Lajme nga Maqedonia

[Arbëri]

Numri i votuesve arrin numrin e popullsisë

Demografët vlerësojë se është e pamundur që një shtet me 2 milionë banorë të ketë mbi 1, 8 milion votues. Sipas të dhënave të Komisionit Shtetëror zgjedhor numri i votuesve për zgjedhjet e qershorit është 1 835 000, ose 66 884 më shumë votues se në zgjedhjet parlamentare të vitit 2008, kur dhe kishte 1 779 116 votues. Ndërkaq diferenca mes numrit të votuesve të vitit 2006 dhe atyre të vitit 2008 ka qenë 37 667, pasi në zgjedhjet parlamentare të vitit 2006 ka pas 1 741 449 votues. Demografi Asllan Selmani thotë për “Lajm” se është e pamundur që për tre vjet të shtohen 66 884 votues. “Absolutisht është e pamundur kjo. Numri i votuesve ishte dash të ulej e jo të rritej, pasi 44 për qind e popullsisë së Maqedonisë është e plakur dhe për çdo vit vdesin nga 20 mijë banorë”, thotë Selmani. Ai është i sigurt se në këtë rast ka manipulim. “Ndoshta i kanë numëruar emigrantët që ka 20 vjet që jetojnë jashtë Maqedonisë. Ka shumë manipulime pasi është e pamundur që një shtet me 2 milionë banorë të ketë mbi 1,8 milion votues”, thekson Selmani.
Deklarata e demografit Selmani përputhet me një analize të thjeshtë që bëri “Lajm”, ku del se në Maqedoni jetojnë rreth 220 mijë persona më shumë se shifra që jep enti për statistikë. Sipas të dhënave të Entit Shtetëror për Statistikë, Maqedonia ka 2 052 722 banorë, ndërsa 437 5102 kanë më pak se 18 vjet. Sipas këtyre të dhënave 210.281 persona janë filloristë, 95 343 janë në shkollë të mesme dhe 157 788 janë të moshës 0-6 vjet. Nëse e heqim komplet numrin e nxënësve të vitit të katërt, që është rreth 26 mijë, pasi ato mund ti kenë mbushur 18 vjet dhe kanë të drejtë vote del se 437 512 persona nuk kanë të drejtë vote. Nëse kjo shifër i shtohet numrit të votuesve 1 835 000, atëherë Maqedonia ka 2 272 512 banorë, ose 219 790 më tepër sesa të dhënat e Entit. Nënkryetari i Komisionit Shtetëror Zgjedhor (KSHZ) thotë se në regjistrin zgjedhor përfshihen të gjithë shtetasit e Maqedonisë dhe jo vetëm ata që jetojnë në Maqedoni. Regjistri për shtetasit e Maqedonisë gjendet në Ministrinë e Punëve të Brendshme, e jo në Entin Shtetëror për Statistikë. Ndërsa sipas të dhënave të Agjencisë për emigracion numri i qytetarëve të Maqedonisë që jetojnë në të gjashtë kontinentet është rreth 440 mijë.
Pak kohë më parë ministria e Punëve të Brendshme, Ministria e Drejtësisë dhe KSHZ bënë pastrimin e regjistrit zgjedhor, prej të cilit u fshinë rreth 20 mijë persona.
Të gjitha partitë kanë dalë me deklarata se në Maqedoni ka rreth 200 mijë votues fiktiv. Këtë e bëjnë kur janë në opozitë, ndërsa kur janë në Qeveri heshtin.

http://lajmpress.com/lajme/maqedoni/8548.html

[Arbëri]

“Koha për bashkim” ua zgjat dorën partive shqiptare


Me nismën "Koha për Bashkim", Lëvizja qytetare "Zgjohu", do të kyçet drejtpërsëdrejti në zgjedhjet e qershorit. "Zgjohu" nuk do të kalojë në parti politike, por do të formojnë regjistër me listën e pavarur të quajtur "Koha për Bashkim", e cila do të hap forum me partitë shqiptare dhe do t'ju ofrojë partneritet nëpërmjet përpjekjeve për të bashkuar sa më tepër parti politike shqiptare në zgjedhjet e qershorit. Nëse nuk ia arrijnë këtij qëllimi, në zgjedhjet e qershorit nuk do të kandidohen, pasi siç thonë organizatorët qëllimi është për të bashkuar votën shqiptare dhe jo për ta fragmentarizuar atë. "Gjykojmë që, në rrethanat e sotme, vota shqiptare nuk duhet të fragmentohet dhe të humb në fuqi dhe për këtë arsye kemi vendosur të bashkëpunojmë me partitë politike për ta institucionalizuar hisen tone. Por, po që se nuk arrijmë gjuhë të përbashkët me partitë politike, ne në asnjë mënyrë nuk do të kontribuojmë në përçarjen e votës, por do të bëhemi kritikuesi i tyre më i madh dhe nuk do t'i falim për asnjë gabim të vetëm", tha kryetari i "Zgjohu"-t, Artan Grubi. Ata do të nisin bisedime me të gjitha partitë politike shqiptare, ku do tu ofrojnë mbështetjen dhe kapacitetet e tyre dhe do të kërkojnë që bashkërisht ta faktorizojmë votën shqiptare dhe me forca dhe fytyra të reja shqiptarët ta marrin hisen që u takon. Para shpalosjes së nismës ata kanë pas bisedime me plot parti shqiptare, ku dhe kanë gjetur mbështetje. Ata i bëjnë apel të gjithë qytetarëve që të dalin masivisht në këto zgjedhje si asnjëherë më parë dhe ti mbështesin në këto përpjekje sepse, siç thotë Grubi nuk do ti zhgënjejnë dhe do të bëjnë çmos që secili të krenohet me përfaqësuesit e tyre politik të cilët me përgjegjësi do të punojnë që bashkërisht të dalim në dritë.

Të gatshme për bashkëpunim pas zgjedhor janë treguar të gjitha partitë politike, ndërsa për koalicionime parazgjedhore janë treguar të rezervuara.
http://lajmpress.com/lajme/maqedoni/8582.html

[Arbëri]

‘Marija Kiri Skllodovska’, hapen 7 paralele me mësim në gjuhën shqipe




Për herë të parë në shkollën e mesme të qytetit të Shkupit me drejtime profesionale “Marija Kiri Skllodovska”, do të hapen 7 paralele me mësim në gjuhën shqipe. 238 semi-maturantë shqiptarë do të mund të konkurrojnë për drejtimet: laboratori, farmaci drejtimin e prodhimeve kimike dhe të kozmetikës si dhe drejtimin e optikës. Profesorët shqiptarë shprehen të kënaqur nga numri i paraleleve shqiptare dhe bëjnë apel për tu riregjistruar në këtë shkollë pasi deri më tani interesimi I nxënësve shqiptarë për këto drejtime ka qenë shumë i ulët.
“Drejtimet të cilat janë të rëndësishme për popullatën shqiptare janë teknik laborant, teknik farmaceut, prodhimtaria e prodhimeve kimike, prodhimi i prodhimeve të kozmetikës, d.m.th këto janë drejtime në të cilat do të pranohen nxënësit sivjet, në vitin shkollor 2011-12. Shkolla posedon kuadër professional për plotësimin e kushteve në procesin edukativo arsimor. Kjo është një gjë shumë e rëndësishme për nxënësit të cilët do të vijnë dhe do të shkollohen që të mbarojnë shkollë e mesme në shkollën Marija Kiri Skllodovska në Shkup”, deklaroi Xhevdet Shabani, profesor i gjuhës shqipe.
Sipas profesorit Bilgin Ajredini, shkolla e mesme e kimisë ka kushte shumë të mira për mësim përfshirë edhe laboratorët të furnizuar me pajisje nga më modernet.
“Nxënësit të cilët do të mësojnë në këtë shkollë do të profesionalizohen në profilet mjekësi, kimi dhe drejtime të lëndëve natyrore. Kjo do të jetë si bazë për ta për studime nëpër fakultete të ndryshme. Fantomat të cilat i donë Ministria e Polonisë janë disa mjete më të cilat nxënësve ju lehtësohen që praktikisht të shohin atë të cilën e punon duke e ditur se shkollat tjera nuk e kanë këtë. Çdo herë në teori i kanë mësuar këto gjëra e kështu me radhë. Kështu nxënësi i shkollës së mesme për herë të parë do të jetë në gjendje që ta shohë at të cilën e ligjëron profesori në lëndën përkatëse”, tha Bilgin Ajredini, profesor i kimisë.
Profesorët Shabani dhe Ajredini thonë se për shkak të mosinteresimit të mjaftueshëm të semi-maturantëve shqiptarë për këtë shkollë, planifikojnë që të bëjnë vizitë në çdo shkollë fillore me qëllim që t’i njoftojnë nxënësit për programin dhe kushtet që ofron shkolla e kimisë. Për momentin në shkollën e mesme “Marija Kiri -Skllodovska”, funksionon vetëm një paralele me mësim në gjuhën shqipe, është ajo e vitit të dytë me 32 nxënës.
http://alsat-m.tv/lajme/vendi/60171.html

[Arbëri]

Rrugët maqedonisht në Korçë, Shkupi asgjë shqip

Shenjimi i rrugëve i shtetit 'Multietnik'

Shenja të institucioneve dhe rrugëve në gjuhën sllavo maqedonase janë vendosur në Komunën Liqenas (Pustec) të Prefekturës së Korçës.
Emrat e vendeve të njohura dhe të institucioneve që ishin të shkruara në shqip, tash janë të shkruara edhe në gjuhën sllavo maqedonase.

Në total janë 9 shenja rruge, tabela spitalesh, qendra kujdesi familjar, 2 shkolla dhe 56 rrugica dhe 11 lagje u bënë me mbishkrime dy gjuhësh, të cilat shenja janë të dhuruara nga komuna e Gazi Babës.

Duket se shqiptarët i japin çdo të drejtë minoriteteve etnike në një vend që nuk është multietnik si Shqipëria ,kurse në një vend zyrtarisht 'multietnik' si Maqedonia që përbëhet me mbi 35 përqind e popullatës shqiptarë, nuk ka shenja të trafikut dhe institucioneve dygjuhësh.

Konkretisht tërë gjatësia e rrugës Shkup - Prishtinë, autostrada Shkup - Tetovë, Shkup - Kumanovë etj. të tëra njoftimet janë në gjuhën sllavo maqedonase, e bile në vendet e pagesës së autostradës njoftimet ndoshta janë deri në 5 gjuhë por ironikisht në shqip nuk janë
http://www.qendra.info/aktualitet/kombe ... shqip.html

[Arbëri]

Maqedonia më e keqe se Jugosllavia



Lideri i “Vetëvendosjes”, Albin Kurti, vlerëson se shqiptarët në Maqedoni po shtypen si në kohën e ish Jugosllavisë. Ai gjatë një debati në Shkup, të organizuar nga institute “Liberta” akuzoi politikanët maqedonas se po përpiqen të ndërtojnë shtet kundër shqiptarëve. Politikani kosovar tha problem i Maqedonisë është karakteri i shtetit dhe jo shqiptarët.

“Karakteri nacional - shovinist i Maqedonisë është ai i cili duhet të ndryshohet. Këtë shqiptarët duhet ta thonë hapur dhe me vendosmëri dhe të mos lejojnë që qarqet shoviniste maqedonasi ti shtypin shqiptarët si në kohën e ish Jugosllavisë. Politikanët shovinist maqedonas duhet ta kuptojnë se problemi në Maqedoni nuk janë shqiptarët por problemi është karakteri i shtetit i cili në aq shumë aspekte është anti-shqiptar”, tha Kurti.


Ai adresoi kritika edhe ndaj qeverive në Tiranë dhe Prishtinë për moskujdesin për shqiptarët jashtë kufijve të Shqipërisë dhe Kosovës.

“Ne nuk jemi të kënaqur me Qeverinë e Kosovës jo vetëm me politikat e brendshme por edhe sa i përket një lloj mosangazhimi të kësaj qeverie jashtë Kosovës. Mendoj se në masë të konsiderueshme kjo vlen edhe për Shqipërinë, qeveritë e së cilës kanë dëshmuar që për çështjen shqiptare kanë qenë më të angazhuara se Qeveritë e Prishtinës, por megjithatë duhet pasur parasysh se ata i kanë pasur edhe mundësitë më të mëdha”, tha ai.

Deputeti kosovar, Albin Kurti partia e të cilit angazhohet për bashkimin e trojeve etike ka thënë se përçarja i ka varfëruar shqiptarët. Sipas tij shqiptarët e duan territorin që ju takon, sepse territori paraqet shans të mirë për zhvillim ekonomik.
http://lajmpress.com/lajme/maqedoni/8790.html

[Arbëri]

Albin Kurti: Ardhmëria e trekëndëshit Tiranë Prishtinë Shkup

[Arbëri]

“Antikët” festojnë festat e sllavëve



Edhe antikë, edhe sllavë. Maqedonia nuk di nga t’ia mbajë. Investimet e panumërta për të gjet rrënjët e antikës, nuk mund të përballojnë sllavizmin e ngulitur. Dita e iluministëve, Shën Kirili dhe Metodi, të cilët hartuan alfabetin e parë sllavë është festë shtetërore. Sipas historianëve, ky fenomen vërehet vetëm tek popujt që kanë probleme me identitetin e tyre.
“Dielli me shoshë nuk mbulohet. Dy të vërteta nuk mund të jenë. Ose janë trashëgimtarë të maqedonasve antik, siç po thonë, gjë që s’është e vërtetë, ose i përkasin grupit të sllavëve të jugut, ashtu siç është mësuar deri në vitet ’90-të”, thotë profesor dr. Nebi Dervishi, duke shtuar se maqedonasit janë një popull shumë interesant që as vetë nuk e di se çfarë janë dhe se çfarë kërkojnë. Ai thotë se maqedonasit e sotëm nuk i lidh asgjë me Lekën e Madh dhe me maqedonasit e lashtë, përveç emrit gjeografik. “Kjo politika e Nikolla Gruevskit është shumë e çuditshme. Edhe jemi sllavo- maqedon, edhe jemi trashëgimtarë të maqedonasve të lashtë. Ky është një popull shumë interesant. Para viteve 45 nuk mund të flitej për maqedonas. Këta i krijoi Titoja, i cili u dha shtet, u dha kulturë u dha alfabet”, thotë Dervishi, duke shtuar se deri në vitin 1946 nuk ka pas alfabet dhe është përdorur alfabeti i fqinjëve.
Ndërkaq, të martën në Maqedoni me manifestime të shumta është shënuar 24 Maji, dita e Shën Kirilit dhe Metodit, ditë kjo që ka hyrë në listën e festive shtetërore që nga viti 2007. Po ashtu për të vizituar varrin e Shën Kirilit në bazilikën "San Klemente" në Romë ka shkuar një delegacion shtetëror nga Maqedonia i kryesuar nga presidenti, Gjorgje Ivanov.
http://lajmpress.com/lajme/maqedoni/9275.html

[Arbëri]

Zgjedhjet në Maqedoni,deri në 10:00 pjesëmarrje e ulët e shqiptarëve në votime

SHKUP- Në Maqedoni sot 1 821 122 qytetarë me të drejtë vote janë thirrur për të votuar për përbërjen e re parlamentare. Votuesit duhet të zgjedhin 123 deputetët e Kuvendit republikan nga gjithsej 679 kandidatë të 18 subjekteve politike që garojnë në zgjedhje. Kutitë e votimit në 2976 vendvotime u hapën në ora 07.00 dhe do të mbyllen në ora 19.00. Komisioni Shtetëror i Zgjedhjeve (KSHZ) njoftoi se të gjitha vendvotimet në mbarë vendin janë hapur në kohën e duhur
Komisioni Shtetëror Zgjedhor (KSHZ) bëri të ditur se pjesëmarrja e votuesve deri në orën 10 është 14, 02 për qind.
DERI NE OREN 10:00 PJESEMARRJA 14. 2 %, PJESEMARRJE E ULET NE QYTETET KU BANOJNE SHQIPTARE
Ora 12:00 Komisioni Shtetëror Zgjedhor (KSHZ) bëri të ditur se pjesëmarrja e votuesve deri në orën 10 është 14, 02 %.
Kryetari i KSHZ-së, Boris Kondarko deklaroi se deri në orën 10.00 kanë votuar 224.837 votues, informon nga Shkupi gazetarja Zerijeta Jajaga. Pjesëmarrja e votuesve në njësinë e parë dhe atë të dytë që përfshijnë Shkupin dhe rrethinën është 16,4 % dhe 13,21,% ( te njësia e dytë) në të tretën 18, 61 %, një njësinë e katërt 16,27, në njësinë e pestë 13,81%. Në njësinë numër 6 që përfshin Tetovën Gostivarin dhe Dibrën, pjesën e banuar kryesisht me shqiptarë pjesëmarrja është 7,9 për qind. Kryetari i KSHZ tha se se procesi zgjedhor po ecën pa probleme dhe parregullësi po ca problemeve te vogla teknike të cilat janë shmangur për pak minuta. Ai ka bërë thirrje që qytetarët të dalin dhe lirshëm të shprehin votën e tyre.
"Fakti që në garë janë 7 parti shqiptare për elektoratin shqiptar ekziston rreziku i madh që në parlament të humbasë një ose dy deputetë, nga ana tjetër krijimi i shumë partive të vogla ka futur një risi të re, një shtensionim kundrejt njëra tjetrës ndërkohë që tension është më i madh brenda bllokut politik maqedonas"- raporton gazetarja Jajaga.

VOTIMI VAZHDON NORMALISHT
Ora 11.20 Në të gjitha komunat dhe zonat e tjera të vendit procesi zgjedhor po zhvillohet pa probleme dhe pa ndonjë parregullësi, njoftojnë nga komisionet komunale. Vëzhguesit vendor dhe të huaj janë të pranishëm në vendet e votimeve për të ndjekur procesin e votimit, ndërsa pranë qendrave të votimit në një distancë të përcaktuar ligjore janë të pranishme edhe forcat e rendit për të siguruar mbarëvajtjen e procesit.


PERBERJA E RE PARLAMENTARE
Qytetarët do të deklarohen për 21 lista të partive, koalicioneve dhe lista qytetare që garojnë në këto zgjedhje. Në garën zgjedhore konkurrojnë 7 parti shqiptare: BDI, PDSH, RDK, DR, BDSH, PPD dhe BDK. Ndërsa, në kampin politik maqedonas janë dy koalicionet e mëdha: ai i udhëhequr nga VMRO-DPMNE e kryeministrit të deritanishëm Nikolla Gruevski dhe koalicioni i partive opozitare me Lidhjen Socialdemokrate (LSDM), të cilat përfshijnë të gjitha partitë e tjera të pakicave.

Dje kanë votuar diaspora, të sëmurët dhe invalidët, të burgosurit si dhe personat e shpërngulur brenda vendit.

Diaspora për herë të parë ka shfrytëzuar të drejtën për të zgjedhur tre deputetët e saj në tre njësi të reja zgjedhore. Votim dje është zhvilluar në 36 përfaqësi diplomatike të Maqedonisë jashtë vendit, ndërsa të drejtë vote kanë pasur vetëm 7258 votues.

Komuniteti Shqiptaro-Amerikan në Çikago bojkotoi zgjedhjet dhe ka tërhequr kandidatin e saj me akuzat për manipulime dhe eliminimin të trupit të tyre votues të regjistruar. Të drejtën e votës dje e shfrytëzuan 2222 të burgosur si dhe 407 persona të shpërngulur brenda vendit. Procesi zgjedhor vëzhgohet nga 3700 vëzhgues vendor dhe 489 vëzhgues të huaj, kryesisht nga misioni OSBE/ODIHR.

Ministria e Punëve të Brendshme ka ndërmarrë të gjitha masat për sigurimin e mbarëvajtjes së zgjedhjeve. Mbi 7 mijë policë janë trajnuar për të zbatuar detyrat për të ndjekur dhe siguruar në një distancë prej 100 metrave procesin zgjedhor dhe evitimin e parregullsive të mundshme. Komisioni Shtetëror i Zgjedhjeve njoftoi se janë kryer të gjitha përgatitjet për zgjedhjet dhe se materiali zgjedhor është dorëzuar tek organet përgjegjëse për zbatimin e procesit të votimit.
(s.g/NEWS24/BalkanWeb)

[Arbëri]

Rezultatet pas dy oreve :

VMRO dhe BDI shpallin fitoren, LSDM pranon humbjen

Partia në pushtet VMRO-DPMNE sipas rezultateve paraprake pritet të ketë rreth 55 deputetë ndërsa partia opozitare maqedonase LSDM pak mbi 30 deputetë. LSDM tashmë edhe ka pranuar humbjen në zgjedhje.

Në kampin politik shqiptar, BDI ka marrë shumicën e votave të shqiptarëve duke shpallur fitore ndërsa partitë tjera politike shqiptare PDSH, DR, RDK dhe PPD duken se janë zhgënjyer nga rezultatet e deritanishme.

Zhgënjim më të madh ka pësuar Demokracia e Re e Imer Selmanit, e cila që në orën 21:00 ka mbyllur selinë e partisë dhe kanë njoftuar se nesër do të bëjnë njoftimet përkatëse.

Për më shumë ndiqni ekranin e rezultateve i cili rifreskohet vazhdimisht dhe i cili mund të shihet duke klikuar në faqen kryesore. /albeu.com/

[Arbëri]

Sipas të dhënave të fundit të KSHZ-së, tash me 100 për qind e votave janë numëruar. Ndërkohë pjesemarrja ne këto zgjedhje paralmentare ka qenë 63,36 për qind.

Bashkimi demokratik për integrim BDI 114870 (10,24%)
Partia demokratike shqiptare PDSH 66025 ( 5,89%)
Rilindja demokratike kombëtare RDK 29891 ( 2,67%)
Demokracia e Re DR 19732 (1,76%)
Partia për prosperitet demokratik PPD 275 (0,02%)
Bashkimi demokratik kombëtar BDK 453 (0,04%)
Bashkimi demokratik shqiptar BDSH 4504 (0,40%)
Koalicioni i udhëhequr nga VMRO DPMNE 437665 (39,00%)
Koalicioni i udhëhequr nga LSDM 367876 (32,78%)
Partia liberal demokratike PLD 16556 (1,48%)
Të bashkuar për Maqedoninë 17015 (1,52%)
VMRO Popullore VMRO PP 28125 (2,51%)


Urime "fitoren" BDI e PDSH , dhe ju deshiroj qe ne te ardhme sa me shpejte te theni qafen ose se paku koken

[Adriana]

Sipas të dhënave të fundit të KSHZ-së, tash me 100 për qind e votave janë numëruar. Ndërkohë pjesemarrja ne këto zgjedhje paralmentare ka qenë 63,36 për qind.

Bashkimi demokratik për integrim BDI 114870 (10,24%)
Partia demokratike shqiptare PDSH 66025 ( 5,89%)
Rilindja demokratike kombëtare RDK 29891 ( 2,67%)
Demokracia e Re DR 19732 (1,76%)
Partia për prosperitet demokratik PPD 275 (0,02%)
Bashkimi demokratik kombëtar BDK 453 (0,04%)
Bashkimi demokratik shqiptar BDSH 4504 (0,40%)
Koalicioni i udhëhequr nga VMRO DPMNE 437665 (39,00%)
Koalicioni i udhëhequr nga LSDM 367876 (32,78%)
Partia liberal demokratike PLD 16556 (1,48%)
Të bashkuar për Maqedoninë 17015 (1,52%)
VMRO Popullore VMRO PP 28125 (2,51%)


Urime "fitoren" BDI e PDSH , dhe ju deshiroj qe ne te ardhme sa me shpejte te theni qafen ose se paku koken

[Arbëri]

Aleksandrit i Madh u ngrit në Sheshin Maqedonia


Përmendorja e Aleksandrit të Madh ose siç e quajnë autoritetet maqedonase ‘Luftëtari mbi Kalë’ u ngrit më në fund në Sheshin Maqedonia në Shkup. Ajo përbën përmendoren më të madhe të të gjithë projektit ‘Shkupi 2014’
“Përmendorja e Aleksandrit të Madh është ngritur tashmë e plotë, pas montimit prej gati dy javësh të pjesëve të saj. Autoritet e Maqedonisë ende nuk pranojnë t’a quajnë atë përmendorja e Aleksandrit, por thjesht ‘Luftëtarit mbi Kalë’. Për grekët, emërtimi i përmendores është më se i qartë. Mbetet të shohim sa jetëgjatë do të jetë Aleksandri i Madh mbi këtë bazament, kur nga ana tjetër, ai përbën kusht të Greqisë për mos bllokimin e rrugës së integrimit euro-atlantik të Maqedonisë”.
Ngritja e përmendores u përshëndet me duartrokitje nga shumë qytetarë të mbledhur që në orët e para të mëngjesit në shesh.
“Kjo nuk është atraksion, kjo është një ngjarje historike për mua. Mund të them, më e madhja pas vdekjes së Aleksandrit të Madh”.
“Gjithë ata që do të flasin keq për përmendoret, pa llogaritur se sa kushtojnë këto vepra arti, mund të jetë çfarëdo por jo maqedonas”.
“Këtë gjë e kemi pritur me vite për t’u bërë realitet dhe vërtetë u bë. Shkupit i nevojitej një pamje e tillë dhe jo vetëm Aleksandri i Madh por edhe pjesa tjetër e Vardarit do të jetë e njëjtë”.
Megjithatë, ngritja e përmendores së Aleksandrit të Madh shkaktoi edhe debate publike mes qytetarëve që nuk e mbështesnin atë.
“Ndjenjat tuaja mund t’i mbani për vete dhe jo të thoni se kjo është marrëzi”.
“Në bazë të dialektit shihet se nuk jeni nga Shkupi. Këtë gjë le t’a ndërtojnë në Novo Selë të Shtipit”.
“Ju të Shkupit, të gjithë duhet të shkoni për në Beograd”.
“Ky është falsifikim i paparë!”
“Kjo nuk është marrëzi, turp t’ju vije për moshën që keni”
“Në këtë kohë, kjo është një marrëzi e madhe, e paparë deri tani. Marrëzi e paparë po ndodh sot këtu, jemi në skamje”.
Reagimet për përmendoren e Aleksandrit të Madh, priten me polemika nga një pjesë e qytetarëve, veçanërisht atyre shqiptarë. Përveç zbukurimit të fasadës së Shkupit, qytetarët thonë se shteti duhet të ketë prioritet ekonominë dhe zbutjen e varfërisë. Në rrafshin ndërkombëtar, veçanërisht atë të marrëdhënieve me Greqinë, kjo përmendore shihet si provokim. Përmendorja e Aleksandrit të Madh u derdhë në kallëp në Firence të Italisë. E gjatë 23 metra, ajo i kushtoi shtetit 9.5 milion euro. Së bashku më shatërvanin, përmendorja do të përurohet zyrtarisht më 8 shtator, me rastin e 20 vjetorit të pavarësisë së Maqedonisë.
http://alsat-m.tv/index.php/lajme/vendi/70558.html

[Arbëri]

Thaçi në listën e zezë të SHBA-ve


Lideri i PDSH-së Menduh Thaçi vazhdon të mbetet në listën e zezë amerikane të personave që akuzohen si të përfshirë në dhënie ndihme dhe përkrahje të dhunës ekstreme në Maqedoni dhe Ballkan, si dhe, si pengues të zbatimit të marrëveshjes së paqes të Ohrit, të marrëveshjes së Dejtonit në Bosnjë, dhe Rezolutën 12-44 në Kosovë. Për herë të parë ‘lista e zezë’ amerikane u publikua më 26 janar të vitit 2001.

Përveç liderit të PDSH-së Menduh Thaçi i cili në këtë listë gjendet nga viti 2001 nga shtetasit e Maqedonisë vazhdojnë të mbeten edhe deputeti i BDI-së Xhevat Ademi, Gafur Adili, kryetar i AKSH-së, Daut Rexhepi, ish deputet dhe pjesëmarrës në konfliktin e 2001, Xhezair Shaqiri, ish komandant i UÇK-së, Kastriot Haxhirexha, ish kryetar i PDK-së tani ushtrues detyre kryetar i DR-së, Nevzat Halili, kryetar i ‘Iliridës’, Xhemajl Hyseni, Nuri Bexheti dhe Xhavit Hasani, ish pjesëmarrës në luftën e Kosovës. Në listë vazhdon të mbetet gjithashtu edhe Ljube Boshkovski, kryetar i partisë ‘Të bashkuar për Maqedoninë’, bën të ditur Alsat-m listën.

SHBA ka njoftuar sot vazhdimin e masave të jashtëzakonshme edhe për një vit për Ballkanin Perëndimor përfshirë këtu edhe Maqedoninë, për shkak të kërcënimeve ndaj sigurisë kombëtare dhe interesave të jashtme amerikane.

Personat që përmenden në listën e zezë nuk lejohen të hujnë në territorin amerikan si dhe do t’u ngrihen llogaritë bankare nga institucionet financiare amerikane. /albeu.com/
http://www.albeu.com/maqedoni/thaci-ne- ... -ve/39809/

[Arbëri]

‘Marrëveshje TURPI’

Marrëveshje TURPI!!!... TURP për Ali Ahmetin, turp për BDI-në, vaj halli për shqiptarët, e për gjithë neve në Maqedoni me koalicion të këtillë qeveritarë. Me ministër të mbrojtjes e zv/ kryeministër të euro-integrimeve. U mashtrove Ali Ahmeti e BDI? Shqiptarët e Maqedonisë edhe njëherë ndjehen të zhgënjyer e poshtëruar, të nderuar përfaqësues të popullit. Ju votuan ti përfaqësoni në mënyrën më të denjë e jo të bëni marrëveshje të këtilla koalicioni duke ua mbyllur gojën Mijallkovat e VMRO DPMNE-istat gjatë bisedimeve. Kërkonit shumë, nuk morët pothuajse asgjë nga ajo. Ku është kryetari i parlamentit? Ku është një nga tre ministrit kyçe për të cilat vazhdimisht flisnit, ajo e punëve të brendshme, ajo e punëve të jashtme, ku nuk do të kemi tani asnjë përfaqësues shqiptarë apo ajo e financave ku shqiptarët më në fund pritnin të marinë ndoshta hisen e vetë? Ku është premtimi se do të jeni transparent, se do ta detyroni partnerin Tuaj të dilni para opinionit dhe të nënshkruani marrëveshjen për koalicionim dhe të tregoni se çka është ajo që ju shtyri të pranoni një marrëveshje të këtillë Turpi z. Ahmeti? Vallë shqiptarët e Maqedonisë duhet të jenë pengë vetëm e vetëm për shkak se individ të caktuar rreth Jush janë personalitete të komprometuara të cilët i ka në duar të veta Mijallkovi? Jo z. Ahmeti shqiptarët meritojnë shumë më tepër se kjo marrëveshje që keni bërë, jo që meritojnë por edhe pritnin se kësaj here Ahmeti dhe partia e tij BDI nuk do të zhgënjejnë shqiptarët e Maqedonisë dhe nuk do të jenë kukulla në qeverinë e Gruevskit siç ishin ndoshta në qeverinë e kaluar ku VMRO DPMNE-ja kishte shumicë absolute. Tani më nuk e ka atë shumicë VMRO-ja z. Ahmeti këtë e dini mirë , por BDI që mori mandatin për ti përfaqësuar shqiptarët nuk shfrytëzoi mundësinë që iu ofrua. U kënaqët me një ministër të mbrojtjes e zv/ kryeministër për euro-integrime. Kë do të mbroni e kë do të integroni z. Ahmeti me Gruevskin kryeministër. Për të mbrojtur ata që iu zgjodhën duhet të keni poste kyçe në Ministrin e Brendshme, ndërsa për të na integruar edhe vetë jeni të vetëdijshëm se këtë nuk mund ta arrini kurën e kurës nëse Gruevski nuk ndryshon emrin e shtetit. Në bisedime u futët me kushtëzimin se do të kërkoni garanci se brenda 100 ditëve do të zgjidhet kontesti për emrin, se do të kërkoni gjuha shqipe të jetë gjuhë zyrtare në tërë shtetin, do të kërkoni mbylljen e rasteve të Hagës e zgjidhjen e statusit të invalidëve dhe ish pjesëtarëve të UCK-së.
Çka ndodhi me këto kërkesa? Ua pranoi Mijallkovi dhe Gruevski???... Dhashë Zoti ti kenë pranuar z. Ahmeti, do të zbusni të paktën dëshpërimin dhe zhgënjimin e shqiptarëve. Por qoftë ashtu apo jo z. Ahmeti ua keni borxh shqiptarëve dhe elektoratit që ju votoj por edhe atyre që votuan për subjektet tjera shqiptare dhe atyre që abstenuan nga votimi, të dilni para tyre dhe tu tregoni cila është e vërteta, cila është marrëveshja me VMRO DPMNE. Në të kundërtën marrëveshja e këtillë e bërë publike sot do të mbetet MARRVESHJE TURPI!!! Shqiptarët me marrëveshje të këtillë z. Ahmeti janë të zhgënjyer e të poshtëruar. Alsat-M
http://alsat-m.tv/index.php/lajme/vendi/71347.html

[Adriana]