Kuriozitete te verteta

[Arbëri]

"Shmangia e goditjes nga treni", hit në Youtube
Nuk është e qartë nëse titulli paksa i veçantë e ka bërë të famshme këtë video apo pamjet e saj. Videoja është postuar në YouTube më datë 23 qershor dhe për katër ditë ka arritur 1.1 milion shikues.

Mund të shihet qartë një person i cili duket sikur po rrezikon jetën, pasi makina e tij ndodhet në shina dhe një tren po afrohet drejt tij, por..

video : http://www.youtube.com/watch?feature=pl ... W5yWUKDMpg

[Adriana]

une thash po shikoj vdekje LIVE sa u bera gati te mbyllja syte

[Arbëri]

une thash po shikoj vdekje LIVE sa u bera gati te mbyllja syte

Kishte vdekur me pas ne shtepi

[Adriana]

Kryebashkiakja godet me grushte sherifin (VIDEO)




Autoritetet në Filipine thonë se janë duke hetuar sulmin e një kryebashkiakeje ndaj një sherifi.

Sara Duterte, kryebashkiake e Davao City në jug të Filipineve, goditi disa herë me grusht zyrtarin e gjykatës, Abe Andres, pasi ai refuzoi të shtynte shkatërrimin e një getoje.

Sulmi erdhi gjatë një operacioni ku pati përplasje mes banorëve dhe policisë.

Veprimet e saj u filmuan nga një ekip televiziv. Ajo tha se kishte kërkuar që të shtyhej prishja e lagjes, në mënyrë që banorët të largoheshin paqësisht.

[Adriana]

Tatuazh me fotot e shokëve në FB


Një vajzë nga Hollanda mbuloi krejt krahun e saj të djathtë me një tatuazh gjigand që përfshinte fotografitë e profilit të 152 miqve të saj në Facebook.

Mesa duket ky rrjet social, që i ka kaluar përmasat e normales në gjithë botën, tashmë po kthehet në epidemi.

[Adriana]

E heq nga Facebook-u, i djeg shtëpinë



Askujt nuk i pëlqen të refuzohet, qoftë për një vend pune, qoftë në marrëdhëniet personale dhe përjashtim nuk bën as Facebook-u.
Kur dikush na eliminon nga lista e tij e miqve gjithmonë na vjen pak inat: “Pse më hoqi? Cfarë kam bërë?”
Por, historia e mëposhtme i kalon kufijtë.
Në Iowa të Shteteve të Bashkuara të Amerikës, një grua e quajtur Jennifer Christine Harris i vuri zjarrin shtëpisë së shoqes së saj Nikki Rasmussen sepse kjo e fundit e kishte hequr nga Facebook-u. Incidenti ndodhi kur Rasmussen po flinte me bashkëshortin, por fatmirësisht të dy dolën në kohë nga shtëpia.
Sipas policisë, gjithçka filloi kur Rasmussen i kërkoi Harrisit të krijonte një “event” në rrjetin e famshëm shoqëror për të ftuar disa miq në një festë që ajo donte të organizonte. Harris e bëri detyrën e saj, por ditët kalonin dhe shumë pak njerëz konfirmuan pjesëmarrjen. Rasmussen fajësoi shoqen për dështimin e festës dhe e hoqi nga lista e miqve në Facebook.
Harris u acarua aq shumë për këtë dhe shkoi në shtëpinë e mikes duke i vënë zjarrin garazhit dhe më pas flakët u përhapën në të gjithë shtëpinë.
Jennifer Harris tashmë është ndaluar nga policia dhe ka humbur punën e saj si mësuese.

[CERMENIKASI]

Me 24 Nandor 2011,në Pakistan,policia ka arrestue nji grue e cila kishte vra bashkëshortin dhe të cilin mandej e kishte pre copacopa ...sepse ay baheshte gati për me u martue sërish dhe kështu të kishte dy gra dhe ketë pa izmin e të parës.
Zainab Bibi bashkë me nipin e saj janë arrestue në momentin kur deshën me zie nji pjesë të "mishit" në tenxhere ....

Burra ,kujdes nëse ndokush i rrehet mendja me u ba me dy gra

[Adriana]

Letra e hajdutit: “Je shumë budalla!”


Policia angleze detyron hajdutët minorenë t’i shkruajnë letra pronarëve të shtëpive që kanë vjedhur si pjesë e rehabilitimit të tyre. Në këto letra hajdutët e vegjël kërkojnë ndjesë për veprimin e tyre.
Një adoleshent nga Leeds, i cili u arrestua pasi vodhi në një shtëpi një video-lojë, një kamerë, dy televizorë dhe dy bokse, nuk mori një dënim të rëndë për këtë. Ai u la i lirë me kusht që të shkruante një letër ku të kërkonte të falur dhe të vëzhgohej rreptësisht nga policia lokale.
Por, 16-vjeçari shpalosi në letër të gjithë sinqeritetin e tij. Ja teksti (që ishte i mbushur me gabime ortografike):

“I dashur viktimë,
Nuk e di pse po të shkruaj! Di që jam i detyruar për të shkruajtur. Sinqerisht nuk jam i penduar se të vodha shtëpinë sepse fajin e kishe vetë. Do të shpjegoj gabimet idiote që bëre. Së pari, nuk mbylle perdet siç bëjnë të tjerët para se të flenë. Së dyti, je shumë budalla që jeton në Stainburns, një zonë me rrezik të lartë vjedhjeje dhe je shumë idiot që lë dritaren e kuzhinës hapur. Unë nuk do e bëja kurrë këtë gjë. Gjithsesi, nuk më vjen keq për ty dhe nuk jam penduar fare.”

Kjo letër nuk i është dërguar pronarëve të shtëpisë, por sipas policisë së West Yorkshire teksti i saj është i dobishëm për banorët e zonës në mënyrë që të marrin masa për ruajtjen e shtëpisë së tyre duke kyçur dyert.

[Sally]

Provo te largosh stresin ne kete menyre...

Para katër vitesh, Donna Alexander nga Teksasi gjeti një zgjidhje mjaft origjinale për të gjitha ata që janë përplot zemërim dhe këtë nuk duan ta zbrazin mbi personat e tyre të afërt.
Ajo e shndërroi garazhin e saj në një “dhomë zemërimi”, në të cilën fqinjët kanë mundur të thyejnë mobiliet dhe në këtë mënyrë ta kthejnë qetësinë e brendshme.
Edhe pse në fillim ideja dukej ‘e krisur’, interesimi ishte shtuar aq shumë, saqë në vitin e kaluar Donna është dashur ta zmadhojë hapësirë dhe të krijojë një faqe interneti për rezervimet online.
“Dhoma e zemërimit është vendi ku mund të relaksoheni dhe t’i shkatërroni në tërësi hapësirat e rregulluara si zyra, dhoma dite apo kuzhina. Ndoshta tingëllon si çmenduri, por ju sigurojmë – pasi ta provoni një herë këtë metodë të çlirimit nga zemërimi, asgjë nuk do të mund ta krahasoni me të”, shkruan në faqen angerroom.com.

shiko videon:

[bardus]

Shqiptari, hit në Kroaci me akulloren prej rakie



Që prej disa ditësh, Ismet Alija pronar i një mbëltoreje në Beli Manastir në Kroaci, krijoi një produkt të ri. Bëhet fjalë për akullore prej rakie, e cila i bëri për vete konsumatorët, normal personat e rritur.

Nuk ua shërbejmë klientëve të mitur, ndërsa ata më të moshuarit janë të mahnitur – thotë Alija, i cili shtoi se dëshira e tij ka qenë që klientëve tu shërbejë diçka më ndryshe.


Nga një akullore bile edhe me dy askush nuk mund të dehet – thotë ai, duke shtuar se për 1 kilogram akullore përdor 4,5 decilitra nga rakija më popullore Viljamovska.

Baza e akullores është dardha, e cila në kombinim me rakinë jep shije të jashtëzakonshme. Këtë e konfirmuan edhe klientët e tij./Shqipmedia