuj blu e rozë, në shtëpitë e shqiptarëve me të vetmin qëllim që pushteti mos t’ia rrëzojë shtëpinë që ka ndërtuar paleje, e duke harruar flamurin kombëtar kuq e zi.

Lideri i kësaj aleance, i cili është duke qëndruar që disa ditë në Kosovë, dje ishte për në vizitë tek varrezat e familjes Jashari në Prekaz. Por një slogan i cili ka qenë për pavarësi e Kosovës “Bac u kry”, Spahiu e ka ndryshuar atë “Bac, do e kryejmë kuq e zi”.

“Sot dhe dje natyrisht ne kemi menduar shumë se kush do të jetë mesazhi, mesazhi për gjithë ata të cilët luftuan me një ideal, me një aspiratë, jemi një komb, kemi një gjuhë, kemi një histori dhe natyrisht kemi një të ardhme dhe ne sot kemi një slogan një premtim ‘Bac, do e kryejmë kuq e zi’,” tha kreu i AK Spahiu.

Për më tepër ai ka shtuar se 99 vjet kanë kaluar dhe përsëri Shqipëria është e fundit në Evropë dhe përsëri më e varfëra. Spahiu ka theksuar se përderisa Shqipëria para dy dekadash ka filluar hapat për integrim në Bashkimin Evropian, ajo prapë merr nota negative, ndërsa Serbia e cila për dy dekada ishte në luftë, ajo merr nota pozitive.

Drejtuesit e Aleancës Kuq e Zi ka thënë se kur po afron viti 2012, nuk është fundi i botës, përkundrazi është fundi i atyre të cilët bënin pazar me çështjet kombëtare, fundi i atyre që interesat e xhepit të vet dhe partive i vuan mbi kombin shqiptar. Viti 2012 do të jetë viti i bashkimit, viti i një aksioni të madh, viti i Aleancës Kuq e Zi dhe gjithë atyre që bashkohen pa dallim krahine, ideje, e bindjesh politike.

Lideri i Aleancës Kuq e Zi, gjithashtu ka vënë kurura lulesh edhe tek lapidari i heroit Zahir Pajaziti dhe ka shpalosur një flamur tek obelisku New Born.

[Arbëri]

Inspektorët interesohen për Aleancën Kuqezi (Maqedoni)



Aktivistët e Shoqatës për mbrojtjen dhe afirmimin e identitetit kombëtar “Illyricum Libertas” të martën kanë dënuar arrestimin e tyre, duke penguar aktivitetet e parapara, ndërsa shoqërimin në polici e kanë quajtur akt të shëmtuar.

“Për fat të keq policia i ndërpreu këto aktivitetet që në mëngjes, duke arrestuar katër aktivistë në hyrje të autostradës Shkup-Tetovë. Dëshirojnë të informojmë opinionin e gjerë në vend dhe jashtë, që akti i policisë ishte i padrejtë dhe i shëmtuar pasi ndodhi më 28 nëntor, pikërisht në Ditën e flamurit tonë kombëtar. Për më tepër, gjatë qëndrimit në hapësirat e mbyllura jemi marrë në pyetje edhe nga Shërbimi i Sigurimit të Shtetit në lidhje me çështje krejt tjera, që s’kanë asnjë lidhje me vizatimin e murit në fjalë. Kërkojmë nga Prokuroria publike në Tetovë, që të ndalojë çdo aktivitet në drejtim të ngritjes eventuale të ndonjë padie, pasi muri në fjalë nuk përmban asgjë kompromituese në drejtim të përhapjes së ideve raciste, nacionaliste apo fyerjeve në baza të ngjashme. Kërkojmë nga faktori politik shqiptar në vend, sidomos ai qeveritar, që përfundimisht ta zgjidhë çështjen me përdorimin e simboleve kombëtare, në mënyrë që edhe qytetarët shqiptarë t’i përdorin simbolet e tyre kombëtare dhe t’i festojnë ditët e tyre kombëtare, ashtu siç bëjnë bashkëqytetarët e tyre të etnive tjera - në forma publike, të organizuara dhe dinjitoze. Dua të përmendi korrektesën e një pjese të forcave të uniformuara të policisë, në krye me kryeshefin Shefik Bajrami. Njëkohësisht i falënderoj gjithë qytetarët vullnetmirë, të cilët na qëndruan pranë në ato moment aspak dinjitoze të qëndrimit në hapësirat e policisë. Dua të shpreh falënderimin tim edhe për aktivistët e Shoqatës, të cilët me gjithë mungesat e djeshme, i realizuan deri në fund katër aktivitetet e parapara”, tha Valon Kurtishi, kryetar i Shoqatës “Illyricum Libertas”. Ndryshe, më 28 nëntor, rreth orës 10. 30, aktivistët e “Illyricum Libertas-it”, kanë qenë duke vizatuar hartën e Shqipërisë Etnike në hyrje të Tetovës nga Shkupi, ndërsa ky aktivitet i tyre është ndaluar nga ana e policisë dhe inspektorëve. Sipas Kurtishit, inspektorët janë interesuar për aktivitetin e Aleancës Kuqezi dhe shumë pak janë interesuar për mbishkrimin në tabelë.

[Patush]

Organizate e bukur!
Patriote ne figure dhe veprime te tanishme por linde pyetja:
Kush i financaon keto njerez? Kush i perkrah?

[Arbëri]

Kreshnik Spahiu perlotet duke rrefyer historine e familjes se tij



28 Nentor Mbi 10 000 aktiviste te Aleances Kuq e Zi ne Prishtine

[Sally]

Organizate e bukur!
Patriote ne figure dhe veprime te tanishme por linde pyetja:
Kush i financaon keto njerez? Kush i perkrah?

Me sa di une jane organizata nga Shqiptaret qe banojne jasht, te interesuar per bashkimin e trojeve. Duke pare qe asnje nga ata qe kemi po e ven ujin ne zjarre populli kerkon dicka te re. Ne belgjike e kam pare vet me syte e mi ate organizate te AK. Dhe punonjesit e organizates jane pothuajse te gjithe ne sherbim-pa fitime! ( te paktemen tani per tani )

[Socio]

^ Faleminderit Sally !

[Arbëri]

Organizatat e luftës mbështesin Aleancën kuq e zi



Organizata e Veteranëve të Luftës së Ushtrisë Çlirimtare Kombëtare (OVL-UÇK) dhe Shoqata e Veteranëve të Luftës së Ushtrisë Çlirimtare Kombëtare (SHVL- UÇK) mbështesin Aleancën kuq e zi, edhe pse akoma nuk janë kyçur drejtpërsëdrejti në të, përveç disa aktivistëve të këtyre dy organizatave. Lideri i Aleancës kuq e zi, Kreshnik Spahiu akoma nuk ka pas takim me liderët e këtyre dy organizatave, Besim Hodën dhe Fazli Veliun, por nuk përjashtohet mundësia që ata të takohen së shpejti. Kryetari i OVL –UÇK-së, Besim Hoda thotë për “Lajm” se ata mbështesin çdo iniciativë që ka për qëllim mbrojtjen e interesave kombëtare. “Mbështesim çdo iniciativë që ka për qëllim afirmimin, ngritjen e vlerave, ose qëllimin final që kishin dëshmorët për realizimin e idealit për bashkimin e shqiptarëve nga kushdo qoftë organizatë, subjekt politik, shoqatat tona simotra, etj.”, tha Hoda, duke shtuar se asnjëherë nuk është vonë për të bashkëpunuar, por siç shprehet ai kryesorja është që qëllimi të jetë i pastër.

Kryetari i SHVL-UÇK-së, Fazli Veliu thotë se së pari e mbështesim luftën për liri, mbështesin të gjitha të arriturat, mbështesim përpjekjet e subjektit politik të dalë nga lufta, por mbështesin edhe ato subjekte siç është Aleanca kuq e zi. “Ne duke përkrahur këtë subjekt, de fakto dëshmojmë se jemi së bashku në rrugën tonë për ta bërë çështjen tonë ashtu siç duhet bërë. Këta defilojnë nga jugu në veri, bëjnë punët e tyre, veprojnë. Këtu ende nuk mund të jenë subjekt kryesor, pasi ne jemi, por kanë edhe ata meritat e tyre që marrin guximin të dalin hapur dhe tregojnë se shkojnë rrugës së popullit për të realizuar qëllimet mbarëkombëtare”, thotë Veliu, duke shtuar se për ta në radhë të parë është sakrifica e madhe, heronjtë, dëshmorët, familjet e tyre, e më pas Aleanca Kuq e zi. Veliu thotë se varësisht prej veprimeve të kuq e zinjve do të jetë edhe mbështetja e tyre.
http://lajmpress.com/lajme/maqedoni/11793.html

[Arbëri]

AK, Kurtishi: Shqiptarët të bashkuar në Bruksel


TETOVE- Vetëm pak orë pas lirimit nga qelitë e paraburgimit kryetari i Aleancës Kuq e Zi, dega Maqedoni, Valon Kurtishi ka dhënë një deklaratë për mediat. Kurtishi u arrestua më 28 Nëntor pasi po vinte flamuj kombëtarë me rastin e festës së Pavarësisë.

Ai deklaroi se AK përfaqëson sot lëvizjen që do shkundë raportet e fosilizuara shoqërore, një lëvizje që sic tha ai, do të bëhet katalizator i shoqërisë në tranzicion.
“Organizata në fjalë paraqet një bashkim vullnetar të qytetarëve, studentëve dhe aktivistëve nga të katër anët e trojeve ku flitet shqip, për një jetë më të mirë, për një Shqipëri më të bashkuar, më të fortë e më të begatë”, tha Kurtishi.

Kjo lëvizje sipas tij mbron me forcë interesat kombëtare të shqiptarëve, ndërsa rithekson se shqiptarët do të bashkohen në Bruksel.
"Aleanca Kuq e Zi është shndërruar në një faktor serioz dhe ndoshta të vetëm që mbron me konsekuencë dhe maturi të rrallë interesat tona kombëtare. Aleanca nuk e ka parë asnjëherë kombin si të ndarë në gjashtë njësi të ndryshme administrativo-politike. Qëndrimi i saj i shprehur publik është shqiptarë të bashkuar në një Europë të bashkuar. Ajo e sheh kombin shqiptar si një e tërë e pandashme, një unitet organik me një të kaluar dhe të ardhme të përbashkët shqiptare e europiane njëkohësisht. Ky parim është krejtësisht demokratik dhe plotësisht në një vijë me synimet e politikës europiane për bashkimin e gjithë popujve të kontinentit tonë në një supershtet me peshë në politikën dhe ekonominë botërore”, shtoi ai.
(ma.ar/BalkanWeb)